完整藏文原文 · 德格版页 当前仅加载第 95 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོར་ཏོ་ལ་གཞར་བ་ནི་གནོད་སྦྱིན་མོ་ཐམས་ཅད་ཀྱི་སྙིང་པོའི་ཕྱག་རྒྱའོ། །དེ་ལྟར་དེ་ལྟ་བུའི་ཚུལ་གྱིས་ཕྱག་རྒྱ་གྲངས་མེད་པ་འབྱུང་ངོ་། །ཕྱག་འཚལ་བའི་ཐལ་མོ་ལས་སྲིན་ལག་གཉིས་བསྣོལ་བ་མཐེ་བོང་དྲུང་དུ་བཞག་ལ་བར་དུ་མཐེ་བོང་གཉིས་བཞག་སྟེ་མཛུབ་མོ་གཉིས་ཀྱི་དབུས་བཀུག་ནས་གུང་མོ་གཤིབས་
D746.095.0180b01.01པའི་སྟེང་དུ་བཞག་ལ་མཐེའུ་ཆུང་གཉིས་གཤིབས་པའི་འོད་ཟེར་ཕྲེང་བའི་རྩ་བའི་ཕྱག་རྒྱའོ། །མཛུབ་མོ་གཉིས་ཀྱི་ཚིགས་དབུས་མ་བཀུག་པ་ནི་སྤྱན་དྲང་བའི་ཕྱག་རྒྱའོ། །བརྐྱང་བ་ནི་སླར་བཏང་བའི་ཕྱག་རྒྱའོ། །རྩ་བའི་ཕྱག་རྒྱ་ལས་མཛུབ་མོ་གཉིས་ཀྱི་ཚིགས་གཅིག་བཀུག་ལ་
D746.095.0180b02.01མཐེ་བོའི་ངོས་ལ་གཞར་བ་ནི་རིག་པ་མཆོག་གི་ཕྱག་རྒྱ་ཐ་དད་པ་ཡིན་ནོ། །མཐེ་བོང་གཉིས་བཀུག་པ་ནི་གནོད་མཛེས་ཀྱི་ཕྱག་རྒྱའོ། །སྟེང་ནས་གདུ་བུ་ལྟར་བྱས་པ་ནི་རྡོ་རྗེ་ལྕགས་ཀྱུ་མའི་ཕྱག་རྒྱའོ། །ཕྱི་རོལ་ནས་དཀྲི་བ་ནི་གདོན་བཅིང་བ་ཡིན་ནོ། །རྩ་བའི་ཕྱག་རྒྱ་ལས་
D746.095.0180b03.01མཛུབ་མོ་རྡོ་རྗེའི་ཚུལ་དུ་བཟུང་བ་ནི་འོད་ཟེར་ཕྲེང་གི་ཕྱག་རྒྱ་གཉིས་པ་ཡིན་ནོ། །དེ་ཉིད་ལས་མཛུབ་མོ་གཉིས་དྲུང་ནས་བཀུག་སྟེ། །གདུ་བུ་ལྟར་བསྣོལ་བ་འདི་ནི་འོད་ཟེར་ཕྲེང་གི་ཕྱག་རྒྱ་ཐ་དད་པ་ཡིན་ནོ། །དེ་ཉིད་ལས་མཐེ་བོང་གཉིས་བཀུག་པ་ནི་དབང་བསྐུར་བའི་ཕྱག་རྒྱའོ། །
D746.095.0180b04.01དེ་ཉིད་ལས་མཐེ་བོང་རྩེ་གཅིག་པའི་ཚུལ་དུ་བཞག་པ་ནི་གདོན་བསྐྲད་པར་བྱ་བ་ཡིན་ནོ། །དེ་ཉིད་ལེགས་པར་བསྟབས་པ་ནི་དཔལ་མོའི་བློ་གྲོས་མའི་ཕྱག་རྒྱའོ། །རྩ་བའི་ཕྱག་རྒྱ་ལས་མཛུབ་མོ་གཉིས་དབུས་བཀུག་སྟེ་མཐེ་བོང་གཉིས་ཀྱི་སྟེང་དུ་རལ་གྲི་ལྟར་བྱས་པ་ནི་ཁྲོ་བོ་ཀཱི་ལི་ཀཱི་ལིའི་
D746.095.0180b05.01ཕྱག་རྒྱའོ། །མཱ་མ་ཀཱིའི་ཕྱག་རྒྱ་གཤིབས་པའི་ཚུལ་དེ་ཉིད་ལས་ཕྱེ་བ་ནི་རྡོ་རྗེ་ཁྲོ་བོ་སུ་རུ་སུ་རུའི་ཕྱག་རྒྱའོ། །མཛུབ་མོ་གཉིས་རལ་གྲི་ལྟར་བྱས་ཏེ་སྲིན་ལག་གཉིས་ཡིད་ཙམ་གྱིས་བསྟོད་པ་ནི་ཉི་མའི་ཕྱག་རྒྱའོ། །རྩ་བའི་ཕྱག་རྒྱ་དེ་ཉིད་ལས་གུང་མོ་གཤིབས་པའི་ཚིགས་བཀུག་
D746.095.0180b06.01པ་ནི་འཕགས་པ་མཱ་མ་ཀཱིའི་སྙིང་པོའི་ཕྱག་རྒྱའོ། །རྩ་བའི་ཕྱག་རྒྱ་དེ་ཉིད་ལས་མཛུབ་མོ་གཉིས་ཚིགས་དང་པོར་བཞག་ལ་སྲིན་ལག་གཉིས་ཀྱི་རྩེ་མོར་མཐེ་བོང་གཉིས་ཀྱི་ཐོར་ཏོ་ལ་སོ་སོར་བཞག་པ་ནི་དཔལ་གྱི་རྒྱུད་ཀྱི་དབང་བསྐུར་བའི་ཕྱག་རྒྱའོ། །དེ་ཉིད་ལས་མཐེ་བོང་གཉིས་ཀྱི་དྲུང་
D746.095.0180b07.01