完整藏文原文 · 德格版页 当前仅加载第 95 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
བས་བརྒྱན། །རྟག་ཏུ་ཡང་ནི་དུས་གསུམ་དུ། །མཆོད་པ་རྣམ་པ་སྣ་ཚོགས་བྱ། །ཙམ་པ་ཀ་དང་ཙམ་པ་ཀའི། །མེ་ཏོག་སྣ་མའི་མེ་ཏོག་རྣམས། །ཡིད་དུ་འོང་བས་སངས་རྒྱས་དང་། །རྡོ་རྗེ་འཛིན་ལ་ངེས་པར་མཆོད། །དུ་རུ་སྐ་དང་ཨ་ག་རུ། །བདུག་པའི་
D746.095.0209b01.01མཆོག་ནི་རྟག་ཏུ་བསྲེག །སྐུ་གཟུགས་ཆོ་ག་བཞིན་བྲིས་ལ། །ཆོ་ག་འདི་ནི་བྱ་བ་སྟེ། །སངས་རྒྱས་གསེར་གྱི་ཁ་དོག་འདྲ། །སངས་རྒྱས་ཐད་ན་གནས་པ་ཡི། །ལག་ན་རྡོ་རྗེ་གཡོན་ཕྱོགས་བྲི། །རྒྱལ་པོ་བཞིན་དུ་བརྒྱན་བྱ་ཞིང་། །ཧ་ཅང་དམར་བར་མི་བྱ་སྟེ། །སྐུ་
D746.095.0209b02.01གཟུགས་ནུབ་ཕྱོགས་ལོགས་སུ་བསྟན། །ཤེས་རབ་ཅན་གྱིས་ཆོ་ག་འདི། །བྱ་སྟེ་དེ་ནི་རིམ་བཞིན་བཤད། །དང་པོ་ཡང་ནི་ཚེས་གཅིག་བརྩམས། །ངེས་པར་གནས་ཤིང་གཙང་བ་ཡིས། །ཁྲུས་ནི་བ་ལང་ལྕི་བ་དང་། །བ་གཅིན་བཙགས་པས་དུས་གསུམ་བྱ། །
D746.095.0209b03.01མདུན་དུ་རྟག་ཏུ་གོས་ཕྲུགས་ནི། །བདུག་པས་རབ་ཏུ་བདུགས་པ་བགོ། །ཙམ་པ་ཀ་དང་ཙམ་ཀ་ཡི། །མེ་ཏོག་རྣམས་ཀྱིས་རྟག་ཏུ་མཆོད། །སྣ་ཚོགས་དྲི་དང་མེ་ཏོག་ཕྲེང་། །མཛེས་ཤིང་ཡིད་དུ་འོང་བས་མཆོད། །ལན་གྲངས་བརྒྱད་བརྒྱར་བཟླས་བརྗོད་བྱ། །དུ་
D746.095.0209b04.01རུ་སྐ་དང་ཨ་ག་རུ། །བསྲེག་ཅིང་མར་མེ་གཉིས་ཀྱང་དབུལ། །རྟག་ཏུ་འཆི་བར་མི་བྱ་སྟེ། །དེ་བཞིན་མར་གྱི་མར་མེ་གཞན། །ཉིན་གཅིག་བཞིན་དུ་བསྐྱེད་པར་བྱ། །དེ་ཚེ་འོ་མའི་འདག་གུ་རྣམས། །ཟ་ཞིང་མཉམ་པར་གཞག་པ་དང་། །གསོ་སྦྱོང་ཡན་ལག་བརྒྱད་
D746.095.0209b05.01ལྡན་པས། །ཚེས་ནི་བཅུ་གཉིས་བར་དུ་ཡང་། །རྟག་ཏུ་ཀུ་ཤའི་མལ་སྟན་འདུག །དེ་ནས་ཞག་གསུམ་སྨྱུང་བྱས་ནས། །ཟླ་བ་ཉ་ལ་ཆོ་ག་བཞིན། །དཔེ་མེད་པ་ཡི་མཆོད་པ་བྱ། །དེར་ནི་ཚོན་རྩི་སྣ་གསུམ་གྱིས། །གྲོང་ཁྱེར་དག་ཀྱང་བྲི་བར་བྱ། །གྲུ་བཞི་ལྷམ་པ་
D746.095.0209b06.01སློ་བཞིར་ལྡན། །ཕྱོགས་ཆ་ལེགས་པར་གཅད་བྱ་ཞིང་། །མཉམ་བྱས་དེ་ཡི་ནང་དག་ཏུ། །ལྷ་བཤོས་དཀར་པོ་དཔེ་མེད་དབུལ། །ཕྱི་རོལ་དུ་ཡང་སྣ་ཚོགས་པ། །ཅི་འདོད་ཐམས་ཅད་གཞག་པར་བྱ། །དེ་ནས་ཀུ་ཤའི་སྟན་འདུག་ཅིང་། །བསྲུང་བྱས་ཆོ་ག་ཤེས་
D746.095.0209b07.01