完整藏文原文 · 德格版页 当前仅加载第 95 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །དམངས་རིགས་ནི་ཞག་གཅིག་གིས་དབང་དུ་འགྱུར་རོ། །ལས་བྱེད་པའི་ཚེ་ཅི་སྟེ་ལ་ལ་ཞིག་འོངས་ཏེ་ནོར་གྱིས་འདྲིད་པར་བྱེད་ན་ཡང་ལས་ཡོངས་སུ་མ་རྫོགས་ཀྱི་བར་དུ་ནོར་དེ་བླང་བར་མི་བྱའོ། །གཡོག་བྱེད་པ་མ་གཏོགས་པར་གཞན་དང་ལྷན་ཅིག་ཏུ་
D746.095.0117a01.01གཏམ་ཡང་མི་བྱའོ། །ཅི་སྟེ་རྨི་ལམ་དུ་ལྷ་མོ་ལས་འོད་ཟེར་འབྱུང་བར་རྨིས་ན་དེ་ཡང་དེའི་དངོས་གྲུབ་ཀྱི་མཚན་མ་ཡིན་ནོ། །བསྒྲུབ་པར་འདོད་པ་ནི་ཅི་སྟེ་བུད་མེད་ཀུན་འོངས་ཏེ་མེ་ཏོག་གམ། འབྲས་བུ་སྦྱིན་པར་བྱེད་ན་དེས་ན་དངོས་གྲུབ་འགྲུབ་པར་ཤེས་པར་བྱོས་ཤིག །ལོ་ཏོག་མ་རུངས་པར་འདོད་
D746.095.0117a02.01ན་ཞག་བདུན་གྱི་བར་དུ་དུས་གསུམ་དུ་ལན་བརྒྱད་སྟོང་བཟླས་བརྗོད་བྱས་ནས་འབྲུ་མ་རུངས་པར་བྱ་བ་གང་ཡིན་པའི་འབྲུ་དེ་ཉིད་ཀྱི་སྦྱིན་སྲེག་བྱ་སྟེ། མཆོད་པ་ཡང་ཅི་འབྱོར་པས་བྱའོ། །གསོ་སྦྱོང་དང་ལྡན་པས་པ་ལ་ཤའི་སྦྱིན་སྲེག་བྱས་ན་ཞི་བར་འགྱུར་རོ། །ཉ་པ་རྣམས་ཀྱི་ཉ་མི་
D746.095.0117a03.01སོད་པར་བྱ་ན་ཉ་པ་ཉིད་ཀྱི་ཁྱིམ་ནས་མེའམ་ཤིང་བླངས་ལ་ཉ་པ་དེ་ཉིད་ཀྱི་ཁྱིམ་ནས་ཉ་བླངས་ནས་མར་གྱི་ནང་དུ་སྨྱུགས་ཏེ། ཉ་པ་དེ་དག་ཉིད་ཀྱི་ཁྱིམ་གྱི་གྲྭར་སྦྱིན་སྲེག་བྱས་ན་ཉ་མི་སོད་པར་འགྱུར་རོ། །དེ་བཞིན་དུ་{རི་དགས་,རི་དྭགས་}དང་ཕག་དང་མ་ཧེ་དང་རི་བོང་ལ་སོགས་པའི་ཆོ་ག་དེ་དང་འདྲ་སྟེ། ལམ་
D746.095.0117a04.01གྱི་བཞི་མདོར་སྦྱིན་སྲེག་བྱས་ཀྱང་རུང་གཏོར་མ་ཡང་སྦྱིན་པར་བྱའོ། །གསོད་པ་དང་འཆིང་བར་བྱེད་པ་ལ་ནི་རྩིག་ངོས་ལ་རྡོ་རྗེ་ཁུ་ཚུར་མ་བྲིས་ཏེ། དེའི་མགོ་བོར་ཡང་བཅོམ་ལྡན་འདས་ཀྱི་སྐུ་གཟུགས་བྲིས་ལ་ཟས་སུ་དཀར་གསུམ་ཟ་བ་དང་། གསོ་སྦྱོང་གི་ཡན་ལག་དང་ལྡན་པས་བྱ་ཞིང་
D746.095.0117a05.01བཅོམ་ལྡན་འདས་ལ་དྲི་ལ་སོགས་པས་མཆོད་པར་བྱའོ། །རྡོ་རྗེ་ཁུ་ཚུར་མ་ནི་མདོག་དཀར་པོར་བྱ་སྟེ། ལག་པ་གཡོན་པ་ཁུ་ཚུར་བཅངས་ལ། ལག་པ་གཡས་པས་དབུགས་འབྱིན་པར་བྱའོ། །སྒྲུབ་པ་པོ་ཡང་པུས་མོ་གཡས་པ་ས་ལ་བཙུགས་ཏེ་སྙིམ་པར་མེ་ཏོག་ཐོགས་པར་བྱའོ། །དེ་
D746.095.0117a06.01ནས་ཡམ་སྲེག་ཤིང་གང་འདོད་པ་དང་གུ་གུལ་ཡུངས་མར་གྱི་ནང་དུ་སྨྱུགས་པས་ནུབ་མོ་སྦྱིན་སྲེག་བྱས་ན་དེས་འགྲུབ་པར་འགྱུར་རོ། །ལས་ཐམས་ཅད་ལ་ཡང་སྤྱན་དང་ལྷན་ཅིག་སྦྱར་བར་བྱའོ། །ལྷ་རྣམས་རིག་སྔགས་ཀྱི་རྒྱལ་མོ་ཆེན་མོ་རྡོ་རྗེ་ཁུ་ཚུར་མའི་ལས་རྣམས་ནི་ངས་བཤད་ཟིན་ཏེ་དེ་ལ་
D746.095.0117a07.01