完整藏文原文 · 德格版页 当前仅加载第 95 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
པ་བྱེད་པར་འགྱུར་རོ། །དེ་ནས་ཟས་སུ་ཆུ་དང་ཕྱེའི་འདག་གུ་ཟ་ཞིང་བཟླས་བརྗོད་བྱས་ན་དམག་གི་དཔུང་འཇོམས་པར་བྱེད་དོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་རྐང་པ་གཡས་པའི་མཐེ་བོང་བཟུང་ནས་ཉེ་བའི་སྙིང་པོ་བཟླས་
D746.095.0070b01.01བརྗོད་བྱས་ན་ཇི་ཙམ་ན་ལག་ན་རྡོ་རྗེའི་རྐང་པ་གཡས་པའི་མཐེ་བོང་ལས་འོད་ཟེར་འབྱུང་བར་འགྱུར་ཏེ། འོད་ཟེར་དེས་ཀྱང་རིག་སྔགས་འཆང་གཡས་ཕྱོགས་སུ་བསྐོར་ནས་ལག་ན་རྡོ་རྗེའི་སྤྱི་བོར་མི་སྣང་བར་འགྱུར་རོ། །དེ་ནས་འགྲུབ་པར་འགྱུར་ཏེ། རྒྱལ་པོ་སྦྱིན་པར་བྱེད་
D746.095.0070b02.01ཅིང་ཚེ་ལོ་བརྒྱ་ཐུབ་པར་འགྱུར་རོ། །སློང་མོའི་ཟས་ཟ་ཞིང་རྒྱ་མཚོར་འབབ་པའི་ཆུ་ཀླུང་གི་ནང་དུ་ཞུགས་ཏེ་ཉེ་བའི་སྙིང་པོ་སྤྱན་དང་བཅས་པར་ལན་འབུམ་བཟླས་བརྗོད་བྱས་ལ་དེ་ནས་རིག་སྔགས་འཆང་གིས་ཆུའི་ནང་དུ་ཡུངས་ཀར་གྱི་སྲེག་བླུགས་ལན་བརྒྱ་སྟོང་བྱས་ན་བར་
D746.095.0070b03.01སྣང་ལ་རལ་གྲི་མཐོང་བར་འགྱུར་ཏེ་དེ་བླང་བར་བྱའོ། །ཅི་སྟེ་སྣང་བར་མི་བྱད་ན་ནི་རིག་སྔགས་འཆང་གིས་རིག་པ་མཆོག་བཟླས་བརྗོད་བྱས་ན་སྣང་བར་འགྱུར་རོ། །འོག་པག་ཅན་གྱི་རིག་སྔགས་བཟླས་བརྗོད་བྱེད་བཞིན་དུ་བླང་བར་བྱའོ། །དེ་བླངས་པས་སྐྲ་ལྕང་ལོར་
D746.095.0070b04.01འཁྱིལ་ཞིང་ལོ་བཅུ་དྲུག་ལོན་པའི་ཤ་ཚུགས་ཅན་དུ་འགྱུར་ཏེ། དཔག་ཚད་ཉིས་སྟོང་གྱེན་དུ་འཕག་པ་དང་། རིག་སྔགས་འཆང་ཐམས་ཅད་ཀྱིས་མི་སོང་པ་དང་། ཚེ་ལོ་ཉིས་སྟོང་ཐུབ་པར་འགྱུར་རོ། །གཏེར་འབྱུང་བར་འདོད་ན་རིག་སྔགས་འཆང་གནས་གང་ན་
D746.095.0070b05.01གཏེར་ཡོད་པར་སོང་ལ་ཚེས་གྲངས་དང་རྒྱུ་སྐར་ཡང་འདམ་མི་དགོས། །སྨྱུང་བ་ཡང་བྱ་མི་དགོས་པར་བིལ་བའི་མེའི་ནང་དུ་ཡུངས་ཀར་དང་། པདྨའི་ལོ་མ་བསྲེགས་པ་ལ་ཉེ་བའི་སྙིང་པོ་ལན་བརྒྱ་སྟོང་སྦྱིན་སྲེག་བྱས་ན་གཏེར་གྱི་ལྷ་དེས་རྨི་ལམ་དུ་སྟོན་པར་བྱེད་དོ། །དེ་ནས་
D746.095.0070b06.01རིག་པ་མཆོག་གིས་བགེགས་རྣམས་ཀྱི་སྦྱིན་སྲེག་བྱས་ནས་བླང་བར་བྱའོ། །དགའ་བྱེད་གདོང་གིས་གནས་བསྲུང་བར་བྱའོ། །ཉེ་བའི་སྙིང་པོས་ནི་མར་མེ་སྦར་བར་བྱ་སྟེ། བ་ལང་གི་རྭ་ཨརྐའི་ཤིང་བལ་གྱིས་དཀྲིས་ལ། བ་སེར་མོའི་མར་གྱིས་མར་མེ་སྦར་བས་
D746.095.0070b07.01