完整藏文原文 · 德格版页 当前仅加载第 95 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
སྲིན་པོའི་བདག་པོ་གདོན་གྱི་བདག། །སྣ་ཚོགས་གདོན་གྱི་ཚོགས་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། །ཞགས་པ་ཐོགས་པ་ཆུ་ཡི་ལྷ། །བདེན་པ་བསྲུང་བ་གདོན་གྱི་བདག །ནུབ་ཕྱོགས་གདོན་དང་བཅས་པ་ལ། །མཆོད་པར་བྱས་ཏེ་ཕྱག་
D746.095.0194a01.01ཀྱང་འཚལ། །རླུང་སྟེ་སྲོག་ཀྱང་འཛིན་པའི་ལྷ། །ཚིག་སྲུང་གདོན་གྱི་བདག་པོ་སྟེ། །རླུང་གི་ཚོགས་ཀྱི་གདོན་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། །གནོད་སྦྱིན་ལག་ན་བེ་ཅོན་ཐོགས། །ནོར་སྲུང་གདོན་གྱི་བདག་པོ་སྟེ། །བྱང་ཕྱོགས་གདོན་དང་བཅས་པ་
D746.095.0194a02.01ལ། །མཆོད་པར་བྱས་ཏེ་ཕྱག་འཚལ། །དབང་དང་ལྡན་པ་འདྲེན་པའི་ལྷ། །བགེགས་ཀྱི་རྒྱལ་པོ་གདོན་གྱི་བདག །དབང་ལྡན་ཕྱོགས་ཀྱི་གདོན་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། །འོག་གི་ཀླུ་དང་ཆེ་བའི་ལྷ། །རྒྱལ་པོ་ཆེན་པོ་གླང་པོ་ཆེ། །དམ་ཚིག་ཤེས་
D746.095.0194a03.01པའི་གདོན་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། །སྟེང་གི་ལྷ་ཚོགས་ཐམས་ཅད་དང་། །ཟླ་བ་ཉི་མ་གཟའ་ཆེན་དང་། །གཟའ་སྐར་རྒྱུ་སྐར་བཅས་པ་དང་། །སྐར་མའི་འཁོར་ལོའི་དཀྱིལ་འཁོར་དང་། །རིག་སྔགས་ཚོགས་དང་གསང་སྔགས་དང་། །དེ་བཞིན་
D746.095.0194a04.01ཕྱག་རྒྱའི་ཚོགས་ཀུན་དང་། །དམ་ཚིག་ཤེས་དང་སློབ་དཔོན་དང་། །ཚངས་པ་ལ་སོགས་ལྷ་ཆེན་དང་། །རྡོ་རྗེ་འཛིན་པ་ཚེ་ཡི་ལྷ། །ལག་ན་རྡོ་རྗེ་སྟོབས་པོ་ཆེ། །གཏུམ་པོ་འཇིག་རྟེན་གསུམ་གྱི་བདག །འཇིགས་བྱེད་ལག་ན་རྡོ་རྗེ་ཐོགས། །ཐམས་ཅད་ཞི་བར་བྱེད་པ་སྟེ། །
D746.095.0194a05.01འབྱུང་པོའི་ཚོགས་ནི་ཀུན་གྱིས་མཆོད། །རྣམ་པ་ཀུན་གྱིས་འབྱུང་པོ་ཀུན། །དུས་ཀུན་དུ་ནི་སྲུང་བ་པོ། །རིག་སྔགས་བཅས་པ་དེ་དག་དང་། །འབྱུང་པོའི་ཚོགས་ནི་ཐམས་ཅད་ལ། །བཤོས་དང་དྲི་སོགས་སྣ་ཚོགས་རྣམས། །དེས་ནི་དགའ་ཞིང་དབུལ་བར་བྱ། །དམ་ཚིག་
D746.095.0194a06.01ཤེས་པ་རྣམས་དང་ནི། །འབྱུང་པོའི་ཚོགས་ཀྱིས་བདག་ལ་བསྲུངས། །དེ་ཡི་རྒྱས་པ་འཕེལ་བ་ཡང་། །བཅོམ་ལྡན་འདས་ཀྱིས་མཛད་པར་གསོལ། །སྣ་ཚོགས་ཚིག་གིས་སྨྲ་བར་བྱ། །ཞི་བའི་ཚིག་ནི་ཡང་དང་ཡང་། །བདག་གི་བླ་མའམ་ཡང་ན་གཞན། །དམ་ཚིག་ཤེས་
D746.095.0194a07.01