完整藏文原文 · 德格版页 当前仅加载第 95 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་བཤོས་ཀྱང་རྒྱས་པར་དབུལ་ལོ། །དེ་ནས་རིག་སྔགས་འཆང་གིས་ཙནྡན་དཀར་པོས་མེ་སྦར་ལ། ཨ་ག་རུའི་ཡམ་སྲེག་ཤིང་བརྒྱད་སྟོང་གིས་སྦྱིན་སྲེག་བྱས་ན་དངོས་གྲུབ་ཀྱི་མཆོག་མཚན་མར་མེ་ཏོག་གི་ཕྲེང་བ་འགུལ་བར་འགྱུར་རོ། །གྲུབ་ནས་ཀྱང་ཚིག་གྲུབ་
D746.095.0147a01.01པ་དང་། རིག་སྔགས་ཐམས་ཅད་ཀྱང་འགྲུབ་པར་འགྱུར་ཏེ། ལས་རྣམ་པ་སྣ་ཚོགས་སྟོང་ཡང་བྱེད་ནུས་པར་འགྱུར་རོ། །འཇིག་རྟེན་གྱི་མ་རྣམས་དབབ་ན་ཡང་ལན་བདུན་བཟླས་བརྗོད་བྱས་པའི་བྱེའུ་རུག་པའི་ལོ་མའམ་ཐལ་བས་བྱའོ། །བསྲུང་བ་ནི་ལན་གསུམ་དུ་བཟླས་བརྗོད་བྱས་པའི་
D746.095.0147a02.01སྐུད་པས་བྱའོ། །མཚམས་བཅད་པ་ནི་ཆུའམ་ཡིད་ཀྱིས་བྱའོ། །སྦྲུལ་གསོད་ན་ལན་ཚྭ་དང་སྐེ་ཚེས་སྦྱིན་སྲེག་བྱའོ། །ཕྱིར་གསོ་བ་ནི་ཡིད་ཀྱིས་བྱའོ། །དུག་ལས་གསོ་བ་ནི་ཡལ་གས་བྱའོ། །མོ་མཚན་འཛག་པར་བྱ་ན་སྲེད་མེད་ཀྱི་བུའི་ཆུང་མ་ལ་ཕུལ་བའི་རས་བལ་གྱི་འདབ་མ་རྒྱ་
D746.095.0147a03.01སྐྱེགས་ཀྱི་ཁུ་བས་ཁ་དོག་བསྒྱུར་བ་ལས་གཟུགས་བྱ་སྟེ། མིའི་རུས་པའི་ཕུར་བུ་ལ་ལན་སྟོང་རྩ་བརྒྱད་བཟླས་བརྗོད་བྱས་པས་མོ་མཚན་དུ་བཙུགས་ན་ཁྲག་འཛག་པར་འགྱུར་ཏེ། ཕྱུང་ན་གཏོང་བར་འགྱུར་རོ། །གྲོང་ཁྱེར་བཤིག་པར་བྱ་ན་བེ་ཀངྐ་ཏའི་ཕུར་བུ་མིའི་མཁྲིས་པས་བགོས་ཏེ་དུག་དང་
D746.095.0147a04.01ཁྲག་གི་ནང་དུ་སྨྱུགས་པ་ལ་ལན་བརྒྱད་སྟོང་བཟླས་བརྗོད་བྱས་ཏེ། སྒོའི་ཐེམ་པ་ལ་བཙུགས་ན་ཞག་གསུམ་གྱི་གྲོང་ཁྱེར་བ་རྣམས་འབྲོས་པར་འགྱུར་རོ། །ཕུར་བུ་ཕྱུང་སྟེ་མར་དང་སྦྲང་རྩི་བསྐུས་ན་དེས་ཞི་བར་འགྱུར་རོ། །ཕྱིར་ཡང་སྔ་མ་ཁོ་ན་བཞིན་དུ་གནས་པར་འགྱུར་རོ། །ཆང་མ་
D746.095.0147a05.01རུང་བར་བྱ་འདོད་ན་ཀ་ལ་ཧ་ཀ་རི་ཀ་བླངས་ལ་ལན་བདུན་བཟླས་བརྗོད་བྱས་ཏེ་ཁྱིམ་དུ་བཙུགས་ན་ཆང་མ་རུང་བར་འགྱུར་རོ། །དེ་ནས་ལྡོང་རོས་བསྒྲུབ་པར་འདོད་ན་རྒྱུ་སྐར་རྒྱལ་ལ་བབ་པའི་ཚེ་ལྡོང་རོས་ཚོང་པའི་ཁ་ཐབས་བཞིན་དུ་ཉོས་ལ་ཕག་གི་མཁྲིས་པས་བགོས་ཏེ་ཕྱུང་ནས་ལག་ན་རྡོ་རྗེའི་
D746.095.0147a06.01ཞབས་ཀྱི་དྲུང་དུ་བཞག་ལ། དེ་ནས་ཟས་སུ་འོ་མ་དང་ཕྱེའི་ལྡེ་གུ་ཟ་ཞིང་ཞག་བཅུ་བདུན་གྱི་བར་དུ་དུས་གསུམ་དུ་སྟོང་རྩ་བརྒྱད་བཟླས་བརྗོད་བྱས་ནས་མར་གྱི་ངོ་ཞག་བརྒྱད་ལ་ཁ་ཟས་མི་བཟའ་བར་ལྡོང་རོས་ལག་པ་གཡོན་པས་བཟུང་སྟེ། ལན་བརྒྱད་སྟོང་བཟླས་བརྗོད་བྱས་ན་འགྲུབ་པར་
D746.095.0147a07.01