完整藏文原文 · 德格版页 当前仅加载第 95 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བསྟེན་པར་བཤད། །ཟླ་བ་དྲུག་གིས་འགྲུབ་འགྱུར་ཏེ། །ཚིག་གིས་དོན་ཀུན་བྱེད་པར་བསྟན། །རྩི་སྨན་ཐམས་ཅད་བླངས་ནས་ནི། །སྲང་གཅིག་ངེས་པར་གཞག་པར་བྱ། །ན་མོ་རཏྣ་ཏྲ་ཡ་སྱ། ན་མོ་བཛྲ་པཱ་ཎི་སྱ། བ་ཏི་བ་ར་ཏི། ཀུ་ཤ་
D746.095.0208a01.01ས་མྦནྣ་མ་ན་སེ། ཨ་ཏ་ར་ཏེ། བ་ཏེ། ཡེ་སཾ་ཙེ་བྷཱུ་ཏེ། ཨཏྟེ་ཐེ། རཱུ་པི་ཏ་ཨ་སྨྲྀ་མི་སྭཱ་ཧཱ། སྐུ་གདུང་ལྡན་པའི་མཆོད་རྟེན་དྲུང་། །དུས་གསུམ་བཟླས་བརྗོད་བརྒྱད་བརྒྱ་བྱ། །གཙང་ཞིང་ཚངས་པར་སྤྱོད་པ་ཡིས། །ལྷ་བཤོས་མེ་ཏོག་བདུག་པ་དང་། །དེ་བཞིན་མཚན་
D746.095.0208a02.01མོ་མར་མེ་དང་། །མཆོད་པ་ཅི་ནུས་ཅི་དགའ་བྱ། །མཚམས་བཅད་ཕྱོགས་བཅིང་བསྲུང་བ་རྣམས། །རྟག་ཏུ་རྡོ་རྗེ་ལྕགས་ཀྱུས་བྱ། །དེ་ལྟར་རྟག་ཏུ་བརྩོན་པ་ལ། །དེ་ནི་ཟླ་བ་དྲུག་གིས་འགྲུབ། །དེ་ནས་འདོད་ཆགས་ལ་སོགས་དང་། །སྨན་ཆེན་མཉམ་པར་
D746.095.0208a03.01འཇོག་པར་འགྱུར། །ནད་དང་སྨན་ཀུན་སྟོན་པ་དང་། །གཏམ་རྒྱུད་ཐམས་ཅད་སྨྲ་བར་འགྱུར། །སྒྲུབ་པ་པོ་ལ་ལེགས་ཉེས་རྣམས། །ཚིག་གིས་སྟོན་ཅིང་སྨྲ་བར་བྱེད། །གསང་སྔགས་དེའི་ཆོ་ག་ནི་འདི་ཡིན་ཏེ། རས་མ་ཉམས་པ་ལ་ཚོན་རྩི་སྦྱིན་མེད་པས་བཅོམ་ལྡན་
D746.095.0208a04.01འདས་དང་ལག་ན་རྡོ་རྗེའི་སྐུ་གཟུགས་བྲིས་ཏེ། །ལྷ་མོ་ཡང་བཅོམ་ལྡན་འདས་ཀྱི་ཞབས་ལ་འདུད་པར་བྱས་ནས། ཡར་གྱི་ངོ་ཚེས་གཅིག་ལ་བརྩམས་ཏེ། ཟས་སུ་འོ་མ་དང་ཕྱེའི་ལྡེ་གུ་ཟ་ཞིང་དུས་གསུམ་དུ་སྣ་མའི་མེ་ཏོག་བརྒྱད་བརྒྱ་ལ་ལན་རེ་རེ་བཟླས་བརྗོད་བྱས་པས་ལག་ན་
D746.095.0208a05.01རྡོ་རྗེ་ལ་བསྣུན་པར་བྱའོ། །བཅོམ་ལྡན་འདས་དང་ལག་ན་རྡོ་རྗེ་ལ་མཆོད་པ་ཡང་རྟག་ཏུ་བྱས་ཏེ། མཇུག་ཏུ་ཞག་གསུམ་སྨྱུང་བར་བྱས་ནས། ཟླ་བ་ཉའི་ནུབ་མོ་བརྒྱད་སྟོང་གིས་བསྣུན་ལ་ཅི་འབྱོར་པས་མཆོད་ན་འགྲུབ་པར་འགྱུར་ཏེ། དོན་ཐམས་ཅད་སྟོན་པར་བྱེད་དོ། །གཞན་
D746.095.0208a06.01ཡང་ཚེས་བཅུ་གཉིས་ནས་བརྩམས་ཏེ། ཉའི་བར་དུ་གཙང་ཞིང་ངེས་པ་དང་ལྡན་པར་བྱས་ཏེ། རས་ལ་བཅོམ་ལྡན་འདས་དང་། ལག་ན་རྡོ་རྗེ་དང་། ལྷ་མོ་དང་། སྒྲུབ་པ་པོ་རྣམས་དགེ་བསྙེན་ལ་འདྲིར་བཅུག་སྟེ། སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་བཅོམ་ལྡན་
D746.095.0208a07.01