完整藏文原文 · 德格版页 当前仅加载第 95 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
དགྲ་དབང་དུ་བྱ་ན་གི་ཝང་ངམ། ལྡོང་རོས་ལ་ལན་བརྒྱ་སྟོང་བསྔགས་ཏེ་བདག་ཉིད་ཀྱི་ལུས་བསྐུས་ན་དགྲའི་ནང་དུ་འཇིགས་པར་མི་འགྱུར་རོ། །ལིག་བུ་མིག་བླངས་ཏེ་ཨ་ཤྭཏྠའི་ལོ་མའི་སྟེང་དུ་བཞག་ལ་སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ལན་བརྒྱ་སྟོང་བཟླས་བརྗོད་བྱས་པས་མིག་
D746.095.0107b01.01ལ་བསྐུས་ན་སྐྱེ་བོ་ཐམས་ཅད་ཀྱི་སྙིང་དུ་སྡུག་པར་འགྱུར་རོ། །གི་ཝང་ཡང་ཆོ་ག་དེ་དང་འདྲའོ། །སྐྱེས་པ་དབང་དུ་བྱ་ན་ཨ་མྲའི་ཤིང་གི་མེ་སྦར་ལ། ནས་དང་གྲོ་དང་ནཱ་ག་གེ་སར་ལ་སོགས་པས་ལན་བརྒྱད་སྟོང་སྦྱིན་སྲེག་བྱས་ན་དབང་དུ་འགྱུར་རོ། །གྲུབ་པར་མ་གྱུར་ན་ལས་འདི་
D746.095.0107b02.01དག་བྱས་ཏེ་བིལ་བའི་ཤིང་གིས་མེ་སྦར་ཏེ་ཏིལ་ནག་པོ་བརྒྱད་སྟོང་སྦྱིན་སྲེག་བྱས་ན་འགྲུབ་པར་འགྱུར་རོ། །ཕྱིན་ཅད་དབང་དུ་བྱ་བ་དང་། བསྐྲད་པ་དང་། དབྱེ་བ་དང་། གཞིག་པ་དང་། བསད་པ་དང་། སྒོ་གླེགས་བཅག་པ་དང་འཁྲུལ་འཁོར་སྒོ་གཏན་དང་གཤེག་པ་དང་གཞོམ་པ་
D746.095.0107b03.01ལ་སོགས་པ་བྱེད་ནུས་པར་འགྱུར་རོ། །མིའི་གཙོ་བོ་དབང་དུ་བྱ་ན་དུར་ཁྲོད་ཀྱི་ཤིང་གིས་མེ་སྦར་ལ། སྐེ་ཚེ་ཡུངས་མར་དང་སྦྱར་བས་ལན་བརྒྱ་སྟོང་སྦྱིན་སྲེག་བྱས་ན་དབང་དུ་འགྱུར་རོ། །མེ་ཏོག་ལ་ལན་བདུན་བསྔགས་ན་གང་ལ་བྱིན་པ་དེ་དབང་དུ་འགྱུར་རོ། །སྤོས་སམ་ཤིང་ཐོག་
D746.095.0107b04.01གམ་སོ་རྩི་རྣམས་ཀྱང་ཆོ་ག་དེ་བཞིན་དུ་བྱའོ། །མིག་སྨན་ལ་བསྔགས་ཏེ་མིག་གཉིས་ལ་བསྐུས་ན་གང་ལ་བལྟས་པ་དེ་དབང་དུ་འགྱུར་རོ། །བསྐྲད་པར་བྱས་ན་ཨརྐའི་ཤིང་གི་མེ་སྦར་ལ་ལུང་ཏང་གི་མེ་ཏོག་གིས་ལན་བརྒྱ་སྟོང་སྦྱིན་སྲེག་བྱས་ན་ཞག་བདུན་གྱིས་འབྲོས་པར་འགྱུར་
D746.095.0107b05.01རོ། །དབྱེ་བར་བྱ་ན་ཆོ་ག་དེ་དང་འདྲ་བར་བྱ་སྟེ་ཕུབ་མའི་སྦྱིན་སྲེག་བྱས་ན་འབྱེ་བར་འགྱུར་རོ། །གཞིག་པར་བྱ་ན་དུར་ཁྲོད་ནས་མེ་བླངས་པའི་ནང་དུ་དུར་ཁྲོད་ཀྱི་ཐལ་བས་སྦྱིན་སྲེག་བྱས་ན་འཇིག་པར་འགྱུར་རོ། །གསད་པར་བྱ་ན་སྐེ་ཚེའི་ཡུངས་མར་དང་སྦྱར་བའི་སྦྱིན་སྲེག་བྱས་ན་དེ་མ་
D746.095.0107b06.01ཐག་ཏུ་འཇིག་པར་འགྱུར་རོ། །བསྐམ་པར་བྱ་ན་གོས་གཤེར་བ་བགོས་ལ་ཁྲོས་བཞིན་དུ་ཉི་མ་ལ་ཕྱོགས་ཏེ་བཟླས་བརྗོད་བྱས་ན་ཇི་ཙམ་དུ་གོས་བསྐམས་པར་འགྱུར་བ་དེ་ཙམ་དུ་དགྲའི་སྲོག་སྐམ་པར་འགྱུར་རོ། །ཁྲོས་བཞིན་དུ་མཚན་གཅིག་འདུག་པའི་སྟེང་དུ་ལག་པས་མནན་ཏེ་བཟླས་
D746.095.0107b07.01