完整藏文原文 · 德格版页 当前仅加载第 95 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཡུངས་ཀར་གྱིས་མཚམས་བཅད་དོ། །རྐང་རྗེས་ཀྱི་སའམ་ཐལ་བ་ལ་ལན་གསུམ་བཟླས་བརྗོད་བགྱིས་ཏེ་བསྲུང་བ་བགྱིའོ། །སྒྲུབ་པའི་དུས་ན་འཇིམ་པ་ལས་རྡོ་རྗེ་སྡེའི་གཟུགས་བགྱིས་ཏེ། སྦོས་དང་མེ་ཏོག་དང་བདུག་པས་མཆོད་ལ་རིག་པ་ལན་བརྒྱ་སྟོང་བཟླས་
D746.095.0041b01.01བརྗོད་བགྱིས་ན་བསྒྲུབ་པའི་ཚེ་བྱིན་གྱིས་རློབ་པར་བགྱིད་ཅིང་དངོས་གྲུབ་ཏུ་འགྱུར་རོ། །ལྷ་རྣམས་དབབ་ན་གུ་གུལ་གྱི་བདུག་པས་བགྱིའོ། །ཀླུ་དཀྲུགས་པར་བགྱི་ན་རྡོ་རྗེའི་ཕྱག་རྒྱ་བགྱིས་ལ་ལག་ན་རྡོ་རྗེའི་མདུན་དུ་བཟླས་བརྗོད་ལན་བརྒྱད་བརྒྱ་བགྱིས་ཏེ། གང་ན་ཀླུ་གནས་
D746.095.0041b02.01པའི་མཚོ་དེར་བོར་ན་ཀླུ་ཐམས་ཅད་སྐྲག་པར་འགྱུར་རོ། །དྲི་ཟ་རྣམས་གཡོས་པར་བགྱི་ན་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ། ལག་ན་རྡོ་རྗེའི་མདུན་དུ་དུར་ཁྲོད་ཀྱི་སོལ་བས་དྲི་ཟའི་གཟུགས་བྲིས་ལ་དེའི་ལྟོ་བར་སྲིན་ལག་བཞག་སྟེ། རིག་པ་ལན་
D746.095.0041b03.01བརྒྱ་སྟོང་བརྗོད་ན་སྙིང་པོ་བརྗོད་པས་མཆི་བར་འགྱུར་རོ། །མཆིས་ནས་བར་སྣང་ལས་སྨན་འདོར་ཏེ། དེ་འཚལ་ན་ཐོས་པ་འཛིན་པར་འགྱུར། དྲི་ཟ་ཐམས་ཅད་ཀྱང་བསྲུང་བར་འགྱུར་རོ། །གནོད་སྦྱིན་རྣམས་བརླག་པར་བགྱི་ན་ཕྱོགས་གང་ན་གནོད་སྦྱིན་ནམ། གནོད་
D746.095.0041b04.01སྦྱིན་མོ་གནས་པའི་ཕྱོགས་དེར་མཆིས་ལ་ལྕགས་ཕུར་སོར་བཞི་པ་བླངས་ཏེ། ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་བཙུགས་ན་གནོད་སྦྱིན་འབྲོས་པར་འགྱུར་རོ། །ཅི་སྟེ་བསྒྲུབ་པར་འཚལ་ན་རི་མོ་མཁན་གསོ་སྦྱོང་བཟུང་བས་མ་གོད་པའི་རས་ལ་སངས་རྒྱས་ཀྱི་
D746.095.0041b05.01གཟུགས་གསེར་གྱི་མདོག་ཅན་བྲི་བར་བགྱིའོ། །དེའི་གཡོན་རོལ་ཏུ་ལག་ན་རྡོ་རྗེ་མདོག་སྔོ་བསངས་རྒྱན་ཐམས་ཅད་ཀྱིས་བརྒྱན་པ་བྲིའོ། །དེ་བཞིན་གཤེགས་པའི་གཡས་རོལ་དུ་རྡོ་རྗེ་སྡེ་གཞོན་ནུའི་གཟུགས་འཛིན་པ་གསེར་གྱི་མདོག་ཅན་ལག་པ་གཡོན་པ་ན་པདྨ་
D746.095.0041b06.01གཡས་པས་དམ་པ་སྦྱིན་པར་བྲིའོ། །དེའི་འོག་རོལ་ཏུ་སྒྲུབ་པ་པོ་ལག་ན་པོག་ཕོར་ཐོགས་པ་བྲིའོ། །དེ་ནས་རིག་སྔགས་འཆང་གིས་ཟླ་བ་ཕྱེད་ཟས་སུ་འོ་སྐྱོ་འཐུང་ཞིང་རིག་པ་བཟླས་བརྗོད་བགྱིའོ། །དེ་ནས་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ། །རྒྱ་
D746.095.0041b07.01