完整藏文原文 · 德格版页 当前仅加载第 95 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
ཧུ་རུ་ཧུ་རུ་པ་ཧུ་མེ། ཨུཏྟིཥྛ། ཨི་མེ་སྭཱ་ཧཱ། ཕྱིར་བསླང་བ་ནི་ཆུས་བྱའོ། །ལྷ་རྣམས་གདོན་རྣམས་ཀྱི་མཚན་མ་དང་། གསོ་བའི་ཐབས་ངས་བཤད་ཟིན་ཏོ། །རིག་པ་མཆོག་གི་ཆོ་ག་རྒྱས་པ་མ་ལུས་པའི་དབང་དུ་བྱས་ཏེ། ལས་བྱེད་པ་གང་ཡིན་པའམ་ཡང་ན་བཅོམ་
D746.095.0142b01.01ལྡན་འདས་རིག་སྔགས་ཀྱི་རྒྱལ་པོ་སྤྱན་དང་བཅས་པར་འཆང་བ་གང་ཡིན་པ་དེས་ཀྱང་གདོན་རྣམས་མ་རུང་བར་བྱ་བ་དང་བསད་པར་ནུས་སོ། །གང་ཞིག་བཟོད་ལྡན་ཁྲོ་ཐུལ་བ། །ཚངས་པར་སྤྱོད་ཅིང་དབང་པོ་ཐུལ། །གཙང་ཞིང་སྤྱོད་པ་གཙང་བ་དང་། །བྱང་ཆུབ་ཏུ་ནི་ངེས་
D746.095.0142b02.01བྱས་དང་། །རིག་པ་མཆོག་གི་དེ་ཉིད་རྟོགས། །ཆོ་གའི་ལྷ་རྣམས་མཆོད་བྱེད་པ། །དེ་འདྲར་སྤྱོད་པ་མཁས་པ་ཡིས། །གསང་བ་པ་རྣམས་གཞིག་པར་བྱ། །གདོན་ཐམས་ཅད་ཀྱི་ངོ་ལོན་རྫོགས་སོ།། །།དེ་ནས་སའི་ལྷ་མོས་ལག་ན་རྡོ་རྗེའི་ཞབས་གཉིས་
D746.095.0142b03.01ལ་གཏུགས་ནས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་ཆོ་ག་རྒྱས་པ་ལེགས་པར་གསུངས་སོ། །བདག་གིས་ཀྱང་རིག་སྔགས་འཆང་རྣམས་ཀྱི་དོན་གྱི་ཕྱིར་བཅོམ་ལྡན་འདས་རིག་སྔགས་འཆང་གིས་རིག་སྔགས་ནི་ཇི་ལྟར་བསྒྲུབ་པར་བགྱི། ཇི་ལྟར་ནི་
D746.095.0142b04.01འཇུག་པར་བགྱི། ནོར་བསྒྲུབ་པའི་ལས་ཀྱི་དུས་ནི་གང་། དྲག་ཤུལ་བྱ་བའམ། ཞི་བའམ། རྒྱས་པའི་ལས་ཀྱི་དུས་ནི་གང་། རིག་སྔགས་ནི་གང་དུ་བསྒྲུབ་པར་བགྱི། དེ་ནས་བཅོམ་ལྡན་འདས་ལག་ན་རྡོ་རྗེས་སའི་ལྷ་མོ་ལ་འདི་སྐད་ཅེས་སྨྲས་སོ། །སའི་ལྷ་མོ་ཁྱོད་
D746.095.0142b05.01སེམས་ཅན་ཐམས་ཅད་ལ་ཕན་པའི་ཕྱིར་ཞུགས་ཏེ། ང་ལ་དྲིས་པ་གང་ཡིན་པ་དེ་ལེགས་སོ་ལེགས་སོ། །སེམས་ཅན་རྣམས་ཀྱི་དོན་གྱི་ཕྱིར་ལྷ་མོ་ཁྱོད་ལ་བཤད་པར་བྱ་སྟེ། རིག་སྔགས་འཆང་རིག་སྔགས་བསྒྲུབ་པ་ཟླ་བ་ཕྱེད་དམ། ཞག་ཉི་ཤུའི་བར་དུ་རིག་སྔགས་བསྟེན་
D746.095.0142b06.01པར་བྱ་སྟེ། དེ་ཡང་དོར་བར་བྱའོ། །གསུམ་པ་ནི་རོ་སྨད་དཀྲིས་ནས་ལྷའི་ཐད་དུ་འགྲོ་བར་བྱའོ། །རིག་སྔགས་འཆང་རིག་སྔགས་གང་དེ་ཉིད་ཀྱིས་ཆུ་ལ་སྔགས་ཏེ་ཁྲུས་བྱ་ཞིང་། ཁྲུས་བྱེད་པའི་ཚེ་སུ་ལ་ཡང་སྨྲ་བར་མི་བྱ་སྟེ། རིག་སྔགས་ལ་ཕྱག་བྱས་ནས་ཁྲུས་བྱའོ། །
D746.095.0142b07.01