完整藏文原文 · 德格版页 当前仅加载第 95 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
འཇུག་པ་དང་བསྐལ་པར་གནས་པ་སྟེ། དམ་པ་བརྒྱད་འདི་དག་ལས་གཅིག་བླང་བར་བྱའོ། །ལན་བདུན་བསྒྲུབས་པའི་ཐ་མལ་མཚམས་མེད་པ་ལྔ་བྱེད་བྱེད་པས་ཀྱང་འགྲུབ་པར་འགྱུར་རོ། །དེ་ནས་བསྒྲུབ་པར་འདོད་པས་ལྡོང་རོས་བླངས་ལ་བུད་མེད་ཀྱི་ནུ་ཞོ་དང་བཏགས་ཏེ་
D746.095.0103b01.01རིལ་བུ་ལྔ་བྱས་ཏེ། ཡུངས་ཀར་དང་ལྷན་ཅིག་ཏུ་ཨ་ག་རུའི་སྒྲོམ་བུའི་ནང་དུ་བཅུག་ལ་ཟླ་བ་སྤྱང་ཀིས་ཟིན་པའམ། ཉི་མ་སྤྱང་ཀིས་ཟིན་པའི་ཚེ་གཏོར་མའི་ཆོ་ག་བྱས་ཏེ་བསྒྲུབ་པར་བྱའོ། །གང་གི་ཚེ་ཡུངས་ཀར་རྣམས་ཚེག་ཚེག་ཟེར་བའི་ཚེ་ནི་སྐྱེ་བོ་ཐམས་ཅད་དབང་དུ་འགྱུར་
D746.095.0103b02.01བའི་དངོས་གྲུབ་དང་པོ་སྟེ། དེས་ན་འཇིག་རྟེན་པ་ཐམས་ཅད་དབང་དུ་འགྱུར་ཞིང་གང་བསྒོ་བ་དེ་དག་ཐམས་ཅད་བྱེད་པར་འགྱུར་རོ། །ཡང་ན་དུད་པ་འཐུལ་བར་འགྱུར་ན་ནི་ལུས་མི་སྣང་བར་འགྱུར་བ་ཐམས་ཅད་ཀྱི་རྒྱལ་པོར་འགྱུར་རོ། །ཡང་ན་འབར་བར་འགྱུར་ན་ནི་དེའི་ཚེ་ལྷ་
D746.095.0103b03.01གཞོན་ནུར་འགྱུར་ཏེ། ཉི་མ་ཤར་ཀའི་གཟི་བྱིན་དང་ལྡན་ཞིང་རིག་སྔགས་འཆང་གི་རྒྱལ་པོར་འགྱུར་ལ། བསྐལ་པ་ཆེན་པོ་གཅིག་གི་བར་དུ་འཚོ་བར་འགྱུར་རོ། །གི་ཝང་དང་བ་བླ་ལ་སོགས་པའི་རྫས་རྣམས་ཀྱང་དེ་བཞིན་དུ་བསྒྲུབ་པར་བྱའོ། །དེ་ནས་མིག་རྩི་བསྒྲུབ་པར་འདོད་
D746.095.0103b04.01ན་ལིག་བུ་མིག་དང་། ཨུཏྤ་ལ་སྔོན་པོ་དང་རུ་རྟ་དང་། ཙནྡན་རྣམས་ལྷན་ཅིག་སྦྱར་ཏེ་ཟངས་ཀྱི་སྣོད་དུ་བཅུག་ལ་ཟླ་བ་སྤྱང་ཀིས་ཟིན་པའི་ཚེ་དུད་པ་བྱུང་གི་བར་དུ་བཟླས་བརྗོད་བྱས་ནས་དེས་མིག་བསྐུས་ན་ལུས་མི་སྣང་བར་འགྱུར་ཞིང་འདོད་དགུར་སྒྱུར་བའི་གཟུགས་ཅན་དུ་འགྱུར་ལ་
D746.095.0103b05.01ལུས་མི་སྣང་བར་འགྱུར་བ་ཐམས་ཅད་ཀྱི་རྒྱལ་པོར་འགྱུར་རོ། །དེ་ནས་རལ་གྲི་བསྒྲུབ་པར་འདོད་ན་རལ་གྲི་འཕན་མེད་པ་བླངས་ལ། མར་གྱི་ངོ་ཞག་བརྒྱད་དམ་ཞག་བཅུ་བཞི་ལ་རི་མོའི་གཟུགས་ལ་མཆོད་པ་རྒྱས་པར་བྱས་ཏེ་གཏོར་མའི་ཆོ་ག་བྱས་ནས་བསྲུང་བའི་ཆོ་ག་ཡང་
D746.095.0103b06.01ནན་ཏན་དུ་བྱས་ལ། ལག་པ་གཡས་པས་རལ་གྲི་བཟུང་སྟེ་འགུལ་བར་གྱུར་གྱི་བར་དུ་བཟླས་བརྗོད་བྱས་ནས་འགུལ་བར་གྱུར་ན་ནི་གཅིག་པུ་གནས་པའི་རིག་སྔགས་འཆང་དུ་འགྱུར་རོ། །འབར་ན་ནི་འཁོར་དང་བཅས་པར་འགྱུར་ཏེ་རིག་སྔགས་འཆང་ཐམས་ཅད་ཀྱི་རྒྱལ་
D746.095.0103b07.01