完整藏文原文 · 德格版页 当前仅加载第 95 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
ན་མོ་བུདྡྷཱ་ཡ། ན་མོ་དྷརྨཱ་ཡ། །ན་མཿསཾགྷཱ་ཡ། ན་མོ་བཛྲ་པཱ་ཎི་ཡེ། ཏདྱ་ཐཱ། ཨཊྚེ་མཊྚེ་བ་རཊྚེ། སཽ་མེ་ས་མ་མུ་ཁི་ཧི་རི། ཐི་རི་མི་རི་ཀི་རི། །བྷི་བྷི་བྷི། སི་ནི་སིདྡྷྱནྟུ་སརྦ་ཀཱརྱཱ་ནི། མནྟྲ་པ་དཱཿསྭཱ་ཧཱ། དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་
D746.095.0175a01.01དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལེགས་སོ་ལེགས་སོ། །འདི་ལྟར་གསང་ཆེན་བཀའ་སྩལ་པ། གང་ལགས་པ་ནི་བདག་ལགས་ཏེ་བཅོམ་ལྡན་འདས་དེ་དེ་ལེགས་སོ། །དེ་དེ་ལེགས་ཏེ་བཅོམ་ལྡན་
D746.095.0175a02.01འདས་རིག་པ་མཆོག་གི་བསྒྲུབ་པས་བཟླས་བརྗོད་བགྱིས་པ་དང་། བསྒྲུབ་པའི་ཚེ་མཆོད་པ་བགྱིས་པ་མིང་བརྒྱད་པ་བཀླག་པར་བགྱིའོ། །བཀླགས་ན་བསྟོད་པར་འགྱུར་ཏེ། དགའ་ནས་དངོས་གྲུབ་སྩལ་བར་འཚལ་ལོ། །བགེགས་ཀྱང་འབྱུང་བར་མི་འགྱུར་ལ་ལྷ་རྣམས་ཀྱང་དགའ་
D746.095.0175a03.01ནས་མྱུར་དུ་དངོས་གྲུབ་སྩོལ་བར་བགྱིད་དོ། །ཉལ་བའི་ཚེ་བཀླགས་ན་རྨི་ལམ་ངན་པ་མཐོང་བར་མི་འགྱུར་རོ། །སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ལན་འབུམ་བཟླས་བརྗོད་བགྱིས་ན་སྡིག་པ་ཐམས་ཅད་ལས་གྲོལ་བར་འགྱུར་རོ། །མཚམས་མེད་པ་ལྔ་བགྱིས་པ་ཡང་བསྐལ་
D746.095.0175a04.01པ་བཟང་པོར་བྱང་ཆུབ་སེམས་དཔར་འགྱུར་ཞེས་བདག་མཆིའོ། །དེ་ནས་ཡང་ལན་འབུམ་བཟླས་བརྗོད་བགྱིས་ན་སློབ་དཔོན་དུ་འགྱུར་ཏེ། དེའི་འོག་ཏུ་རིག་པ་མཆོག་གི་དཀྱིལ་འཁོར་རྣམས་བྲི་བར་བགྱིའོ། །དེ་ནས་ཡང་ལན་འབུམ་བཟླས་བརྗོད་བགྱིས་ན་རིག་སྔགས་འཆང་
D746.095.0175a05.01གི་ལུས་ཀྱི་དཀྱིལ་འཁོར་ནས་མཚན་རྣམས་འབྱུང་བར་འགྱུར་རོ། །དེའི་འོག་ཏུ་རིག་པ་མཆོག་ཀྱང་ལན་འབུམ་བཟླས་བརྗོད་བགྱིས་ན་ལག་ན་རྡོ་རྗེ་བདག་ཉིད་མཆིས་ནས་ལག་པས་བླངས་ཏེ་གང་དང་གང་དུ་མཆི་བ་དེ་དང་དེར་ཁྲིད་ཅིང་ལག་ན་རྡོ་རྗེ་དང་འདྲ་བར་སེམས་ཅན་རྣམས་ཀྱིས་
D746.095.0175a06.01བསམས་པ་འཚལ་བར་འགྱུར་ལ་གདུལ་བའི་སེམས་ཅན་རྣམས་ཇི་ལྟ་བུས་དབང་དུ་འགྱུར་བ་དེ་ལྟ་བུས་དབང་དུ་འགྱུར་བ་དེ་ལྟ་བུར་ཆོས་སྟོན་དེ་བྱང་ཆུབ་སེམས་དཔའ་རྣམས་དང་ལྷན་ཅིག་ཏུ་གནས་ཤིང་། བདག་ཉིད་ཇི་ལྟར་འདོད་པ་བཞིན་དུ་སྐྱེ་བར་འགྱུར་བ་དང་། འཆི་བའི་ཚེའང་བདག་ཉིད་
D746.095.0175a07.01