完整藏文原文 · 德格版页 当前仅加载第 95 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱེད། །གདོན་རྣམས་རིགས་བཞི་ཡན་ལག་བཞི། །རྣམ་པ་བཞི་ཡོད་ཤེས་པར་བྱ། །རིགས་བཞི་དག་ལ་སྤྱོད་པ་ཡང་། །མདོར་ན་དེ་དག་ཤེས་པར་བྱ། །རླུང་ཅན་གྱིས་ནི་རླུང་ཅན་འཛིན། །དེ་དག་གིས་ནི་མིང་དང་གཟུགས། །སོ་སོར་ཡང་ནི་བཤད་
D746.095.0125b01.01བྱ་སྟེ། །གཅིག་ནི་ལྷ་གདོན་ཤེས་པར་བྱ། །གཅིག་ནི་འབྱུང་པོའི་གདོན་ཡིན་ཏེ། །དེ་བཞིན་གཅིག་ནི་དྲི་ཟ་ཉིད། །གཅིག་ནི་གནོད་སྦྱིན་གདོན་ཡིན་ཏེ། །གཅིག་ནི་སྲིན་པོར་ཤེས་པར་བྱ། །ཤ་ཟའི་གདོན་ནི་རྣམ་གསུམ་དང་། །ཀླུ་ཡི་གདོན་ནི་ཤེས་པར་བྱ། །
D746.095.0125b02.01ཚངས་པའི་སྲིན་པོ་ཉིད་དང་ནི། །ལོག་འདྲེན་གདོན་ནི་ཤེས་པར་བྱ། །དེ་བཞིན་བརྗེད་བྱེད་གདོན་དག་དང་། །གཞོན་ནུའི་གདོན་ནི་རྣམ་བཞིར་ཤེས། །གཅིག་ནི་སྨྱོ་བྱེད་ཉིད་ཡིན་ཏེ། །ལྷ་མིན་གདོན་ནི་ཤེས་པར་བྱ། །དེ་ལྟར་གདོན་རྣམས་{བཅྭ་,བཅོ་}བརྒྱད་དེ། །གང་གིས་ཚེ་
D746.095.0125b03.01ན་གང་རྒྱུ་དང་། །གང་གི་དུས་ནི་གང་ཡིན་དང་། །གང་གི་མདོག་ནི་ཅི་འདྲ་བ། །དེ་ནི་བདག་གིས་བཤད་ཀྱིས་ཉོན། །གདོན་རྣམས་{བཅྭ་,བཅོ་}བརྒྱད་གང་ཡིན་པ། །དུས་ཚིགས་དག་ཏུ་འཛིན་བྱེད་དེ། །ལོ་གྲངས་བཅུ་གཉིས་ལོན་པ་ཡི། །གདོན་རྣམས་གསོ་རུ་རུང་
D746.095.0125b04.01པར་བཤད། །དེ་ལས་འདས་པར་གནས་པ་ཡི། །གསོ་རུང་རུང་བ་མ་ཡིན་ནོ། །དེ་ལས་གཞན་ཡང་མཚན་རྣམས་ཀྱིས། །ཁྱད་པར་དག་ཀྱང་བཤད་པར་བྱ། །ལྷ་གདོན་ཤེས་པར་བྱ་བ་ལ། །དེ་ནི་གཏོར་མ་འདོད་པ་སྟེ། །རིགས་བཞི་སོ་སོར་རྒྱུ་བར་བྱེད། །
D746.095.0125b05.01གཙང་ཞིང་གཙང་སྦྲ་སྤྱོད་པ་དང་། །དཀའ་ཐུབ་གནོད་པ་མཐར་ཕྱིན་དང་། །ཚུལ་ཁྲིམས་ལྡན་པའི་མི་དག་ལ། །ལྷ་ཡི་གདོན་ནི་འཛིན་པར་བྱེད། །ལྷ་ཡི་གདོན་གྱིས་ཟིན་པ་ནི། །ཤེས་པས་ལེགས་པར་རྟོགས་བྱ་སྟེ། །དགའ་བར་མི་འགྱུར་འཁྲུག་མི་འགྱུར། །ཁ་
D746.095.0125b06.01ཟས་ལ་ཡང་མི་སེམས་ལ། །ཅུང་ཟད་ཀྱང་ནི་སྨྲ་མི་བྱེད། །དེ་ནི་གཉིད་ཀྱང་མི་ལོག་སྟེ། །ཕྱི་ས་དང་ནི་གཅིན་དག་ཀྱང་། །རང་དགར་འབྱུང་བར་མི་འགྱུར་ལ། །ཁྲུས་བྱས་ཁྲུས་མ་བྱས་ཀྱང་རུང་། །དྲི་བསུང་མང་པོའི་ངད་ལྡན་ཞིང་། །དེ་ཡི་གདོང་ནི་པདྨ་བཞིན། །
D746.095.0125b07.01