完整藏文原文 · 德格版页 当前仅加载第 95 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་དེ་ཡི་གྲོགས། །ལག་ན་རྡོ་རྗེའི་གྲོགས་མཆོག་ཡིན། །གདོན་དང་གདོན་འགྲོལ་ལ་སོགས་པ། །ལས་རྣམས་ཀུན་ལ་མཆོད་པ་ཡིན། །སྒྲུབ་པའི་ཐབས་དང་ཆོ་ག་ནི་གསེར་དང་དངུལ་དང་། ཟངས་སྣ་གསུམ་ལས་མདུང་རྩེ་གསུམ་པ་བྱས་ལ། དེའི་དབུས་སུ་རྡོ་རྗེའི་
D746.095.0224a01.01དབྱིབས་བྱས་ནས། སྐུ་གདུང་དང་ལྡན་པའི་མཆོད་རྟེན་གྱི་དྲུང་ངམ། ཁང་པའི་ནང་དུ་རི་མོའི་གཟུགས་ནུབ་ཕྱོགས་སུ་ཁ་བསྟན་པའི་མདུན་དུ། བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་སྐྱོང་ནུལ་དུ་བྱུགས་ཏེ། དེའི་སྟེང་དུ་སྤོས་ཀྱི་སྐྱོང་ནུལ་བྱས་ནས་དེའི་དངོས་སུ་
D746.095.0224a02.01ཡུངས་ཀར་ལས་མདུང་རྩེ་གསུམ་བྱས་ལ། དེའི་སྟེང་དུ་བཞག་སྟེ། དུས་གསུམ་དུ་ཁྲུས་བྱེད་ཅིང་དུས་གསུམ་དུ་མཆོད་པ་རྒྱས་པ་བྱས་ནས་ལན་བརྒྱད་བརྒྱ་བཟླས་བརྗོད་བྱས་ལ། དེ་ཉིད་དུ་རྩྭ་དཱུར་བའི་སྟན་གྱི་སྟེང་དུ་ཉལ་བར་བྱའོ། །ཡར་གྱི་ངོ་ཚེས་བརྒྱད་དམ་བཅུ་
D746.095.0224a03.01བཞི་ལ། ཞག་གཅིག་གསོ་སྦྱོང་གི་ཡན་ལག་བརྒྱད་དང་ལྡན་པས་རང་བཞིན་གྱི་ཚུལ་གྱིས་མ་འོངས་པའི་བར་དུ་བཟླས་བརྗོད་བྱས་ན། ལས་ཐམས་ཅད་བྱེད་པར་འགྱུར་ཏེ། ཡིད་ལྡན་མ་ཀ་ཏ་ཡ་ན་ཞེས་བྱ་བའི་ལས་རྣམས་ཀྱང་གྲུབ་པར་འགྱུར་རོ། །རྫ་མཁན་གྱི་
D746.095.0224a04.01འཇིམ་པའི་བུར་མས་གཟུགས་བྱས་ཏེ། སྣོད་དུ་བཅུག་ལ་བེ་ཀངྐ་ཏའི་ཡམ་སྲེག་ཤིང་བརྒྱད་སྟོང་གིས་རྒྱུན་མ་ཆད་པར་སྦྱིན་སྲེག་བྱས་ནས། དེའི་འོག་ཏུ་ཡུངས་ཀར་མར་དང་སྦྲང་རྩི་དང་སྦྱར་བས་རྒྱུན་མ་ཆད་པར་སྦྱིན་སྲེག་བྱས་ན། གང་གི་མིང་ནས་སྨོས་ཏེ་སྦྱིན་
D746.095.0224a05.01སྲེག་བྱས་པ་དེ་དབང་དུ་འགྱུར་ཏེ་ཕྲད་པར་ཡང་བྱའོ། །བྱ་བ་ཟིན་ནས་གཟུགས་བརྙན་ཡང་ཕྱི་རོལ་དུ་དོར་བར་བྱའོ། །ཁ་ཟས་འདོད་པས་མེ་ཏོག་བརྒྱད་བརྒྱ་ལ་བཟླས་བརྗོད་བྱས་ཏེ་ལྷ་ཆེན་པོའི་སྟེང་དུ་ཕུལ་ན་ཁ་ཟས་ཇི་ལྟ་བུ་འདོད་པ་ཐོབ་པར་འགྱུར་རོ། །རྡུལ་ལ་བསྔགས་
D746.095.0224a06.01ཏེ་སྒོའི་ཐེམ་པ་ལ་བསྣུན་ན་གྲོང་ཁྱེར་འགྲུབ་པར་འགྱུར་རོ། །འཐབ་པ་དང་འཁྲུག་པ་དང་། རྩོད་པ་ཐམས་ཅད་ལ་ཤགས་ལན་ཐེབས་པར་འགྱུར་རོ། །ནང་པར་ལངས་ཏེ། ཆུའི་ནང་དུ་ལྟེ་བ་ཙམ་ཞུགས་ལ་ལན་བརྒྱད་སྟོང་བཟླས་བརྗོད་བྱས་ཏེ་མིའི་གཙོ་བོའམ་མི་ཆེན་
D746.095.0224a07.01