完整藏文原文 · 德格版页 当前仅加载第 95 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་མདུན་དུ་བཞག་ལ་པ་ལ་ཤའི་ཤིང་གིས་མེ་སྦར་ནས་འབྲས་ཡོས་མར་དང་སྦྱར་བས་ལན་བརྒྱད་སྟོང་སྦྱིན་སྲེག་བྱའོ། །དེ་ནས་མེའི་དབུས་སྔོ་བྲེ་ངེར་འདུག་པ་དང་། མཐའ་སྔོ་བ་དང་། མེའི་རྩེ་མོ་རྒྱས་པ་དང་། དྲུང་སྔོ་ཞིང་མགྱོགས་པ་ལས་བརྟག་སྟེ། དེ་ནས་
D746.095.0145a01.01རྟགས་བཤད་པ་དེ་དག་གིས་འོང་བར་ཤེས་པར་བྱའོ། །དེ་ནས་རིག་སྔགས་འཆང་གིས་ལྷ་བཤོས་ཕུལ་ཏེ། མར་གྱི་སྲེག་བླུགས་བདུན་གྱིས་སྦྱིན་སྲེག་བྱའོ། །བདག་འདུག་པ་དང་བགེགས་ཐམས་ཅད་མི་འབྱུང་ཞིང་རིག་སྔགས་ཀྱང་འགྲུབ་པར་འགྱུར་རོ། །དེ་ནས་ལྷའི་དྲང་སྲོང་
D746.095.0145a02.01མེས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ་རིག་སྔགས་ཀྱི་ལས་རྣམས་ཤོད་ཅིག་ཤོད་ཅིག །དེ་ནས་བཅོམ་ལྡན་འདས་ལག་ན་རྡོ་རྗེ་ཡིད་དགའ་བར་གྱུར་ནས་རིག་སྔགས་ཀྱི་ཚོགས་རྣམས་ལ་བལྟས་ཏེ། རིག་སྔགས་ཀྱི་ལས་རྣམས་བཤད་པ་ལས་ཐམས་
D746.095.0145a03.01ཅད་ལ་ཡང་པ་ལ་ཤའི་ཤིང་གིས་མེ་སྦར་ལ། འབྲས་ཡོས་ཞོ་དང་། སྦྲང་རྩི་དང་། མར་དང་སྦྱར་བས་ལན་བརྒྱད་སྟོང་སྦྱིན་སྲེག་བྱས་ན་ལས་འགྲུབ་པར་འགྱུར་ཏེ། མེ་ཡང་དམ་པ་སྦྱིན་པར་བྱེད་ཅིང་གང་འབར་བ་སྣང་བ་དེར་བསྲུང་བར་འགྱུར་རོ། །ལྷ་དབབ་ན་བྱེའུ་རུག་པའི་ལོ་མའམ་ཆུས་
D746.095.0145a04.01བྱའོ། །སྐྱེས་པ་དབང་དུ་བྱ་ན་ཡར་གྱི་ངོ་ཚེས་བཅུ་བཞི་ལ་ཞག་གཅིག་སྨྱུང་བ་བྱས་ཏེ། སྦྱིན་སྲེག་གི་གནས་སམ། ཁང་སྟོང་དབེན་པའི་ཕྱོགས་སུ་མེའི་སྦྱིན་སྲེག་བྱས་པའི་མེས་བིལ་བའི་ཤིང་གིས་མེ་སྦར་ཏེ། ཀུནྡའི་མེ་ཏོག་ཁ་མ་བྱེ་བ་མར་གྱི་ནང་དུ་སྨྱུགས་པ་སུམ་སྟོང་གིས་སྦྱིན་སྲེག་
D746.095.0145a05.01བྱས་ན་སྐྱེས་པ་དབང་དུ་འགྱུར་རོ། །དེ་ནས་མེ་བསྒྲུབ་པར་འདོད་ན་ཞག་བདུན་གྱི་བར་དུ་ཟས་འོ་མ་དང་ཕྱེའི་ལྡེ་གུ་ཟ་ཞིང་རིག་སྔགས་བཟླས་བརྗོད་བྱས་ན་དེ་ནས་ཡར་གྱི་ངོ་ཚེས་བཅུ་གཉིས་ལ་ཞག་གཅིག་སྨྱུང་བར་བྱས་ཏེ། ཁང་སྟོང་དུ་སོང་ལ་ནང་དུ་ཞུགས་ནས་གཙང་མར་བྱས་ཏེ། ཕྱོགས་
D746.095.0145a06.01བཞིར་གཏོར་མ་བྱིན་ལ་དཀྱིལ་འཁོར་གྱི་དབུས་སུ་ལག་ན་རྡོ་རྗེའི་གཟུགས་བཞག་ནས། དེའི་མདུན་དུ་མེའི་སྦྱིན་སྲེག་བྱས་པའི་མེས་བིལ་བའི་ཤིང་གིས་མེ་སྦར་ལ། དེ་ནས་མེ་ཏོག་དཀར་པོ་དང་། གུ་གུལ་གྱིས་བདུག་པས་མེ་ལྷ་སྤྱན་དྲང་ངོ་། །དེ་ནས་རིག་སྔགས་འཆང་གིས་
D746.095.0145a07.01