完整藏文原文 · 德格版页 当前仅加载第 95 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲོ་བོ་རབ་ཏུ་གཏུམ་པའི་ཕྱག་རྒྱའོ། །དེ་ཉིད་ལས་གཡོན་བརྐྱང་གི་ཚུལ་དུ་བྱས་པ་ནི་རྡོ་རྗེ་དབྱུག་སྔོན་གྱི་ཕྱག་རྒྱའོ། །ཁྲོ་བོ་ཐམས་ཅད་ཀྱི་སྤྱིའི་ཕྱག་རྒྱ་སྔ་མ་ལས་མཐེ་བོང་བརྐྱང་བ་ནི་ཞབས་ལས་བྱུང་བའི་ཕྱག་རྒྱའོ། །རྡོ་རྗེ་ཉིད་བསྟོད་དེ་བསྟན་པ་ནི་རྡོ་རྗེ་ཕོ་ཉ་མའི་ཚོགས་ཐམས་
D746.095.0182a01.01ཅད་ཀྱི་སྤྱིའི་ཕྱག་རྒྱའོ། །དེ་ཉིད་ལས་སྙིང་གར་རྡོ་རྗེ་བྱས་པ་ནི་ཁྲོ་བོ་མེ་གཏུམ་པོའི་ཕྱག་རྒྱའོ། །ལག་པ་གཡོན་པའི་སོར་མོ་གསུམ་བཅུམ་ལ་མཐེ་བོང་ངོས་ཀྱིས་མཛུབ་མོའི་སེན་མོ་མནན་ཏེ་སྙིང་གའི་ཕྱོགས་སུ་བཟུང་ལ་ལག་པ་གཡས་པའི་རྡོ་རྗེ་བསྟོད་པ་ནི་ཁྲོ་བོ་ལྷའི་ཡན་ལག་གི་ཕྱག་
D746.095.0182a02.01རྒྱའོ། །དེ་ཉིད་ལས་ལག་པ་གཡོན་པའི་མཛུབ་མོ་བཏང་སྟེ། དེ་བཞིན་དུ་བཟུང་བ་ནི་གདོན་ཞི་བར་བྱ་བའི་ཕྱིར་ཕོ་ཉ་མ་ཐམས་ཅད་ཀྱི་སྤྱིའི་ཕྱག་རྒྱ་ཡིན་ནོ། །དེ་བཞིན་དུ་མཛུབ་མོ་དང་གུང་མོ་བརྐྱང་བ་ནི་རྣམ་པར་རྒྱལ་བའི་ཕྱག་རྒྱའོ། །དེ་ཉིད་ལས་མཛུབ་མོ་ཅུང་ཟད་བཀུག་སྟེ་གཡོན་
D746.095.0182a03.01བརྐྱང་བའི་ཚུལ་དུ་བྱས་པ་ནི་སྤྱན་དྲང་བའི་ཕྱག་རྒྱའོ། །གུང་མོའི་རྩེ་མོ་མཐེ་བོས་བཀའ་སྟེ་མཛུབ་མོ་བརྐྱང་བ་ནི་གདོན་འཇོམས་པའི་ཕྱག་རྒྱའོ། །རྩ་བའི་ཕྱག་རྒྱ་དེ་ཉིད་ལས་མཛུབ་མོ་དང་སྲིན་ལག་གཉིས་ཀྱིས་ཕྱི་རོལ་ནས་དཀྲིས་ལ། །གཡས་བརྐྱང་བའི་ཚུལ་དུ་བྱས་པ་ནི་མི་བཟད་པའི་
D746.095.0182a04.01ཕྱག་རྒྱའོ། །དེ་ཉིད་ལས་གཡོན་བརྐྱང་བའི་ཚུལ་དུ་བྱས་པ་ནི་རྣམ་པར་རྒྱལ་བ་མི་བཟད་པའི་ཕྱག་རྒྱའོ། །ཕྱག་རྒྱ་དེ་ཉིད་མགོ་བོར་བཞག་པ་ནི་འཇིགས་པའི་ཕྱག་རྒྱའོ། །རྐང་པ་གཡས་བརྐྱང་གི་ཚུལ་དུ་བྱས་ལ་ལག་པ་གཡོན་པ་ལྟ་ཟུར་གྱི་ཕྱོགས་སུ་བཞག་ནས་གཡས་པའི་མཐེ་བོང་
D746.095.0182a05.01གི་ངོས་ཀྱིས་མཐེའུ་ཆུང་དང་སྲིན་ལག་བསྣོལ་བ་མནན་ཏེ། གུང་མོ་བསྒྲེང་ལ་མཛུབ་མོ་ཅུང་ཟད་བཀུག་ནས་རྣ་བའི་ཕྱོགས་སུ་བཞག་པ་ནི་བཅོམ་ལྡན་འདས་མ་རྡོ་རྗེ་ལྕགས་ཀྱུ་མའི་རྩ་བའི་ཕྱག་རྒྱའོ། །དེ་ཉིད་ལས་མཐེ་བོང་བཏང་བ་ནི་ལྕགས་ཀྱུ་མའི་ཕྱག་རྒྱ་ཐ་དད་པ་ཡིན་ནོ། །གཡོན་
D746.095.0182a06.01བརྐྱང་གི་ཚུལ་དུ་བྱས་ལ་ལག་པ་གཡོན་པས་དེ་བཞིན་དུ་བྱས་པ་ནི་ལྕགས་ཀྱུའི་ཕྱག་རྒྱའོ། །རྩ་བའི་ཕྱག་རྒྱ་ཉིད་ལས་རྐང་པ་བསྙམས་ཏེ་བསྒྲེངས་པ་ནི་སའི་ལྷ་མོའི་ཕྱག་རྒྱའོ། །རྩ་བའི་ཕྱག་རྒྱ་ལས་རྐང་པ་གཉིས་བསྐུམས་ལ་མཛུབ་མོ་བརྐྱང་སྟེ་བསྟན་པ་ནི་རྡོ་རྗེ་ལྕགས་ཀྱུ་མའི་གདོན་
D746.095.0182a07.01