完整藏文原文 · 德格版页 当前仅加载第 95 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་བསྟན་པར་བྱའོ། །དེ་ཡང་འབྲས་ཆན་བུ་རམ་དང་སྦྱར་བའི་མཆོད་ཡོན་རྡོ་རྗེ་ལ་ཕུལ་ནས་ཕྱག་རྒྱ་བསྟན་པར་བྱའོ། །དེ་མཐོང་ན་ལག་ན་རྡོ་རྗེ་མཐོང་བ་ཡིན་ཏེ། བྱང་ཆུབ་ཀྱི་སེམས་བསྐྱེད་པ་རྣམས་ལ་བསྟན་པར་བྱའི། སྡིག་པ་བྱེད་པ་རྣམས་ལ་བསྟན་པར་མི་བྱའོ། །
D746.095.0102b01.01སྡིག་པ་བྱེད་པ་གང་ཡིན་པ་དེ་དག་གིས་ནི་ཕྱག་རྒྱའི་ཚོགས་ཀྱི་མིང་ཡང་ཐོས་པར་མི་འགྱུར་རོ། །དགེ་བའི་རྩ་བ་བྱས་པ་གང་ཡིན་པ་དེ་དག་གིས་ནི་ཕྱག་རྒྱ་དེ་དག་ཐོས་པར་འགྱུར་རོ། །ངའི་གསང་བའི་ཕྱག་རྒྱའི་ཚོགས་འདི་ནི་གཙང་ཞིང་དབེན་པར་བྱས་པས་བལྟ་བར་བྱའོ། །
D746.095.0102b02.01གང་གིས་ཕྱག་རྒྱའི་ཚོགས་མཐོང་བ་དེ་ལ་ནི་རིག་པ་མཆོག་གི་ཆོ་ག་རྒྱས་པ་གསང་བ་དང་བཅས། གསང་ཆེན་དང་བཅས་པ་དེའི་ལག་ཏུ་འདུག་པར་འགྱུར་ཏེ། རིག་སྔགས་འཆང་གིས་ཀྱང་ཕྱག་རྒྱའི་ཚོགས་ཀྱི་གཟི་བྱིན་བསྐྱེད་པར་བྱ་བའི་ཕྱིར་བླ་མ་ལ་དཔག་ཏུ་མེད་པའི་ཡོན་
D746.095.0102b03.01དབུལ་ཞིང་བླ་མའི་ལག་ནས་རིག་པ་མཆོག་གི་ཆོ་ག་རྒྱས་པ་མནོད་པར་བྱའོ། །བླ་མས་ཀྱང་བླ་མ་ལ་གུས་པའི་སློབ་མ་ལ་ལག་ནས་མངོན་པར་དངོས་གྲུབ་སྦྱིན་པར་བྱའོ། །དེ་ལྟར་བྱས་ན་ལག་ན་རྡོ་རྗེས་བྱིན་པ་ཡིན་ཏེ། ཆོ་ག་རྒྱས་པ་ཡང་འགྲུབ་པར་འགྱུར་རོ། །ཅི་སྟེ་
D746.095.0102b04.01བླ་མའི་ལག་ནས་ཕྱག་རྒྱ་མཐོང་བ་ཙམ་གྱིས་ལས་བྱས་ན་ཕྱག་རྒྱ་དེ་ཉིད་ཀྱིས་ཀྱང་གནོད་པ་མེད་པར་འགྱུར་རོ། །དེ་བཞིན་གཤེགས་པའི་གནས་སམ་སྐུ་གདུང་གི་གནས་སུ་ཕྱག་རྒྱའི་ཚོགས་གཞག་པར་བྱའོ། །ཕྱག་རྒྱ་མཐོང་བ་གང་ཡིན་པ་དེ་དག་ནི་ཕྱིར་མི་ལྡོག་པ་
D746.095.0102b05.01ཡིན་པར་བལྟ་བར་བྱ་སྟེ། དེ་དག་ཐམས་ཅད་ལྷ་རྣམས་ཀྱིས་ཕྱག་བྱ་བའི་གནས་སུ་འགྱུར་རོ། །ང་གང་ན་གནས་པ་དེ་ན་དེ་དག་གནས་ཏེ། ང་མཐོང་བས་དེ་དག་ངེས་པར་ཕྱིར་མི་ལྡོག་པའི་འབྲས་བུ་དང་ལྡན་པར་འགྱུར་ཞིང་ལུས་དང་བྲལ་བ་ན་ལག་ན་རྡོ་རྗེའི་གནས་ཡིད་དུ་འོང་
D746.095.0102b06.01བའམ། བདེ་བ་ཅན་དུ་སྐྱེ་བར་འགྱུར་རོ། །ཕྱག་རྒྱ་མཐུ་སྟོབས་ཆེན་པོ་ནན་ཏན་དུ་བལྟ་བར་བྱ་སྟེ། ཕྱག་རྒྱའི་རྣམ་པ་ལག་པའི་ཚུལ་གྱིས་བསྟན་པར་བྱའོ། །དཀྱིལ་འཁོར་གྱི་རྣམ་པ་བྲིས་པ་མཐོང་ནས་ཕྱག་རྒྱ་ཆེན་པོ་རྣམ་པ་སྣ་ཚོགས་དགོད་པར་བྱའོ། །བཅོམ་ལྡན་
D746.095.0102b07.01