完整藏文原文 · 德格版页 当前仅加载第 95 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །གཞན་ཡང་ས་སྟེང་གནས་རྣམས་གཞག །རྡོ་རྗེའི་མངའ་བདག་དགྱེས་པ་ཡི། །གཞན་གྱི་རིགས་སྔགས་མཆོག་འཆིང་བ། །རབ་ཏུ་གསལ་ཞིང་འབར་བ་དེ། །དབུས་དེར་མཁས་པས་གཞག་པར་བྱ། །དེ་ནས་རྡོ་རྗེ་འཛིན་ཆེན་རྗེ། །ཉི་ཤུ་པར་ནི་
D746.095.0198a01.01གཞག་པར་བྱ། །གང་ན་རྡོ་རྗེ་འཛིན་གནས་ཏེ། །མིང་ནི་རྡོ་རྗེ་ཕོ་བྲང་ཡིན། །ཉི་ཤུ་གཅིག་པའི་བྱང་ཕྱོགས་སུ། །ཀུ་བེ་ར་ནི་ཚོགས་བཅས་བྲི། །ཀུ་བེ་ར་ནི་གར་གནས་པ། །གྲོང་ཁྱེར་ལྕང་ལོ་ཅན་ཞེས་བྱ། །ཀླུ་ཡི་བྱ་བསྒྲུབ་པ་བརྒྱད། །གྲོང་ཁྱེར་ཉི་ཤུ་གཉིས་པར་གཞག །
D746.095.0198a02.01བྱ་བ་སྒྲུབ་བཅས་ཀླུ་ཆེན་རྣམས། །ལྔ་པོ་ཉི་ཤུ་གསུམ་པར་གཞག །དཀྱིལ་འཁོར་ཉི་ཤུ་རྩ་བཞིར་ནི། །ཀླུ་ཡི་དཀྱིལ་འཁོར་གཞག་པར་བྱ། །ཀླུ་མགོ་ཡི་ནི་གདེངས་ཀ་ཅན། །ཀླུ་ཆེན་གྱིས་ནི་གཡས་སུ་བསྐོར། །དཀྱིལ་འཁོར་དེ་ཡི་ནང་དག་ཏུ། །ཀླུ་ཆེན་ཁ་དོག་སྣ་
D746.095.0198a03.01ཚོགས་པ། །མཐའ་ཡས་ནོར་རྒྱས་པདྨ་དང་། །དེ་བཞིན་ནོར་བུ་ལ་སོགས་ཀླུ། །ཀ་ལྤ་ལ་དང་རབ་མགྱོགས་གཉིས། །དེ་བཞིན་གཞན་ཡང་ཀླུ་རྣམས་ཀྱི། །མ་དང་རྒྱལ་ཚབ་འཇོག་པོ་ཡང་། །དཀྱིལ་འཁོར་ནང་དུ་གཞག་པར་བྱ། །ཤར་སྒོར་འོད་མའི་རྩེ་མོ་
D746.095.0198a04.01གཞག །དགའ་སྐྱེད་པ་ནི་ལྷོ་ཕྱོགས་སུ། །ནུབ་ཕྱོགས་སུ་ནི་ལེགས་མཐོང་གཞག །བྱང་ཕྱོགས་སུ་ནི་སྟོབས་ཀྱིས་རྒྱུ། །དེ་ནས་རླུང་ལྷའི་ཕྱོགས་དག་ཏུ། །འབྱུང་པོའི་ཚོགས་ནི་བདུན་རྣམས་དགོད། །དེ་ནི་ཉི་ཤུ་ལྔ་པ་ཡི། །དཀྱིལ་འཁོར་དུ་ཡང་གྲགས་པ་ཡིན། །
D746.095.0198a05.01དཀྱིལ་འཁོར་ཉི་ཤུ་རྩ་ལྔ་པ། །འདི་དག་ཀྱང་ནི་མཁས་པ་ཡིས། །ཅི་རིགས་པར་ནི་བྲི་བྱ་ཞིང་། །རྫོགས་བྱེད་རྣམས་ཀྱང་ལེགས་པར་བྲི། །ཆུ་ལྷའི་ཕྱོགས་སུ་ནི་མ་བྲི། །ཤར་ཕྱོགས་སུ་ནི་ཟླ་བ་གཞག། །ཀུ་རུ་ན་ནི་གླིང་བཞིར་ནི། །ཕྱོགས་མཚམས་དག་ཏུ་གཞག་པར་བྱ། །
D746.095.0198a06.01ལྷག་མ་དག་ནི་བྱང་ཕྱོགས་སུ། །ངེས་པར་ཡང་ནི་དགོད་པར་བསྟན། །འདི་དག་རྣམས་ནི་མདོར་བསྡུ་ན། །ཁོར་ཡུག་གི་ནི་ཁོང་ནས་དབྱུང་། །དེ་ནས་རྡོ་རྗེ་ཤུགས་ཀྱིས་ནི། །དེར་ནི་སྟོབས་ཆེན་འགྲོ་བར་བྱ། །བང་རིམ་ལ་ནི་སོང་ནས་ཀྱང་། །དང་པོ་ལེགས་པར་དགོད་པར་བྱ། །
D746.095.0198a07.01