完整藏文原文 · 德格版页 当前仅加载第 95 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ། །ཤགས་ལན་ཡང་ནི་ཐེབས་པར་འགྱུར། །བུད་མེད་ཡང་ནི་སྐྱེས་པ་གང་། །དབང་དུ་བྱ་བར་འདོད་ན་ནི། །རིག་སྔགས་བློན་མོ་གཏུམ་མོ་ནི། །ཞག་གཅིག་སྨྱུང་བྱས་བཟླས་བརྗོད་བྱ། །བེ་ཀངྐ་ཏའི་ཡམ་སྲེག་ཤིང་། །བཟང་པོ་སྟོང་ཕྲག་བརྒྱ་རྣམས་ཀྱང་། །ཞག་བདུན་བར་དུ་དུས་
D746.095.0223b01.01གསུམ་དུ། །རྒྱུན་མི་འཆད་པར་སྦྱིན་སྲེག་བྱ། །དབང་དུ་བྱ་འདོད་གང་ཡིན་པ། །དེ་དག་དང་ཡང་ཕྲད་པར་བྱ། །ལན་ཅིག་ཞག་ནི་བདུན་གསུམ་བྱ། །སྐལ་ཆུང་ལ་ཡང་འགྲུབ་འགྱུར་ཏེ། །གནོད་སྦྱིན་མི་འམ་ཅི་མོའམ། །དྲི་ཟ་མོ་ཡང་དབང་འགྱུར་ན། །གཞན་དག་ལྟ་ཅི་ཞིག་སྨོས་ཏེ། །
D746.095.0223b02.01དེ་ཡི་ཆོ་ག་བཤད་པར་བྱ། །ཆོ་ག་སྔ་མ་དེ་ཉིད་ཀྱིས། །མིང་བཅས་མེ་ཏོག་སྦྱིན་སྲེག་བྱ། །དེ་བཞིན་བེ་ཀངྐ་ཏའི་ཤིང་། །བརྒྱ་སྟོང་ཡང་ནི་སྦྱིན་སྲེག་བྱས། །ཅི་སྟེ་གཞལ་མེད་ཁང་མཆོག་གམ། །ཅི་སྟེ་རི་བོ་མན་དཱ་རའི། །སྟེང་ན་རིག་སྔགས་རིག་སྔགས་རྒྱལ། །བྱས་
D746.095.0223b03.01ནས་ངེས་པར་དབང་དུ་འགྱུར། །ཨརྒ་ཡི་ནི་ཡམ་སྲེག་ཤིང་། །གཞིག་པར་བྱ་བའི་དམ་པ་ཡིན། །སྣུ་ཧ་དང་ནི་དྲི་ལྡན་ཀུན། །ཡམ་སྲེག་ཤིང་རྣམས་སྔར་བཤད་པར། །གཟུགས་ཀྱི་དྲུང་དུ་འདུག་ནས་ནི། །དེ་བཞིན་རྒྱུན་དུ་སྦྱིན་སྲེག་བྱ། །གིའུ་ཝང་གིས་
D746.095.0223b04.01ནི་ལུས་བྱུགས་ན། །ལྷ་རྣམས་ཀྱང་ནི་དབང་དུ་འགྱུར། །དེ་བཞིན་གཟུགས་ཀྱི་དྲུང་འདུག་ཅིང་། །སྦྱིན་སྲེག་རྒྱུན་དུ་བྱས་ན་ནི། །ལིག་བུ་མིག་ནི་དམ་པ་ཡིས། །མིག་ཏུ་བསྐུས་ན་དགའ་བར་འགྱུར། །གྱད་རྣམས་བརྡབ་པའི་མཆོག་ཡིན་ཏེ། །བཟླས་བརྗོད་
D746.095.0223b05.01བྱས་ནས་བརྒལ་ན་ནི། །གནམ་ལྕགས་བྲག་ལ་བབ་པ་བཞིན། །དེས་ནི་གྱད་ཟླ་བཅོམ་པར་འགྱུར། །གཟུགས་བརྙན་རེད་པར་གདགས་པའམ། །སྐུད་པ་སྔོན་པོ་བཟླས་བརྗོད་བྱས། །དེ་བཞིན་ཚོན་སྐུད་བཏགས་ན་ནི། །དེ་ཡང་རྒྱལ་བྱེད་སྲུང་བྱེད་མཆོག །ལས་རྣམས་རྣམ་
D746.095.0223b06.01པ་སྣ་ཚོགས་པ། །ཅི་ཡང་རུང་བ་གང་དག་དང་། །དེ་དག་ཀུན་ནི་ཐམས་ཅད་ལ། །རྣམ་པ་ཐམས་ཅད་བྱེད་པར་འགྱུར། །གཏུམ་པོ་གཞལ་མེད་ཁང་གནས་པ། །འདི་ནི་ཐམས་ཅད་འཆིང་བྱེད་དང་། །བཅིངས་པ་ཐམས་ཅད་གྲོལ་བྱེད་ཅིང་། །ལས་ཀུན་བྱེད་དེ་འགྲུབ་པ་ཡིན། །གསང་སྔགས་
D746.095.0223b07.01