完整藏文原文 · 德格版页 当前仅加载第 95 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
གཞག །ནས་དང་གྲོ་དང་མོན་སྲན་གྲེའུ། །སཱ་ལུ་དང་ནི་ཏིལ་འབྲུ་རྣམས། །སྣོད་སར་དག་གི་ནང་དུ་གཞག །ཡང་ན་གཞན་དུ་དེ་བཞིན་གཞག །ཧྭགས་དང་ཁ་རས་གང་བ་དང་། །བཏུང་བ་བསིལ་ཞིང་ཞིམ་པ་དག །སྣོད་སར་དག་གི་ནང་དག་ཏུ། །བཞག་ནས་
D746.095.0201b01.01རབ་ཏུ་དབུལ་བར་བྱ། །དེས་ན་སུ་ལའང་འཚེ་མི་འགྱུར། །དགའ་བའི་སེམས་ཀྱིས་ཟ་འདོད་ལ། །ཁ་ཟས་དག་ཀྱང་སྦྱིན་པར་བྱ། །དེ་ནས་དགའ་བར་བྱ་བའི་ཕྱིར། །ཏ་ལའི་ལོ་མ་བསིལ་ཡབ་དབུལ། །དྲི་ཞིམ་པ་ཡི་དྲི་ཀུན་གྱིས། །དཀྱིལ་འཁོར་ལ་ནི་མཆོད་པར་བྱ། །
D746.095.0201b02.01སྤོས་ཀྱི་ཕྱེ་མ་སྣ་ཚོགས་པ། །མཆོག་རྣམས་ཀྱིས་ཀྱང་དེ་བཞིན་མཆོད། །ཛ་ཡ་མུ་ས་ན་ལ་སོགས། །དྲི་ཞིམ་ཐམས་ཅད་སྦྱར་བས་མཆོད། །ཨ་ག་རུ་དང་དུ་རུ་སྐ། །ཤིང་གི་ཐང་ཆུ་གསར་སྦྱར་རྣམས། །བདུག་པའི་རྒྱུར་ནི་བསྔགས་པ་ཡིན། །དངོས་གྲུབ་སྒོ་དྲུང་འདུག་
D746.095.0201b03.01པར་བྱ། །ཡང་ན་ནང་དུ་སོང་ནས་ནི། །དེ་ནི་བྱང་ཕྱོགས་ཁ་བལྟ་ཞིང་། །ལག་ན་རྡོ་རྗེ་ཚུལ་བཞིན་བོད། །ཤིན་ཏུ་བཀྲ་ཤིས་ཚིགས་བཅད་དང་། །དེ་བཞིན་བདེ་ལེགས་རྫོགས་པ་གདོན། །དེ་ནས་དེར་ནི་རིག་སྔགས་མ། །རྡོ་རྗེ་ལྕགས་ཀྱུ་རྩེ་མོ་ཅན། །རྡོ་རྗེའི་རིགས་ལས་བྱུང་
D746.095.0201b04.01བ་ཡི། །རིག་སྔགས་བསྟན་པ་གང་ཡིན་པ། །དེ་ནི་བདག་ཉིད་བསྲུང་བར་བྱ། །དེ་ནས་ཐོག་མར་སྤྱན་དྲང་བ། །རི་རབ་དེ་ཡི་རྩེ་མོར་ནི། །འདུག་ནས་སྒྲ་ཆེན་གདོན་པར་བྱ། །ཆོས་ཀྱི་ཆུ་ཀླུང་སྤྱན་དྲང་བ། །དམ་པ་འདི་ནི་བརྗོད་པར་བྱ། །བཀྲ་ཤིས་ཚིགས་བཅད་བརྗོད་པ་དང་། །
D746.095.0201b05.01ཆོས་ཀྱི་འཁོར་ལོ་བསྐོར་བ་དང་། །འདུས་པ་ཆེན་པོའི་མདོ་དག་དང་། །འཕགས་པའི་བདེན་པ་བཞི་པོ་དང་། །རྟེན་ཅིང་འབྲེལ་པར་འབྱུང་བ་དེ། །མ་ཉམས་ཐེ་ཚོམ་མེད་པ་དང་། །འཕགས་པ་ཤ་ར་དྭ་ཏིའི་བུའི། །སེང་གེའི་སྒྲ་ནི་དཔེ་མེད་གདོན། །དེ་ནས་རྡོ་རྗེ་རིགས་ཀྱི་ཡུམ། །
D746.095.0201b06.01རིག་སྔགས་རྡོ་རྗེ་ལྕགས་ཀྱུ་བཟླས། །དེ་ནས་ཀྱང་ནི་རྩེ་མོ་ཅན། །དེ་ནས་རྡོ་རྗེ་རིགས་སྐྱེས་ཀྱི། །རིག་སྔགས་དག་ནི་གང་འདོད་དང་། །སྙིང་པོ་འགྲོ་ལྡིང་གཏུམ་པོ་དང་། །དེ་ཡི་སྟེང་དང་འདོད་པ་ཡི། །རྡོ་རྗེ་མ་དང་འོག་པ་གཅན། །ལུ་གུ་རྒྱུད་དང་གཏུམ་མོ་དང་། །སེར་གཏུམ་རྡོ་རྗེ་
D746.095.0201b07.01