完整藏文原文 · 德格版页 当前仅加载第 95 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་ལ་ཉིན་ཞག་གཅིག་སྨྱུང་བ་བགྱིས་ཏེ། དཔག་ཏུ་མ་མཆིས་པར་བཟླས་བརྗོད་བགྱིས་ན་གནོད་སྦྱིན་མོ་མཆི་བར་འགྱུར་ཏེ། རྡོ་རྗེ་བཞད་མས་སྨྲར་སྩལ་བར་བགྱིའོ། །གང་གི་ཚེ་ངས་ཆེ་གེ་མོ་ཞེས་བྱ་བ་ལ་རྒྱོབ་ཤིག་རྒྱོབ་ཤིག །སྲེགས་ཤིག་སྲེགས་ཤིག །
D746.095.0028b01.01ཟུང་ཤིག་མྱོས་པར་གྱིས་ཤིག །མ་རུངས་པར་གྱིས་ཤིག་ཅེས་བསྒོ་བ་ཐམས་ཅད་ལ་གནོད་པ་གྱིས་ཤིག །བཅོམ་ལྡན་འདས་དྲན་པ་ཙམ་གྱིས་ཀྱང་ཐམས་ཅད་གྱིས་ཤིག་ཅེས་བསྒོ་བར་བགྱིའོ། །ཉེ་བའི་སྙིང་པོ་རྫོགས་སོ།། །།ནག་མོ་
D746.095.0028b02.01དྲག་མོའི་ལས་རྣམས་ལགས་ཏེ། གསང་སྔགས་ཐམས་ཅད་དུ་གསང་སྔགས་གང་ལས་མི་བགྱིད་པ་དེ་ནག་མོ་དྲག་མོ་འདིས་བཀུག་ན་དེས་ལས་བགྱིད་དོ། །བཀུག་ཀྱང་གལ་ཏེ་མ་གྲུབ་ན་ཕྱེ་མ་རེད་ལག་ན་རྡོ་རྗེའི་མདུན་དུ་རིག་སྔགས་དེ་ལན་བདུན་བརྗོད་ལ། དེའི་
D746.095.0028b03.01འོག་ཏུ་ནག་མོ་དྲག་མོའི་སྔགས་ལན་བརྒྱ་རྩ་བརྒྱད་བརྗོད་པར་བགྱིའོ། །དེ་ནས་སྔགས་དེ་རྨི་ལམ་དུ་སྟོན་པར་བགྱིད་དོ། །ཡི་གེ་མ་ཚང་བ་དང་། ཕུར་བུས་བཏབ་པས་སྨྲ་བར་བགྱིད་དོ། །གལ་ཏེ་ཡི་གེ་མ་ཚང་བར་གྱུར་ན་རིག་པ་མཆོག་གིས་ཚང་བར་བགྱིད་དོ། །
D746.095.0028b04.01གལ་ཏེ་ཕུར་བུས་བཏབ་པར་གྱུར་ན་རིག་པ་མཆོག་ཉིད་ཀྱིས་ཕུར་བུས་འབྱུང་བར་བགྱིད་དེ། ཕྱེ་མ་རེད་ལག་ན་རྡོ་རྗེའི་མདུན་དུ་མཆོད་པ་བགྱིས་ལ་སྔགས་ཏེ། རང་གི་ཁྲག་གིས་ཤིང་ཏ་ལའི་ལོ་མ་ལ་བྲིས་ཏེ། རྩྭ་ཀུ་ཤ་ལས་བགྱིས་པའི་རྡོ་རྗེ་ལ་ལན་བདུན་སྔགས་ལ་བསྣུན་ན་
D746.095.0028b05.01དེ་ནས་ཕུར་བུ་འབྱིན་པར་འགྱུར་རོ། །གདོན་དགུག་ན་མེ་ཏོག་གིས་བགྱིའོ། །གདོན་རེངས་པར་བགྱི་ན་ལན་གསུམ་བཟླས་བརྗོད་བགྱིས་པའི་ཆབ་ཀྱིས་བགྱིའོ། །གདོན་སྤོང་བར་བགྱིད་ན་བདུག་པས་བགྱིའོ། །གདོན་དབབ་ན་རྣ་བར་བཟླས་བརྗོད་བགྱིས་པས་
D746.095.0028b06.01སོ། །གདོན་གཏོང་བར་འདོད་ན་ཤ་ཁ་རའི་ཆབ་ལ་ལན་བདུན་བཟླས་བརྗོད་བགྱིས་ན་གཏོང་ངོ་། །ཙན་དན་དམར་པོ་ལས་རྡོ་རྗེ་བགྱིས་ལ་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ། ལག་ན་རྡོ་རྗེའི་མདུན་དུ་བ་ལང་གི་ཤས་བདུག་པར་བགྱིའོ། །
D746.095.0028b07.01