完整藏文原文 · 德格版页 当前仅加载第 95 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
དག་གིས་མྱུར་དུ་མདུན་ན་གནས་པར་གྱུར་པ་རྣམས་བཤད་ཟིན་ཏེ་འགིང་བར་དགའ་བ་མཐུ་དང་ཕ་རོལ་གནོན་པ་དཔག་ཏུ་མེད་པའི་རྒྱུད་ཕྱི་མ་གང་གིས་རྩེ་བཞིན་དུ་བདེ་བླག་ཏུ་ལས་རྣམས་བྱེད་པ་ཡང་བཤད་པར་བྱའོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་
D746.095.0086a01.01འཕགས་པ་ལག་ན་རྡོ་རྗེའི་མདུན་དུ་ཨརྐའི་ཤིང་གིས་མེ་སྦར་ནས་ཡུངས་ཀར་མར་དང་སྦྱར་བས་ལན་བརྒྱ་སྟོང་སྦྱིན་སྲེག་བྱས་ན་གཞོན་ནུ་མཆོག་འགྲུབ་པར་འགྱུར་ཏེ། ལས་དེ་གྲུབ་པས་ཆོ་ག་རྒྱས་པར་གཞན་དག་བདེ་བླག་ཏུ་འགྲུབ་པར་འགྱུར་རོ། །རིག་སྔགས་འཆང་
D746.095.0086a02.01རིག་སྔགས་སྒྲུབ་པ་ན་གཞོན་ནུའི་གསང་སྔགས་དྲན་པར་བྱས་ཏེ། དྲན་པ་ཙམ་གྱིས་མྱུར་དུ་མདུན་ན་འདུག་པར་འགྱུར་རོ། །རྩེ་ཞིང་སྒྲུབ་ན་ལྷ་ཐམས་ཅད་གཞོན་ནུ་བལྟ་བའི་ཕྱིར་འོང་བར་འགྱུར་ཏེ། འོངས་ནས་དངོས་གྲུབ་སྦྱིན་པར་བྱའོ། །ཞག་གསུམ་སྨྱུང་བ་བྱས་ཏེ་མར་
D746.095.0086a03.01གྱི་ངོ་ཞག་བཅུ་བཞི་ལ་ལྷ་ཆེན་པོའི་གནས་སམ། ཡང་ན་ཀུན་དགའི་ར་བའམ། ཁང་སྟོང་དུ་སོང་ནས་བེའུ་དཀར་པོ་བླངས་ཏེ། དྲི་དང་། མེ་ཏོག་དང་། བདུག་པས་བརྒྱན་ལ་ཁ་ལྷོ་ཕྱོགས་སུ་བསྟན་ནས་སྦྲང་རྩི་དང་། ཨ་ལམ་བུ་མས་ལག་པ་གཉིས་བསྐུས་ཏེ། རྐང་པ་གཡས་པ་
D746.095.0086a04.01བྱུག་པར་བྱའོ། །རིག་སྔགས་ཀྱང་ལན་བརྒྱད་སྟོང་བཟླས་བརྗོད་བྱས་ཏེ། བེའུ་སྨྲར་གཞུག་གོ། །དེ་སྟེ་སྨྲར་མི་བཏུབ་ན་ཡང་ལན་བརྒྱད་སྟོང་བཟླས་བརྗོད་བྱ་སྟེ། དེ་ནས་སྨྲར་བཅུག་ན་ཅི་བྱ་ཞེས་སྨྲ་བར་འགྱུར་རོ། །དེས་ཀྱང་འདོད་པ་ཐམས་ཅད་སྦྱིན་པར་གྱིས་ཤིག་ཅེས་སྨྲོས་ཤིག་
D746.095.0086a05.01དེ་ནས་ཡིད་ལ་གང་བསམས་པ་དེ་ཐམས་ཅད་འགྲུབ་པར་འགྱུར་ཏེ་ཚེ་ལོ་སྟོང་ཉིས་བརྒྱ་ཐུབ་པར་འགྱུར་རོ། །གཞོན་ནུའི་ལས་རིག་སྔགས་སྒྲུབ་པར་བྱེད་པ་བཤད་ཟིན་ཏོ། །ཅི་སྟེ་རྡོ་རྗེའི་རིགས་བསྒྲུབ་པར་འདོད་ན། ལག་ན་རྡོ་རྗེའི་སྲས་གཙུག་ནས་བྱུང་གཏུམ་པ། དྲག་པ། འདུལ་
D746.095.0086a06.01དཀའ་བ་བསྟན་པར་བྱའོ། །བསྒྲུབ་པར་འདོད་པ་གང་ཡིན་པས་ཡུམ་སྙིང་ལ་དྲན་པར་བྱས་ཏེ། སྲས་གཏུམ་པོ་དྲན་པར་བྱའོ། །འདི་ལས་གང་བསྒྲུབ་ན་རྡོ་རྗེའི་རིགས་འགྲུབ་པར་འགྱུར་བ་ཡང་བཤད་པར་བྱ་སྟེ། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ནས་འཕགས་པ་
D746.095.0086a07.01