完整藏文原文 · 德格版页 当前仅加载第 95 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། ནྱ་གྲོ་དྷ་གཅིག་པུ་མཆིས་པར་མཆིས་ལ་མཆོད་པ་རྒྱ་ཆེར་བགྱིས་ཏེ། ནྱ་གྲོ་དྷའི་དྲུང་དུ་མཆིས་ལ། ཤླེ་ཤྨེ་ཏ་ཀའི་ལོ་མ་དག་གིས་སྟེང་དུ་རྩྭ་དཱུར་བའི་ལོ་མ་བཞག་སྟེ། འབར་གྱི་བར་དུ་བཟླས་བརྗོད་བགྱིའོ། །འབར་ནས་མགོ་བོར་བཞག་ན་དེ་མེ་ཏོག་གི་ཕྲེང་
D746.095.0031b01.01བར་འགྱུར་རོ། །དེ་མགོ་ལ་བཅིངས་ན་དཔག་ཚད་སྟོང་དུ་གྱེན་ལ་འཕག་གོ། །ལོ་ཁྲི་ཉིས་སྟོང་ཐུབ་བོ། །ཟླ་བ་སྤྱང་ཀིས་ཟིན་པའི་ཚེ་ཞག་གཅིག་སྨྱུང་བ་བགྱིས་ལ་ལག་ན་རྡོ་རྗེའི་མདུན་དུ་རས་དཀར་པོ་བཞག་ལ་འབར་གྱི་བར་ལ་བཟླས་བརྗོད་བགྱིས་ན་བླངས་པ་ཙམ་
D746.095.0031b02.01གྱིས་གདུགས་ཤར་བ་ལྟ་བུའི་མདོག་ཅན་དུ་འགྱུར་རོ། །ལོ་ཉིས་སྟོང་ཐུབ་པར་འགྱུར་རོ། །རྡོ་རྗེ་སེར་མོའི་ཆོ་ག་རྫོགས་སོ།། །།ཤུགས་ལྡན་མའི་ལས་རྣམས་ལགས་ཏེ། །གདོན་ཚར་གཅད་ན་དུར་ཁྲོད་ཀྱི་སོལ་བས་གཟུགས་བྲིས་ལ། ལན་གསུམ་
D746.095.0031b03.01བཟླས་བརྗོད་བགྱིས་པའི་ལྕུག་མས་གཞུས་ན་གདོན་གྱིས་གཏོང་ངོ་། །སྐྲ་ལས་བགྱིས་པའི་སྲད་བུ་གཏུན་ཤིང་གིས་བརྡུངས་ན་གདོན་དུ་ཞིང་གཏོང་ངོ་། །གཟེགས་མ་ལས་སྦྱིན་སྲེག་བགྱིས་ན་གདོན་གྱི་ཡན་ལག་ཚིག་པར་འགྱུར་རོ། །བ་ལང་གི་ལྕི་བ་ལས་
D746.095.0031b04.01གཟུགས་བགྱིས་ལ། ལན་བདུན་བཟླས་བརྗོད་བགྱིས་པའི་ཐུར་མས་མིག་ཕྱུང་ན་ཞར་བར་འགྱུར་རོ། །ལན་བདུན་བཟླས་བརྗོད་བགྱིས་པའི་གསེག་མས་ཤིང་ལྗོན་པ་ལ་བསྣུན་ན་འཕོ་བར་འགྱུར་རོ། །དབབ་ན་མེ་ཏོག་གིས་བགྱིའོ། །དགྲོལ་ན་ཡིད་ཀྱིས་སོ། །
D746.095.0031b05.01འདི་དག་ལ་སོགས་པ་ནི་གདོན་གྱི་ལས་རྣམས་ལགས་སོ། །བསྲུང་བ་ནི་ལན་ཉི་ཤུ་རྩ་གཅིག་བཟླས་བརྗོད་བགྱིས་པའི་ཐལ་བས་བགྱིའོ། །ཡུལ་གྲུ་བསྲུང་བ་ནི་ལན་བདུན་བཟླས་བརྗོད་བགྱིས་པའི་ཆབ་ཀྱིས་བགྱིའོ། །བསྐྲད་པ་ནི་ཡུངས་ཀར་གྱིས་བགྱིའོ། །
D746.095.0031b06.01ནངས་པར་ལངས་ཏེ་ཤུགས་ལྡན་མའི་སྔགས་ལན་བརྒྱ་རྩ་བརྒྱད་བརྗོད་ན་ནད་ཐམས་ཅད་ལས་ཐར་བར་འགྱུར་རོ། །བུད་མེད་དབང་དུ་བྱ་ན་མར་གྱི་ངོ་ཞག་བརྒྱད་ནས་བརྩམས་ཏེ་དགུང་བདུན་དུས་གསུམ་དུ་ལུང་ཐང་གི་ཤིང་གིས་ཞུགས་བུས་ལ། ཏིལ་གྱི་སྲེག་བླུགས་
D746.095.0031b07.01