完整藏文原文 · 德格版页 当前仅加载第 95 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
མར་གྱི་ངོ་ཞག་བརྒྱད་ལ་ལག་ན་རྡོ་རྗེའི་མདུན་དུ་ཀ་ར་བཱི་རའི་མེ་ཏོག་དུས་གསུམ་དུ་བརྒྱ་རྩ་བརྒྱད་ཞག་བདུན་གྱི་བར་དུ་སྦྱིན་སྲེག་བྱས་ན་ཁྲག་འཛག་པར་འགྱུར་རོ། །འཕགས་པ་ལག་ན་རྡོ་རྗེའི་མདུན་དུ་མཆོད་པ་བྱས་ཏེ་ཀ་ར་བཱི་རའི་མེ་ཏོག་དཀར་པོ་སྟོང་རྩ་བརྒྱད་
D746.095.0053b01.01ཕུལ་ན་ཞི་བར་འགྱུར་རོ། །དེ་ནས་སྐྱེས་པ་དང་བུད་མེད་དབང་དུ་བྱ་བར་འདོད་ནམ་ད་ན་ལས་གཟུགས་བྱས་ཏེ་མ་ད་ནའི་ཚེར་མ་བདུན་གྱིས་གནད་རྣམས་སུ་བཏབ་ལ་ཚ་བ་གསུམ་གྱིས་སྙིང་གར་བཀང་ནས་ཟངས་ཀྱི་ཐུར་མས་ཀྱང་བཤང་བར་བཙུགས་ལ་སྤྱི་བོར་ཕྱུང་སྟེ་
D746.095.0053b02.01ཞག་བདུན་གྱི་བར་དུ་དུས་གསུམ་དུ་བཟླས་བརྗོད་བྱེད་བཞིན་དུ་སེང་ལྡེང་གི་མེ་ལ་བསྲེག་ཅིང་དུས་གཅིག་ཀྱང་ལན་བརྒྱ་རྩ་བརྒྱད་བཟླས་བརྗོད་བྱས་པའི་མཇུག་ཏུ་ཞག་གཅིག་སྨྱུང་བ་བྱས་ལ་མཆོད་པ་རྒྱ་ཆེར་བྱས་ཏེ་ལན་བརྒྱ་སྟོང་བཟླས་བརྗོད་བྱས་ན་སྐྱེས་པ་དང་བུད་མེད་
D746.095.0053b03.01དབང་དུ་འགྱུར་རོ། །མར་གྱི་ངོ་ཞག་བཞི་ལ་ཞག་གཅིག་སྨྱུང་བ་བྱས་ཏེ། ལག་ན་རྡོ་རྗེའི་མདུན་དུ་བིལ་བའི་ཤིང་གིས་མེ་སྦར་ལ། བེ་ཀང་ཀ་ཏའི་ཡམ་སྲེག་ཤིང་ཡུངས་མར་གྱི་ནང་དུ་སྨྱུགས་ལ་བརྒྱ་སྟོང་གིས་སྦྱིན་སྲེག་བྱས་ན་ཏི་ན་ར་རེ་རེ་ཐོབ་པར་འགྱུར་རོ། །ཡུགས་ས་མོ་
D746.095.0053b04.01དབང་དུ་བྱ་བར་འདོད་ན་ཡར་གྱི་ངོ་ཞག་བརྒྱད་ནས་བརྩམས་ཏེ་ཞག་གསུམ་གྱི་བར་དུ་དུས་གསུམ་དུ་ཟར་མའི་མེ་ཏོག་བརྒྱ་རྩ་བརྒྱད་ཀྱིས་ལག་ན་རྡོ་རྗེ་ལ་བསྣུན་ན་དབང་དུ་འགྱུར་རོ། །བུ་མོ་དབང་དུ་བྱ་བར་འདོད་ན་ཞག་གསུམ་སྨྱུང་བ་བྱས་ཏེ་ཡར་གྱི་ངོ་ཚེས་བཅུ་གསུམ་ལ་
D746.095.0053b05.01འདོད་པའི་ལྷའི་གཟུགས་བྱས་ཏེ་འདིའི་ཁར་འབྲས་ཀྱི་སྦྱིན་སྲེག་ལན་བརྒྱ་སྟོང་བྱས་ན་བུ་མོ་དབང་དུ་འགྱུར་རོ། །དེ་ནས་མཛུབ་མོ་བསྒྲུབ་པར་འདོད་ན་ཞག་གསུམ་སྨྱུང་བ་བྱས་ཏེ། མར་གྱི་ངོ་ཞག་བཅུ་བཞི་ལ་དུར་ཁྲོད་དུ་སོང་ནས་བ་ལང་གི་ལྕི་བ་ས་ལ་མ་ལྷུང་བས་དཀྱིལ་
D746.095.0053b06.01འཁོར་སྐྱོང་ནུལ་གྱིས་བྱུགས་ཏེ། དཀྱིལ་འཁོར་གྱི་དབུས་སུ་མིའི་ཐོད་པ་མ་ཆག་མ་ཉམས་པ་བཞག་ལ། ཙནྡན་དམར་པོའི་དྲི་ཆུས་གཏོར་ནས་མེ་ཏོག་དམར་པོས་མཆོད་ལ། དེ་ནས་སྒྲུབ་པ་པོས་མཛུབ་མོས་གཡབས་ནས་གང་གི་ཚེ་ཐོད་པ་འགུལ་ན་དེའི་ཚེ་འགྲུབ་པར་
D746.095.0053b07.01