完整藏文原文 · 德格版页 当前仅加载第 95 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
བཏབ་ན་ལོ་ཐོག་མེད་པར་འགྱུར་རོ། །ཆང་མ་རུང་བར་བགྱི་ན་འོ་མའི་སྲེག་བླུགས་ལ་ལན་ཉི་ཤུ་རྩ་གཅིག་སྦྱིན་སྲེག་བྱས་ན་ཆང་མ་རུང་བར་འགྱུར་རོ། །དགྲ་ལུས་མི་སྡུག་པར་བྱ་ན་ལམ་གྱི་སུམ་མདོར་སྐྱུ་རུ་རའི་ཤིང་གིས་མེ་སྦར་ཏེ། དགྲའི་མིང་
D746.095.0049a01.01ནས་སྨོས་ཤིང་དུག་གིས་ལན་བརྒྱ་སྟོང་སྦྱིན་སྲེག་བྱས་ན་དགྲའི་ལུས་ལ་མི་གཙང་བའི་དྲི་མནམ་པར་འགྱུར་རོ། །ཕྱིར་གསོ་བ་ནི་ལག་ན་རྡོ་རྗེ་ལ་མཆོད་པ་རྒྱས་པར་བྱས་ཏེ། མར་དང་གུ་གུལ་གྱིས་ལན་སྟོང་རྩ་བརྒྱད་སྦྱིན་སྲེག་བྱས་ན་ཕྱིར་འཚོ་བར་འགྱུར་རོ། །དབྱེ་
D746.095.0049a02.01བར་བྱ་བ་ནི་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ། ལག་ན་རྡོ་རྗེའི་མདུན་དུ་སྤེན་མའི་ཤིང་གིས་མེ་སྤར་ལ་ཕུབ་མས་ལན་བརྒྱ་སྟོང་སྦྱིན་སྲེག་བྱས་ན་དབྱེ་བར་འགྱུར་རོ། །དགྲ་བསྐྲད་པར་འདོད་པས་ནི་མར་གྱི་ངོ་ཞག་བརྒྱད་ལ་ནེའུ་ལེའི་རུས་པ་བླངས་ནས་དགྲའི་
D746.095.0049a03.01མིང་ནས་སྨོས་ཏེ། སྦྲུལ་གྱི་ཁུང་བུར་བཙུགས་ན་དེ་མ་ཐག་ཏུ་དགྲ་འབྲོས་པར་འགྱུར་རོ། །རིག་པ་མཆོག་སྒྲུབ་པའི་རིག་སྔགས་འཆང་གི་ཆོ་ག་རྒྱས་པ་ལས་འབྱུང་བའི་ལྷ་རྣམས་ལ་མཆོད་པ་བྱས་ལ་བཙུགས་ནས་བྱུང་ན་ཡང་རྟག་ཏུ་བཅིང་བར་བྱའོ། །དེ་
D746.095.0049a04.01བཅིངས་ན་ཆོ་ག་རྒྱས་པར་འགྲུབ་པར་འགྱུར་ཏེ། རིག་སྔགས་ཀྱི་དངོས་གྲུབ་ལ་སུ་ཡང་གླགས་ཚོལ་བར་མི་འགྱུར་རོ། །གང་ལ་རིག་པ་མཆོག་གི་ཆོ་ག་རྒྱས་པ་ཐམས་ཅད་རྫོགས་པ་ཡོད་པ་དེ་ཐམས་ཅད་ལ་ནི་ལྷ་རྣམས་ཡིད་དགའ་བར་འགྱུར་ཏེ། རིག་སྔགས་ཀྱང་སྦྱིན་
D746.095.0049a05.01པར་བྱེད་དོ། །དེ་མ་ཡིན་ན་ལག་ན་རྡོ་རྗེའི་བྱ་བ་སྒྲུབ་པ་རྣམས་གླགས་ཚོལ་བའི་ཕྱིར་འཁོད་དོ། །ཆོ་ག་རྒྱས་པ་བསྒྲུབས་པས་ཆོ་ག་རྒྱས་པ་ལས་བཤད་པ་བཞིན་དུ་འགལ་བ་རྣམས་བསྲུང་བར་བྱ་སྟེ། ཉ་དང་ཤ་སྤང་བར་བྱའོ། །རྟག་ཏུ་སངས་རྒྱས་དང་ཆོས་དང་དགེ་
D746.095.0049a06.01འདུན་ལ་མངོན་པར་དགའ་བར་བྱའོ། །གང་དག་ངའི་རྡོ་རྗེའི་རིགས་ལ་མཆོད་པ་བྱེད་ཅིང་དང་བར་བྱེད་པ་དང་རིག་པའི་མཆོག་འདོན་ཅིང་མཆོད་པ་དེ་དག་ནི་ངའི་དམ་ཚིག་ཤེས་པ་ཡིན་ནོ། །དེ་དག་ནི་ང་ལ་ཤས་ཆེར་དང་སྟེ་དེ་དག་ལ་ང་ཞི་བར་སེམས་སོ། །ལྷ་ཐམས་ཅད་ཀྱང་ཞི་
D746.095.0049a07.01