完整藏文原文 · 德格版页 当前仅加载第 95 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
ལོག་འདྲེན་ཆུ་ལྟར་གཡོ་བ་ཞེས་བྱ་བ་དེ་དག་ནི་ཆུ་ན་གནས་ཏེ། རིག་སྔགས་འཆང་ཁྲུས་བྱེད་པ་ན་འཛིན་པར་བྱེད་དོ། །དེ་དག་ནི་མཚན་མ་འབྱུང་སྟེ་སེམས་འཁྲུག་པར་བྱེད་དེ། འདོད་པ་ལ་ལྷུར་སེམས་པ་དང་བྲུ་བས་གཟིར་ཅིང་ཁ་ཟས་ལ་མངོན་པར་ཆགས་པ་
D746.095.0051b01.01དང་འཇིགས་པའི་སེམས་སྐྱེ་བར་འགྱུར་རོ། །དེ་བས་ན་རིག་སྔགས་འཆང་གིས་བདུད་རྩི་ཐབ་སྦྱོར་དྲན་པར་བྱ་སྟེ། དྲན་པ་ཙམ་གྱིས་ལོག་འདྲེན་རྣམས་འཆི་བར་འགྱུར་རོ། །དེ་ནས་རིག་སྔགས་འཆང་གིས་སྙིང་རྗེའི་སེམས་བསྐྱེད་པར་བྱ་སྟེ། རིག་པ་མཆོག་
D746.095.0051b02.01དྲན་པར་བྱའོ། །དེ་དྲན་པ་ཙམ་གྱིས་འབྲས་བུ་ཆེ་བར་འགྱུར་ཏེ་རིག་སྔགས་ཀྱི་ལྷ་དེ་དག་གིས་ལོག་འདྲེན་རྣམས་མོས་པར་མཐོང་ནས་དགའ་བའི་སེམས་ཀྱིས་དངོས་གྲུབ་མྱུར་དུ་སྦྱིན་པར་བྱེད་དོ། །ལོག་འདྲེན་ཆུ་ལྟར་གཡོ་བ་ཞེས་བྱ་བ་རྣམས་ཀྱི་མཚན་ཉིད་རྫོགས་
D746.095.0051b03.01སོ།། །།ལོག་འདྲེན་རིག་སྔགས་ཀྱི་ལྷའི་མངག་གཞུག་པ་ཞེས་བྱ་བ་རྣམས་ནི་མཐུ་ཆེ་བ་སྟེ། དེ་དག་ནི་རིག་སྔགས་འཆང་རིག་སྔགས་ལས་ལྡང་བ་ན་འཛིན་པར་བྱེད་དོ། །ཟིན་པར་གྱུར་ན་ལུས་ཀྱི་ཚུལ་ལས་རྟོགས་པར་བྱ་སྟེ། །ལུས་ཚ་བར་འགྱུར་སྡང་
D746.095.0051b04.01བར་འགྱུར་སྡིག་པའི་སེམས་འབྱུང་བར་འགྱུར་རོ། །དེ་ནས་རིག་སྔགས་འཆང་གིས་དེ་དག་ཕྱིར་གཞིལ་བར་བྱ་སྟེ། གཙུག་ཕུད་འཆང་ལ་བདུག་པ་ཐམས་ཅད་སྦྱིན་ཞིང་རིག་སྔགས་ལན་བརྒྱ་སྟོང་བཟླས་བརྗོད་བྱས་ན་ཕྱིན་ཅད་ལོག་འདྲེན་དེ་དག་གླགས་ཚོལ་བ་ལ་
D746.095.0051b05.01བརྟུན་པར་མི་འགྱུར་ཏེ། དགའ་བར་གྱུར་ནས་དངོས་གྲུབ་ཀྱང་སྦྱིན་པར་བྱེད་དོ། །ལོག་འདྲེན་འདི་དག་ཀྱང་རིག་སྔགས་ཀྱི་ལྷ་ཐམས་ཅད་ཕྱི་བཞིན་འབྲང་ཞིང་གནས་པ་ཡིན་ནོ། །རྟག་ཏུ་གླགས་ཚོལ་བ་ཡང་ཡིན་ཏེ། སུ་ཞིག་སྔགས་གྲུབ་པ། སུ་རིག་སྔགས་
D746.095.0051b06.01གདོན་པ། སུ་མཆོད་པ་བྱེད་པས་དེ་ལ་བགེགས་ཀྱང་བྱེད་ཅིང་འདུན་པ་བཟློག་པར་བྱེད་དེ་ལེ་ལོ་ཡང་འཇུག་པར་བྱེད་དོ། །དེ་བས་ན་རིག་སྔགས་འཆང་གིས་ཉི་མ་ལོགས་སུ་ཁ་བལྟས་ལ་རྟག་ཏུ་ཆུ་ཁྱོར་གང་གཏོར་ནས་ཁྲོ་བོའི་རིག་སྔགས་ཀྱང་ལན་བདུན་བརྗོད་པར་བྱ་སྟེ།
D746.095.0051b07.01