完整藏文原文 · 德格版页 当前仅加载第 95 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
སེར་མོའི་སྔགས་བཟླས་བརྗོད་བགྱིས་ལ་བཀྲུའོ། །རྡོ་རྗེ་ལྟེ་བས་སྤོས་སྩལ་བར་བགྱིའོ། །རྡོ་རྗེ་མེ་ཁ་ལས་མེ་ཏོག་སྩལ་བར་བགྱིའོ། །དེ་ནས་དེའི་སྙིང་གར་འདུག་སྟེ་མི་དོ་ཙམ་གྱེན་དུ་མ་འཕགས་ཀྱི་བར་དུ་རིག་པ་མཆོག་གི་སྙིང་པོ་དང་ལྷན་ཅིག་བཟླས་བརྗོད་
D746.095.0010b01.01བགྱིའོ། །གྱེན་དུ་འཕགས་མ་ཐག་ཏུ་སླར་འོག་ཏུ་ལྟུང་ངོ་། །ལྟུང་ནས་བུད་མེད་བཅུ་ཉེ་བར་གནས་པར་འགྱུར་ཏེ། དེ་དག་གཡོག་འཁོར་རྣམས་ལ་སྩལ་བར་བགྱིའོ། །དེ་དག་ཀྱང་སྟོབས་མཉམ་པར་འགྱུར་རོ། །ཅི་སྟེ་མ་སྩལ་ན་བདག་བུད་མེད་བཅུས་
D746.095.0010b02.01བསྐོར་ཏེ་མི་ལ་ཞོན་ཏེ་གར་དགའ་བ་དེར་མཆིའོ། །ཡང་ཡིད་ཀྱིས་བསམས་པ་དེ་བཞོན་པ་ལས་འབྱུང་ངོ་། །ལོ་བརྒྱད་ཁྲིར་འཚོ་བར་འགྱུར་རོ། །རིག་སྔགས་འཆང་དུ་ཡང་འགྱུར་རོ། །མར་གྱི་ངོ་ཞག་བརྒྱད་དམ་བཅུ་བཞི་ལ་སྐྱེས་པ་ཤི་བའི་རོ་བཞག་པའི་
D746.095.0010b03.01ཁྱོགས་ཀྱི་གཡས་རོལ་གྱི་ཟུར་ཤིང་ཁྱེར་ཏེ་སོང་ལ། །ཕྱི་མ་མར་གྱི་ངོ་ཞག་བརྒྱད་ལ་དེ་མདུང་རྩེ་གསུམ་པར་བགྱིས་ལ་སློང་མོ་པའི་ཟས་བཟའ་ཞིང་རིག་སྔགས་འཆང་བཟླས་བརྗོད་བགྱིའོ། །ཕྱི་མ་མར་གྱི་ངོ་ཞག་བརྒྱད་ནས་ཞག་གསུམ་སྨྱུང་བ་བགྱིས་ཏེ་དུར་
D746.095.0010b04.01ཁྲོད་དུ་སོང་ལ་མདུང་རྩེ་གསུམ་པ་ལ་མཆོད་པ་རྒྱ་ཆེར་བགྱིས་ཏེ། མདུང་རྩེ་གསུམ་པ་ལག་པོ་གཡས་པར་ཐོགས་ལ། །རིག་པའི་མཆོག་ལན་བརྒྱད་སྟོང་བཟླས་བརྗོད་བགྱིས་ན་མདུང་རྩེ་གསུམ་པ་ལས་འོད་ཟེར་འབྱུང་སྟེ་དེ་ནས་དངོས་གྲུབ་ཏུ་འགྱུར་རོ། །མཚན་མོ་
D746.095.0010b05.01བཙུགས་ན་རྒྱན་ཐམས་ཅད་ཀྱིས་བརྒྱན་པའི་བུད་མེད་དག་འབྱུང་ངོ་། །སྐྱེས་པ་ཅི་ལ་མ་རེག་པར་ཆེས་པ་དག་ཀྱང་ཉེ་བར་གནས་སོ། །གང་བསམས་པ་ཐམས་ཅད་རྙེད་དོ། །ཕྱུང་ན་ཐམས་ཅད་མེད་པར་འགྱུར་རོ། །འབྱུང་པོ་རྣམས་ཀྱང་ཕྱག་བརྙན་དུ་འགྱུར་
D746.095.0010b06.01རོ། །ཆོ་ག་གང་ལ་བླངས་པའི་ཆོ་ག་དེ་ཉིད་ལ་བསྒྲུབ་པར་བགྱིའོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་ཅི་ནུས་ཀྱིས་མཆོད་པ་བགྱིས་ལ་དེའི་མདུན་དུ་འབྲས་ཆེན་གྱིས་ལོ་མ་བཀང་སྟེ་བཞག་ལ་འབྲས་ཆན་མི་སྣང་བར་མ་
D746.095.0010b07.01