完整藏文原文 · 德格版页 当前仅加载第 95 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གཞན་གྱིས་བྱས། །འདི་ནི་འབྱུང་པོ་ཀུན་ལ་ཕན་ཕྱིར་བཤད་པ་སྟེ། །འབྱུང་པོའི་ཚོགས་ཀུན་འདས་ལ་རྟག་ཏུ་མཆོད་པར་བྱ། །དཀྱིལ་འཁོར་དག་ལས་གཏོར་མའི་ལས་ནི་རྒྱས་པ་འདི། །རྒྱུ་བ་དག་གི་གནས་དང་རྟེན་གྱུར་དཔལ་བསྐྱེད་ཕྱིར། །འདིར་ནི་ཐམས་ཅད་དུས་
D746.095.0194b01.01སུ་ཕྱོགས་རྣམས་ཐམས་ཅད་དུ། །ཡོངས་སུ་དག་པའི་ཡིད་དང་རྣམ་པ་ཐམས་ཅད་ཀྱིས། །ཐམས་ཅད་ཞི་བར་བྱེད་པ་གསུམ་དུ་རབ་བཤད་པ། །དོན་རྣམས་བསྒྲུབ་པའི་ཕྱིར་ནི་བླ་མས་བྱ་བ་ཡིན། །ལས་ཀྱི་དཀྱིལ་འཁོར་རྫོགས་སོ།། །།ཀུན་རིག་
D746.095.0194b02.01སེམས་ཅན་ཀུན་གྱིས་མཆོད། །རིག་སྔགས་བདག་པོ་ཀུན་གྱིས་བརྗོད། །མཚུངས་པ་མེད་པའི་སངས་རྒྱས་ནི། །རྣམ་གསུམ་ཉི་མའི་འོད་དང་ལྡན། །མཚན་མེད་མང་པོ་མངའ་བ་སྟེ། །འདོམ་གང་འོད་ཆེན་འཆང་བ་དང་། །རིག་སྔགས་སྟོན་པ་ཆེན་པོ་སྟེ། །མཆོག་ཆེན་
D746.095.0194b03.01འཆང་ཞིང་སྦྱིན་བྱེད་དང་། །དག་པའི་ཆོས་ཀྱི་ངེས་གསུངས་པ། །ཞི་བའི་གྲོང་ཁྱེར་ཞི་བའི་ལམ། །གང་གིས་ཐུབ་རྣམས་ཤེས་པ་དང་། །གཞན་ཡང་སྔོན་གཤེགས་གཤེགས་གྱུར་དང་། །ཡ་མཚན་གནས་ལྡན་དགེ་འདུན་རྣམས། །མྱ་ངན་འདས་པའི་གྲོང་འཇུག་པ། །
D746.095.0194b04.01ཤིན་ཏུ་རྒྱས་པ་དེ་ཀུན་ལ། །ཡང་དང་ཡང་དུ་ཕྱག་འཚལ་ཞིང་། །ཐུབ་པ་སངས་རྒྱས་གཉིས་པ་ནི། །འཕགས་པ་ཤ་ར་དྭ་ཏིའི་བུ། །ལྷ་དང་ལྷ་མིན་དྲི་ཟར་བཅས། །ཀླུ་དང་གནོད་སྦྱིན་ཚོགས་ཀྱིས་མཆོད། །དེ་བཞིན་དམ་པ་གྲུབ་པ་དེ། །རིག་སྔགས་འཆང་ཀུན་དབང་
D746.095.0194b05.01ཕྱུག་རྗེ། །དཔའ་བོ་གཅིག་པུ་དགྲ་ཐུལ་བ། །ལག་ན་རྡོ་རྗེ་ཕྱག་འཚལ་ལོ། །དེ་བཞིན་རྡོ་རྗེ་ལྕགས་ཀྱུ་ཡུམ། །རྡོ་རྗེ་ཐོག་ཐོག་བཟང་མོ་དང་། །དེ་ནས་ལག་ན་རྡོ་རྗེའི་མཐུས། །ཀཱི་ལི་ཀཱི་ལི་གཏུམ་པོ་དང་། །རྡོ་རྗེ་སྒྲོག་གི་ཉི་མ་བཞིན། །བློ་གྲོས་རྡོ་རྗེ་ཕས་མི་ཐུབ། །འོད་
D746.095.0194b06.01དཔའ་ཁྲོ་བོ་དྲིལ་བུ་ཅན། །དེ་བཞིན་རྡོ་རྗེ་ནག་མོ་ལ། །ཅི་སྟེ་ཤེས་རབ་ཅན་དག་གིས། །གཞན་དོན་གྲུབ་པར་འདོད་པ་ན། །མཆོད་ཅིང་ཕྱག་ཀྱང་བྱས་ནས་ནི། །དཀྱིལ་འཁོར་གཟུང་བྱ་ལེགས་པར་བཤད། །གྲུབ་པ་ལག་ན་རྡོ་རྗེ་ཡི། །དངོས་གྲུབ་ཐམས་ཅད་སྒྲུབ་བྱེད་ཅིང་། །
D746.095.0194b07.01