完整藏文原文 · 德格版页 当前仅加载第 95 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
ཁུ་བ་ཟས་རྣམས་དང་། །དྲི་དང་མེ་ཏོག་དཀར་པོ་དང་། །འབྲས་ཀྱི་འོ་ཐུག་དེར་སྦྱིན་བྱ། །གཏོར་མའི་ལས་ནི་འདི་ཉིད་ཀྱིས། །དེ་ནི་ཁྲུས་ཀྱང་བྱེད་དུ་གཞུག །པ་ལ་ཨ་ཏི་བ་ལ་དང་། །ཀནྟ་ཀ་རི་འབྲི་ཧ་ཏི། །པ་ཏྲ་དང་ནི་པུ་ཤེལ་ཙི། །བྲི་ཡངྐུ་དང་ཤུ་ཏི་དང་། །ཕྱེ་
D746.095.0131b01.01མའི་གོང་བུ་འདི་ཡིས་ནི། །རབ་ཏུ་མཉམ་གཞག་ཁྲུས་བྱེད་གཞུག །རིག་སྔགས་འཆང་ནི་ཤར་ཕྱོགས་བལྟ། །ནད་པ་ནུབ་ཕྱོགས་བསྟན་བྱས་ལ། །གོས་དཀར་ཅན་གྱི་སྙིང་པོ་དང་། །ལྡན་པའི་ཆུས་ནི་དབང་ཡང་བསྐུར། །དེ་ནས་བློ་ལྡན་ཡིད་གཞུངས་པས། །
D746.095.0131b02.01བདུད་རྩི་ཐབ་སྦྱོར་ལྡན་པ་ཡི། །སྦྱར་སྨན་གྱིས་ནི་ལུས་ཀྱང་བསྐུ། །གུ་གུལ་དང་ནི་ཡུངས་ཀར་དང་། །གིའུ་ཝང་ཤུ་དག་རུ་རྟ་དང་། །སུག་སྨེལ་ཡང་ནི་དེ་བཞིན་ཏེ། །སྒྲོན་ཤིང་དང་ནི་ཐང་ཤིང་དང་། །ཙནྡན་དང་ནི་ཨ་ག་རུ། །ཀ་ལེ་ཡ་ཡི་པད་འདྲ་དང་། །གེ་སར་
D746.095.0131b03.01རྣམས་ནི་ཆ་བསྙམས་ལ། །ཆུ་དང་ལྷན་ཅིག་བཏག་པར་བྱ། །གང་ན་སྦྱར་སྨན་འདི་གནས་པ། །དེར་ནི་འཇིགས་པ་མི་འབྱུང་སྟེ། །ཆོམ་རྐུན་མ་ཡིན་མཚོན་རྣམས་མིན། །སྦྲུལ་རྣམས་མ་ཡིན་ལྷ་མིན་མིན། །ལག་ན་རྡོ་རྗེ་འདིས་བསྐུས་པས། །ས་སྟེངས་དག་ཏུ་རྒྱལ་བར་
D746.095.0131b04.01འགྱུར། །འདི་ཡིས་ལུས་ལ་བསྐུས་ན་ནི། །ལོག་འདྲེན་རྣམས་ལས་ཐར་བར་འགྱུར། །སྦྱར་སྨན་དོན་ཀུན་སྒྲུབ་པ་ནི། །སྔར་ཡང་ངས་ནི་བཤད་པ་ཡིན། །ལོག་འདྲེན་གྱི་གདོན་གྱི་སྐབས་རྫོགས་སོ།། །།སྔར་བཤད་པ་ནི་གང་ཡིན་པའི། །བརྗེད་བྱེད་
D746.095.0131b05.01གདོན་ཡང་ཤེས་པར་བྱ། །དྲག་ཅིང་ཁྲོ་ལ་གཏུམ་པ་དང་། །གཟུ་ལུམས་ཅན་དེ་ཚུགས་པར་དཀའ། །ཚེས་གཉིས་དང་ནི་ཚེས་བཞི་དང་། །དེ་བཞིན་དགུ་དང་བཅུ་གཉིས་དང་། །མར་གྱི་བཅུ་བཞི་དེ་བཞིན་ཏེ། །བརྗེད་བྱེད་དག་ནི་འཇུག་པར་འགྱུར། །དང་པོའི་ཐུན་
D746.095.0131b06.01ནི་འདས་ནས་ཀྱང་། །ལྷག་མ་རྣམས་ལ་དེ་བཞིན་ལྡང་། །ཕྱི་ནས་རླུང་བཞིན་ཡང་དང་ཡང་། །དེ་ནས་ཡུད་ཙམ་ཉིན་ཞག་དང་། །དེ་བཞིན་ཟླ་ཕྱེད་ཟླ་དང་ལོར། །དབུ་བ་སྐྱུག་ཅིང་བརྒྱལ་བར་འགྱུར། །ལུས་ལས་རྡུལ་ཡང་འབྱུང་བར་འགྱུར། །གདོན་གྱིས་ཟིན་པ་
D746.095.0131b07.01