完整藏文原文 · 德格版页 当前仅加载第 95 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
དག་སོང་བར་གྱུར། །དེ་ནས་སྐྲག་ནས་གདོན་དེ་དག །ཐམས་ཅད་བརྡུངས་ཏེ་སེམས་སྟོར་ཅིང་། །རྡོ་རྗེ་ནག་མོས་འཇིགས་གཟིར་བས། །སྐྱབས་ཀྱང་རྙེད་པར་མ་གྱུར་ཏེ། །རྡོ་རྗེ་སྒྲོགས་ཀྱིས་འཕམ་བྱས་ཤིང་། །རྡོ་རྗེ་ཅན་གྱི་ཡུལ་དུ་
D746.095.0061a01.01བཅོམ། །དེ་ནས་དེ་དག་ཡིད་ཀྱིས་སུ། །དེ་བཞིན་གཤེགས་ལ་སྐྱབས་སུ་སོང་། །དཀོན་མཆོག་གསུམ་གྱིས་མཛེས་བྱས་ཤིང་། །ཐམས་ཅད་དགེ་ལ་ངེས་པར་གྱུར། །དེ་ནས་མེ་ནི་འདྲ་བ་དེ། །རྡོ་རྗེ་ལྟ་བུའི་མཚོན་ཐོགས་པ། །ཞི་ནས་རྡོ་རྗེ་ལ་སོགས་
D746.095.0061a02.01ཚོགས། །ཡིད་མ་ཞི་ལ་སྨྲས་པ་ནི། །ཀྱེ་ཀྱེ་ཚོགས་རྣམས་ཞི་བར་གྱིས། །སྐལ་བ་ཆེ་རྣམས་ལྡོག་པར་གྱིས། །གདོན་ཀུན་དགེ་ལ་ངེས་བྱས་ཤིང་། །ཞི་བར་གྱུར་གྱིས་མ་གཞོམ་ཤིག །ལག་ན་རྡོ་རྗེ་ལྟས་བསྟན་པའི། །ཐད་དུ་ཡང་ནི་ཁྲིད་པར་གྱིས། །
D746.095.0061a03.01མི་བཟད་ཚོགས་ཀྱིས་དེ་མཉན་ནས། །གདོན་རྣམས་དེ་དག་ཐམས་ཅད་ནི། །རྣལ་འབྱོར་བསྟན་བཅོས་མཐུས་བཏུལ་ནས། །ལག་ན་རྡོ་རྗེས་ཐད་དུ་ཁྲིད། །བཅོམ་ལྡན་རྡོ་རྗེ་ལྡན་པ་དེས། །མཐོང་ནས་ཅི་སྟེ་གསོན་འདོད་ན། །རིག་པའི་མཆོག་ལ་ཕྱག་
D746.095.0061a04.01བྱོས་ལ། །ཕྱག་རྒྱ་མཐོང་ནས་བསྟན་ལ་མ་ནོས། །གནས་ནས་མི་རྣམས་ཐོང་ཤིག་ཅེས། །གདོན་རྣམས་ལ་ནི་བགད་དེ་སྨྲས། །དེ་སྐད་སྨྲས་ནས་གདོན་དེ་དག །ཀུན་གྱིས་དེ་ཚེ་བསྟན་སྨྲས་པ། །ཁྱོད་ཀྱིས་ལས་འདི་མཆོག་ཡིན་ཏེ། །གཞན་གྱིས་མི་ཐུབ་
D746.095.0061a05.01དྲག་ཅིང་དགེ། །མངའ་བདག་ཁྱོད་ཀྱིས་བཀའ་སྩལ་པ། །དེ་བཞིན་དུ་ནི་བགྱི་བར་འཚལ། །སངས་རྒྱས་ལ་ནི་སྐྱབས་སུ་མཆི། །ཆོས་དང་དགེ་འདུན་དེ་བཞིན་ཏེ། །ཞི་ལ་མ་རུངས་འདུལ་བ་པོ། །ཁྱོད་ལ་རྟག་ཏུ་སྐྱབས་སུ་མཆི། །སེམས་ཅན་ཀུན་ལ་ཕན་
D746.095.0061a06.01པའི་ཕྱིར། །སྟོབས་ཆེན་དེ་ནི་སྐྱེས་པ་ལེགས། །བདག་ཅག་གི་ནི་འཚོ་བ་ཡི། །ཐབས་ཀྱི་ཕྱིར་ཡང་བཀའ་སྩོལ་ཅིག །དེ་ནས་དཔལ་ལྡན་རྡོ་རྗེ་འཆང་། །བགད་ནས་ཚོགས་ལ་སྨྲས་པ་ནི། །ཁྱོད་ཀྱིས་བླང་བར་བྱ་བ་དང་། །མི་བླང་བ་ཡང་བསྟན་པར་བྱ། །
D746.095.0061a07.01