完整藏文原文 · 德格版页 当前仅加载第 95 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་གཞག་གོ། །དེའི་གཡོན་ལོགས་སུ་འཕགས་པ་ལག་ན་རྡོ་རྗེ་ཕོ་ཉ་མའི་ཚོགས་ཀྱི་འཁོར་དང་བཅས་པ་གཞག་གོ། །དེའི་དྲུང་དུ་འཕགས་པ་རྡོ་རྗེ་སྡེ་ལག་པ་ན་པདྨ་ཐོགས་པ་གཞག་གོ། །དེའི་གཡོན་ལོགས་སུ་འཕགས་པ་གཙུག་ནས་འབྱུང་བ་གཞག་
D746.095.0157b01.01གོ། །དེའི་དྲུང་དུ་ལྷ་ཆེན་པོ་དང་། ཚངས་པ་དང་། ཁྱབ་འཇུག་དང་། མ་མོ་བདུན་གཞག་གོ། །དེའི་དྲུང་དུ་ཚོགས་དྲུག་ཅུ་རྩ་བཞི་དང་། ལོག་འདྲེན་སུམ་ཅུ་རྩ་གཉིས་གཞག་གོ། །བཅོམ་ལྡན་འདས་ཀྱི་སྤྱན་སྔར་ནི་སྤྱན་གསུམ་གཞག་པར་བྱའོ། །བཅོམ་ལྡན་འདས་ཀྱི་
D746.095.0157b02.01གཡས་ལོགས་སུ་ནི་འཕགས་པ་སྤྱན་རས་གཟིགས་དབང་ཕྱུག་གོས་དཀར་ཅན་དང་ལྷན་ཅིག་ཏུ་གཞག་གོ། །དེའི་དྲུང་དུ་རྒྱལ་པོ་ཆེན་པོ་བཞི་དཔུང་དང་བཅས་པར་གཞག་གོ། །ལྷ་ཐམས་ཅད་ཀྱང་ཇི་ལྟ་བ་བཞིན་དུ་མཚོན་ཆ་ཐོགས་པར་བྱའོ། །ནང་དུ་ཡང་ཀླུང་ཆེན་པོ་བཞི་
D746.095.0157b03.01འདབ་ཆགས་སུ་གཞག་གོ། །གང་གཱའི་བུམ་པ་ནི་མགྲིན་ཆིངས་དཀྲི་བར་བྱའོ། །བུམ་པའི་ནང་དུ་སྙིང་པོ་གསུམ་གཞག་པར་བྱའོ། །སྒོ་དང་པོའི་ནང་དུ་ནི་རྫོང་གི་འཕགས་མ་དང་། ཚིག་ལྡན་མ་གཞག་པར་བྱའོ། །བྱང་ཕྱོགས་སུ་ནི་ལྕགས་ཅན་གཞག་གོ། །ནུབ་ཕྱོགས་
D746.095.0157b04.01སུ་ནི་རྒྱལ་པོའི་བློ་གྲོས་མ་གཞག་གོ། །ལྷོ་ཕྱོགས་སུ་ནི་བདུད་རྩི་ཐབ་སྦྱོར་གཞག་གོ། །བུམ་པའི་མདུན་དུ་ནི་ལྷའི་དྲང་སྲོང་མེ་འབར་བ་དང་ལྡན་པར་གཞག་གོ། །སྒོ་བཞིར་ཡང་བུམ་པ་མགྲིན་ཆིངས་དང་བཅས་པ་བཞི་གཞག་གོ། །སྒོ་རེ་རེར་ཡང་སྐྲའི་སྐུད་པ་མཚོན་ཆ་དང་བཅས་
D746.095.0157b05.01པར་གཞག་གོ། །དབུས་སུ་ཡང་ཚོགས་རྣམས་ཀྱི་ཏ་ལའི་ཐོ་བ་གཅིག་དང་། སྐྲའི་སྐུད་པ་གཞག་གོ། །ཐོག་མར་ཐིག་གདབ་པ་ནི་རིག་པ་མཆོག་གིས་བྱའོ། །ལྷ་ཐམས་ཅད་བྲི་བ་ནི་སྙིང་པོས་བྱའོ། །ལྷ་ཐམས་ཅད་སྤྱན་དྲང་བ་ནི་བཅོམ་ལྡན་འདས་མས་བྱའོ། །དྲི་དང་མེ་ཏོག་དང་
D746.095.0157b06.01བདུག་པ་དབུལ་བ་ཡང་དེས་བྱའོ། །དཀྱིལ་འཁོར་གྱི་བགེགས་བྱེད་པ་གང་ཡིན་པ་དེ་དག་ཀྱང་སྙིང་པོས་སྦྱིན་སྲེག་བྱ་སྟེ། ཡུངས་ཀར་དང་ཞོ་དང་སྦྲང་རྩི་དང་མར་དང་ལྡན་པས་ལན་བརྒྱ་རྩ་བརྒྱད་སྦྱིན་སྲེག་བྱའོ། །དེ་ནས་རིག་སྔགས་འཆང་གིས་རིག་སྔགས་འཆང་ཞག་གཅིག་སྨྱུང་
D746.095.0157b07.01