完整藏文原文 · 德格版页 当前仅加载第 95 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བསྟན། །ལག་ན་རྡོ་རྗེའི་དཀྱིལ་འཁོར་ཐམས་ཅད་ཀྱི་རྒྱལ་པོ་ལས་གནས་གཉིས་པ་རྫོགས་སོ།། །།རིག་སྔགས་རྡོ་རྗེ་ལྕགས་ཀྱུ་མ། །རྨད་དུ་བྱུང་བ་དེ་དྲན་ཞིང་། །གཡོན་ཕྱོགས་དག་ཏུ་{གོ་རིམས་,གོ་རིམ་}བཞིན། །ལྷ་རྣམས་ཀྱང་ནི་དགོད་པར་
D746.095.0197a01.01བྱ། །ཆུ་ལྷའི་ཕྱོགས་ཀྱི་སྒོ་དག་ནི། །ཀཱརྵཱ་པ་ཎ་བརྒྱད་དག་གི། །འགྲོན་བུ་རྣམས་ནི་ཤར་ནུབ་ཏུ། །མཉམ་ཞིང་མཛེས་པར་དགོད་པར་བྱ། །དེ་ཡི་ལྷོ་ཕྱོགས་རྡོ་རྗེ་ཡི། །རིག་སྔགས་བླ་མའི་རིགས་རྣམས་དགོད། །དེ་ནི་རྡོ་རྗེ་ལྕགས་ཀྱུ་མ། །རིག་སྔགས་རྒྱལ་མོ་དབུས་སུ་
D746.095.0197a02.01གཞག །དྲེགས་ཤིང་སྟོབས་ཀྱིས་རྒྱགས་པ་ཡི། །སྔོན་མོ་ཆེན་མོ་སྔོན་མོ་གཉིས། །དེར་ནི་རིག་སྔགས་རིགས་རྣམས་ཀྱི། །སྒོ་སྲུང་དག་ཏུ་གཞག་པར་བྱ། །རིག་སྔགས་རྡོ་རྗེའི་རིགས་སྐྱེས་རྣམས། །ཤར་ཕྱོགས་སུ་ནི་བལྟ་བར་བྱ། །འདོད་པའི་རྡོ་རྗེ་དང་པོར་བཤད། །
D746.095.0197a03.01རྡོ་རྗེ་ཁྲོ་བོ་མཇུག་ཏུ་གཞག །མེ་ཏོག་ཡིད་འོང་རྩེ་མོ་ཅན། །ལུག་རྒྱུད་གཏུམ་མོ་སེར་མོ་རྣམས། །ཕོ་ཉ་མ་དག་གྲངས་བཞིན་དུ། །ཐམས་ཅད་དེ་ཡི་ཕ་རོལ་དགོད། །བུང་བ་མ་དང་ལྟ་བ་མ། །དགའ་མ་ཐུབ་དཀའ་བྱང་ཕྱོགས་གཞག །རྡོ་རྗེ་ཀ་ཏ་ཡ་ན་དང་། །འདི་
D746.095.0197a04.01དག་གཡས་ཕྱོགས་བྲི་བར་བྱ། །རྡོ་རྗེ་སྡེ་ཡི་འཁོར་རྣམས་དང་། །དེ་ཡི་ལྷོ་ཕྱོགས་དགོད་པར་བྱ། །དེ་ནས་ཀླུ་རྒྱལ་ནོར་རྒྱས་བུ། །བཞི་པ་དག་ལ་གཞག་པར་བྱ། །འབྱུང་པོ་སྣ་ཚོགས་བ་སྐོར་བ་ཡི། །གཞོན་ནུ་ཚོགས་དང་བཅས་པ་ཡང་། །དཀྱིལ་འཁོར་ལྔ་པར་གཞག་
D746.095.0197a05.01པར་བྱ། །མདུང་ཐུང་ཡང་ནི་མདུན་དུ་གཞག །དེ་ནས་དྲུག་ལ་བདེན་བྲལ་ཕྱོགས། །འབྱུང་པོ་རེངས་བྱེད་མི་བཟད་པ། །འཕགས་པ་ཡི་ནི་མདུན་བྲིས་ལ། །འཕགས་མ་ཡི་ནི་མདུན་དུ་གཞག །མ་མོ་རྣམས་ཀྱི་རིགས་ལྔ་པོ། །ཚངས་མ་དང་ནི་དབང་ཕྱུག་མ། །
D746.095.0197a06.01སྐེམ་བྱེད་ཁྱབ་འཇུག་ཕག་མོ་ཞེས། །བྱ་བ་དཀྱིལ་འཁོར་བདུན་པར་གཞག །གྲོང་ཁྱེར་དེ་ཡི་ནང་དག་ཏུ། །ཆུ་ཀླུང་འགྲམ་དང་ལྡན་པར་བྲི། །གྲྭ་རྣམས་ཤར་བྱང་གྲྭ་དག་དང་། །ལྷོ་དང་ནུབ་ཕྱོགས་ཕྱིན་པར་བྱ། །སྡིག་ཅན་ཆུ་ན་གནས་པའི་ནང་། །ངོམས་མི་ཤེས་པའི་
D746.095.0197a07.01