完整藏文原文 · 德格版页 当前仅加载第 95 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱུང་བར་བྱ། །མི་ཡི་འཇིག་རྟེན་གནས་པ་ཡི། །གདོན་རྣམས་ཐམས་ཅད་ཇི་སྙེད་པ། །རླུང་ཅན་དང་ནི་མཁྲིས་པ་ཅན། །བད་ཀན་ཅན་དང་འདུས་པ་ཅན། །གདོན་གྱི་གཟུགས་ནི་ཐམས་ཅད་དང་། །སྨན་རྣམས་ཀྱང་ནི་འདི་ཡིན་ཏེ། །རྡོ་རྗེ་ལྷ་ཡི་མར་
D746.095.0133a01.01ཞེས་བྱ། །གདོན་ཀུན་གཏོང་བར་འགྱུར་བ་དང་། །གདོན་ཀུན་ཞི་བར་བྱེད་པ་དང་། །སེམས་ཅན་རྣམས་ལ་ཕན་པའི་ཕྱིར། །ང་ཡིས་སུ་ནི་བཤད་པ་ཡིན། །གང་ཞིག་སྨན་གྱི་རྒྱལ་པོ་ཡི། །མིང་ནི་ལེགས་པར་དྲན་བྱེད་པ། །དེ་
D746.095.0133a02.01ལ་གདོན་རྣམས་ཐམས་ཅད་ཀྱིས། །གླགས་བཙལ་ཕྱིར་ནི་བརྩོན་མི་བྱེད། །དེ་ཕྱིར་དེ་ལ་བླུད་པར་བྱ། །དེ་བཞིན་སྣར་ཡང་བླུག་པར་བྱ། །ཆོ་ག་འདི་དག་གིས་ཀྱང་ནི། །གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་
D746.095.0133a03.01བའི། །ཐབས་གཞན་འདི་ནི་སྦྱར་བར་བྱ། །དཀྱིལ་འཁོར་བྲིས་ལ་དེར་གཞུག་པར་བྱ་སྟེ། །དཀྱིལ་འཁོར་དེར་རིག་སྔགས་ཀྱི་རྒྱལ་པོའམ། །ཚོགས་ལྕགས་ཅན་ནམ། །རྨུགས་བྱེད་ཀྱིས་སྦྱིན་སྲེག་བྱའོ། །ལྷ་རྣམས་འདི་ནི་ལག་ན་རྡོ་རྗེའི་མཚམས་རླུང་ཡིན་ཏེ། །གསོར་མི་
D746.095.0133a04.01རུང་བ་རྣམས་ཀྱང་ཚར་གཅོད་པར་བྱེད་དོ། །གདོན་གང་ངའི་མིང་ཐོས་ནས་མི་འབྲོས་པ་དེ་ལ་རྡོ་རྗེ་དྲག་པོས་སྤྱི་བོ་གཤག་པར་བྱའོ། །ལྷ་རྣམས་དེ་བཞིན་གཤེགས་པའི་བཀས་མ་རུངས་པ་རྣམས་གཞོམ་པ་བཟང་པོ་རྣམས་ངས་བཤད་ཟིན་ཏོ། །སྨྱོ་བྱེད་ཀྱི་གདོན་གྱི་སྐབས་
D746.095.0133a05.01རྫོགས་སོ།། །།སྔར་བཤད་པ་ནི་གང་ཡིན་གདོན། །ལྷ་མ་ཡིན་གདོན་ཤེས་པར་བྱ། །གཏུམ་ཞིང་གཟུ་ལུམས་ཆེ་བ་དང་། །འཇིག་རྟེན་འཚེ་བར་བྱེད་པའི་སྟེ། །གཟི་བརྗིད་ཅན་དང་ལུས་ཆེ་དང་། །གཟུགས་བཟང་ཡོན་ཏན་ལྡན་པ་ལ། །ལྷ་མ་ཡིན་ནི་འཇུག་
D746.095.0133a06.01པར་བྱེད། །དེ་ཡི་མཚན་མ་ཚུལ་བཞིན་ཉོན། །རིག་སྔགས་འཆང་ལ་བརྙས་པར་བྱེད། །རིག་བྱེད་ཀྱང་ནི་སྨྲ་བར་བྱེད། །སྐེམ་བྱེད་ང་ཡིན་ཁྱབ་འཇུག་ང་། །ཞེས་ནི་{བརྫུན་,རྫུན་}ཡང་སྨྲ་བར་བྱེད། །གདོན་ཀུན་གྱི་ནི་ཚུལ་དག་དང་། །རྣམ་པ་མང་པོར་སྒྱུར་བར་བྱེད། །ངུ་ཞིང་
D746.095.0133a07.01