完整藏文原文 · 德格版页 当前仅加载第 95 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག་ཅེས་ལྷ་རྣམས་དབུགས་ཕྱུང་ནས་རིག་སྔགས་འཆང་གི་གན་དུ་མཆི་སྟེ་ཕྱིན་པ་དང་། ཚིག་འདི་སྐད་དུ་ཀྱེ་མའོ་རིག་སྔགས་འཆང་ལ་དགེ་སྦྱོང་གི་ཚུལ་མེད་དོ་ཞེས་སྨྲས་པ་དང་། རིག་སྔགས་འཆང་གིས་འདི་སྐད་དུ་བཅོམ་ལྡན་འདས་
D746.095.0026a01.01ལག་ན་རྡོ་རྗེས་གང་བཤད་པ་དེ་དྲན་པར་གྱིས་ཤིག་ཅེས་བརྗོད་པར་བགྱིའོ། །དེ་ཐོས་ནས་ཤིན་ཏུ་དགའ་བའི་བཞིན་གྱིས་རིག་སྔགས་འཆང་ལ་རིག་པ་སྩལ་ལོ། །དེའི་འོག་ཏུ་རིག་སྔགས་འཆང་གི་རིག་པ་མཆོག་གིས་སླར་བཏང་བར་བགྱིའོ། །རིག་
D746.095.0026a02.01པ་མཆོག་དེས་རིག་སྔགས་འཆང་གི་འཁོར་ལོས་སྒྱུར་བར་འགྱུར་ཏེ། རིག་སྔགས་འཆང་བདུན་སྟོང་གིས་བདག་པོ་བསྐལ་པར་གནས་པར་འགྱུར་རོ། །ལྷ་རྣམས་ཀྱང་གཡོས་པར་བགྱིད་པར་འགྱུར་རོ། །གནོད་སྦྱིན་རྣམས་ཀྱང་ཕུང་བར་བགྱིད་པར་འཚལ་
D746.095.0026a03.01བས་གང་ནས་གནོད་སྦྱིན་ནམ། གནོད་སྦྱིན་མོ་གནས་པ་དེར་མ་གྱི་ངོ་ཞག་བརྒྱད་ལ་མཆིས་ལ་ཉིན་ཞག་གཅིག་སྨྱུང་བ་བགྱིས་ཏེ། བྱང་ཆུབ་ཀྱི་ཤིང་གིས་ཞུགས་བུས་ལ་ཨ་པ་མརྒའི་ཡམ་སྲེག་ཤིང་ལས་ལན་བརྒྱ་སྟོང་སྦྱིན་སྲེག་བགྱིའོ། །དེ་ནས་གདོན་
D746.095.0026a04.01དེ་དག་འབྲོས་པ་དང་ཚུར་ཤེག་ཅེས་བརྗོད་ན་སླར་མཆིའོ། །མཆིས་ནས་ཀྱང་ངའི་བསྙེན་བཀུར་བ་གྱིས་ཤིག་ཅེས་བརྗོད་དོ། །གདུགས་གཅིག་བཞིན་དུ་ཏི་ན་ར་བདུན་བདུན་སྩལ་ཏོ། །གང་དུ་བསྐོས་པ་དེ་ཐམས་ཅད་བགྱིད་དོ། །དྲི་ཟ་རྣམས་ལྟུང་བར་བགྱིད་
D746.095.0026a05.01པར་འཚལ་བས་རྒྱ་མཚོར་འབབ་པའི་ཆུ་ཀླུང་གི་ངོས་སུ་ཡར་གྱི་ངོ་ཚེས་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ། ཁམ་པོ་ཛའི་ཤིང་གིས་ཞུགས་བུས་ལ་ཡུངས་ཀར་མར་དང་བསྲེས་པས་ལན་ཁྲིར་སྦྱིན་སྲེག་བགྱིའོ། །དེ་ནས་{ཡི་དགས་,ཡི་དྭགས་}ཀྱི་གཟུགས་ཅན་གྱི་མི་
D746.095.0026a06.01ཞིག་མཆིའོ། །མཆིས་ནས་ཀྱང་རྐང་པ་གཉིས་ལ་ཕྱག་བགྱིད་པ་དང་། བདེ་བར་གྱུར་ཅིག་ཅེས་བརྗོད་པར་བགྱིའོ། །དེ་ནས་མི་དེས་རྐང་པ་གཉིས་ལ་ལིག་བུ་མིག་བཞག་ནས་སླར་མཆིའོ། །ལིག་བུ་མིག་དེས་མིག་བསྐུས་ན་དྲི་ཟའི་གཟུགས་སུ་འགྱུར་རོ། །རྐང་
D746.095.0026a07.01