完整藏文原文 · 德格版页 当前仅加载第 95 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་དེའི་ནང་ནས་ལངས་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིག་པ་མཆོག་གི་ཆོ་ག་ཆེན་པོ་ལས་བདག་གིས་ལྷ་རྣམས་བཤད་པ་གང་ལགས་པ་དེ་དག་ཐམས་ཅད་ཀྱིས་སྒྲུབ་པ་པོ་གཙང་སྦྲ་དང་
D746.095.0106b01.01ཆོ་ག་དང་སྤྱོད་ཡུལ་དང་ལྡན་པ་གང་ལགས་པ་བསྲུང་བ་དང་། བསྐྱབ་པ་དང་། སྦ་བར་བགྱིད་ཅིང་དངོས་གྲུབ་ཀྱང་ཐོབ་པར་འགྱུར་བ་དང་། ཚོར་བ་རྗེས་སུ་དྲན་པར་བགྱིས་པས་བགེགས་དང་ལོག་འདྲེན་དེ་དག་ཐམས་ཅད་བརླག་པར་འགྱུར་བ་དང་། གཙང་སྦྲ་བགྱིས་ཀྱང་རུང་གཙང་
D746.095.0106b02.01སྦྲ་མ་བགྱིས་ཀྱང་རུང་བ་ན་བསྲུང་བ་དང་བསྐྱབ་པ་དང་སྦ་བ་དང་སེམས་ཅན་རྣམས་ཀྱི་དོན་གྱི་སླད་དུ་བདག་གིས་རྡོ་རྗེ་ཁྲོ་བོ་སྟོབས་པོ་ཆེ་བཤད་པར་བགྱི་ན། བཅོམ་ལྡན་འདས་ཀྱིས་གནང་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་
D746.095.0106b03.01འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་ལེགས་སོ་ལེགས་སོ་སྟོབས་དང་ཕ་རོལ་གནོན་པ་དཔག་ཏུ་མེད་པ་ཁྱོད་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་དེ་ནི་ལེགས་སོ། །ཁྱོད་ལ་དེ་བཞིན་གཤེགས་པས་གནང་བར་མཛད་ཀྱིས་སེམས་ཅན་ལམ་དུ་ཞུགས་
D746.095.0106b04.01པ་རྣམས་དང་། ལམ་མ་ཡིན་པར་ཞུགས་པ་རྣམས་དང་། གཙང་སྦྲ་བྱས་པ་རྣམས་དང་། གཙང་སྦྲ་མ་བྱས་པ་རྣམས་བསྲུང་བའི་ཕྱིར་ཤོད་ཅིག་ཤོད་ཅིག །དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་འཁོར་འདུས་པ་ལ་གླང་པོ་ཆེའི་ལྟ་སྟངས་ཀྱིས་བལྟས་ནས་རྡོ་རྗེ་ཁྲོ་
D746.095.0106b05.01བོ་སྟོབས་པོ་ཆེ་བཤད་པ། ན་མོ་རཏྣ་ཏྲ་ཡ་སྱ། ན་མོ་བཛྲ་པཱ་ཎི་སྱ། ན་མཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ཨོྃ་བཛྲ་ཀྲོ་དྷ་མ་ཧཱ་བ་ལ། ཧ་ན་ད་ཧ་པ་ཙ། བི་ཏྭཾ་ས་ཡ། ཛ་ཊི་ལཾ་བོ་ད་ར། ཨུཙྪུཤྨ་ཀྲོདྷཱ་ཡ་ཧཱུྃ་ཕཊ་སྭཱ་ཧཱ། དེ་ནས་ལྷ་དེ་དག་ངོ་མཚར་དུ་གྱུར་ཏེ། ལག་
D746.095.0106b06.01ན་རྡོ་རྗེའི་ཞལ་དུ་ལྟ་ཞིང་ཚིག་འདི་སྐད་ཅེས་སྨྲས་སོ། །རིག་སྔགས་ཀྱི་རྒྱལ་པོ་ཆེན་པོ་རྡོ་རྗེ་ཁྲོ་བོ་སྟོབས་པོ་ཆེའི་ལས་རྣམས་ཤོད་ཅིག་ཤོད་ཅིག །དེ་ནས་ལག་ན་རྡོ་རྗེ་དྲག་པོ་ཆེན་པོས་སྙིང་རྗེའི་སེམས་ཀྱིས་ལས་རྣམས་བཤད་པ། རིག་པ་མཆོག་སྒྲུབ་པའི་རིག་སྔགས་འཆང་
D746.095.0106b07.01