完整藏文原文 · 德格版页 当前仅加载第 95 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐལ་པ་བཟང་པོ་ལ་འཇིག་རྟེན་གྱི་ཁམས་མི་མཇེད་འདི་ཉིད་དུ་སངས་རྒྱས་ཀྱི་མཛད་པ་བྱེད་དེ། བསྐལ་པ་བཟང་པོའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཇི་སྙེད་པ་ཐམས་ཅད་ལ་དེ་བཞིན་དུ་མཐར་གྱིས་ཐབས་འདིས་བསྟན་པ་ལ་
D746.095.0016b01.01བྱ་བ་བྱས་ནས་མངོན་པར་རྫོགས་པར་སངས་རྒྱས་ཏེ། རྡོ་རྗེའི་རྩལ་གྱིས་འགྲོ་བ་ཞེས་བྱ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D746.095.0016b02.01པའི་སངས་རྒྱས་ཤཱཀྱ་ཐུབ་པས་བཀའ་སྩལ་ཏོ། །དེ་ནས་བཅོམ་ལྡན་འདས་ལ་འབྱུང་པོའི་བདག་པོ་དབང་ལྡན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་རིག་པ་མཆོག་གི་ལས་སྩལ་བར་བགྱིའོ། །མ་གོད་པའི་རས་ལ་རི་མོ་མཁན་གསོ་
D746.095.0016b03.01སྦྱོང་གཟུང་བས་སངས་རྒྱས་ཀྱི་སྐུ་གཟུགས་གསེར་གྱི་ཁ་དོག་ལྟར་འདྲིར་སྩལ་ཏོ། །དེ་བཞིན་གཤེགས་པའི་གཡས་ལོགས་སུ་ལག་ན་རྡོ་རྗེ་མདོག་སྔོ་བསངས་རྒྱན་ཐམས་ཅད་ཀྱིས་བརྒྱན་པའོ། །ལག་ན་རྡོ་རྗེའི་གཡས་རོལ་དུ་ནི་ཕོ་ཉ་མོ་བཅུ་གཉིས་ཏེ།
D746.095.0016b04.01རྒྱལ་བའི་བློ་གྲོས་མ་དང་། མེ་ཁ་ལ་ནི་སྔོ་བསངས་སོ། །རྡོ་རྗེའི་གདོང་དང་། རྡོ་རྗེ་ལྟེ་བ་དང་། གདོང་དཀར་མོ་དང་། རྡོ་རྗེ་སེར་མོ་དང་། ནག་མོ་དང་། གྱེན་དུ་ལྟ་བའི་གདོང་ནི་གསེར་མདོག་གོ། །རྡོ་རྗེ་སེང་གེའི་ཁྲི་དང་། རྡོ་རྗེ་ལྡན་མ་དང་། ཤུགས་ལྡན་མ་
D746.095.0016b05.01དང་། རྡོ་རྗེ་བཞད་མ་ནི་དམར་མོར་བྲི་བར་བགྱི་སྟེ། ཕོ་ཉ་མོ་ཐམས་ཅད་ཀྱང་རྒྱན་ཐམས་ཅད་ཀྱིས་བརྒྱན་པར་བགྱིའོ། །བཅོམ་ལྡན་འདས་ཀྱི་གཡོན་རོལ་དུ་དབང་ཕྱུག་ཆེན་པོ་མདོག་དཀར་པོ་རལ་པ་ཅན་མཚན་མ་བསྒྲེང་བ། དཀའ་ཐུབ་ཟློག་པ་དང་ལྷན་ཅིག་བྲི་བར་
D746.095.0016b06.01བགྱིའོ། །འབྱུང་པོ་མདོག་དམར་པོ་མི་སྡུག་པ་བཞི་ཡང་བྲི་བར་བྱའོ། །ཕྱིས་རིག་སྔགས་འཆང་གིས་དུས་གསུམ་དུ་ཁྲུས་བགྱི་ཞིང་ཟླ་བ་གཅིག་གི་བར་དུ་བརྒྱད་བརྒྱ་བརྒྱད་བརྒྱ་བཟླས་བརྗོད་བགྱི་ཞིང་ཟས་སུ་ཆུ་སྐྱོ་བཏུང་བར་བགྱིའོ། །ཐ་མར་ལུས་སྦྱང་བར་བགྱི་སྟེ།
D746.095.0016b07.01