完整藏文原文 · 德格版页 当前仅加载第 95 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོན་རྩི་སྦྱིན་མེད་པས་ཁྲོ་བོའི་གཟུགས་མི་སྡུག་ཅིང་མཆེ་བ་གཙིགས་ལ་ལུས་ཀྱི་མདོག་གནག་ཅིང་མེ་ལྕེ་འབར་བས་བསྐོར་ཏེ་སྐྲ་ཁམ་པ་གྱེན་དུ་བརྫེས་ཤིང་ཁྲོས་པའི་མིག་གིས་བལྟས་ལ་ལག་པ་གཡོན་པ་རྡོ་རྗེ་ཐོགས། ལག་པ་གཡས་པ་ན་དབྱུག་པ་ཐོགས་པ་འདྲིར་གཞུག་གོ། །
D746.095.0108b01.01འོག་ལོགས་སུ་ནི་སྒྲུབ་པ་པོ་ལག་ན་པོག་ཕོར་ཐོགས་པ་བྲིས་ལ་མར་གྱི་ངོ་ཞག་བརྒྱད་དམ། བཅུ་བཞི་གང་ཡང་རུང་བ་ལ་དེའི་མདུན་དུ་མེ་ཏོག་དམར་པོ་ཕུལ་ཏེ་ལྡོང་རོས་དང་། ལིག་བུ་མིག་དང་གི་ཝང་དང་དགའ་བྱེད་ཀྱི་སྲད་བུ་དང་། དོང་ཀའི་ཤིང་ལྷམ་དང་། གོས་དང་། རྡོ་རྗེ་
D746.095.0108b02.01འཁོར་ལོ་དང་། མདུང་རྩེ་གསུམ་པ་དང་། རལ་གྲི་ལ་སོགས་པ་ལས་གང་ཡང་རུང་བ་བླངས་ནས་ཆོ་ག་བཞིན་དུ་དག་པར་བྱས་ལ། ཨ་ཤྭཏྠའི་ལོ་མ་བཞག་སྟེ་དངོས་གྲུབ་རྣམ་གསུམ་གྱུར་གྱི་བར་དུ་བཟླས་བརྗོད་བྱས་ན་དྲོ་བར་གྱུར་ན་ནི་རྐང་པས་མགྱོགས་པར་འགྱུར་རོ། །དུད་པ་ཐུལ་ན་
D746.095.0108b03.01ནི་ལུས་མི་སྣང་བར་འགྱུར་རོ། །འབར་བར་གྱུར་ན་ནི་ནམ་མཁའ་ལ་འགྲོ་བའི་རིག་སྔགས་འཆང་དུ་འགྱུར་ཏེ་བསྐལ་པར་གནས་པར་འགྱུར་རོ། །དེ་ནས་གནོད་སྦྱིན་མོ་དབང་དུ་བྱ་བར་འདོད་ན་སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ཨ་ཤྭཏྠའི་ཤིང་གིས་མེ་སྦར་ལ་ཨ་ཤྭཏྠའི་མེ་ཏོག་
D746.095.0108b04.01བརྒྱད་སྟོང་སྦྱིན་སྲེག་བྱས་ན་གནོད་སྦྱིན་མོའི་མིང་ནས་སྨོས་པས་དབང་དུ་འགྱུར་རོ། །ཀླུའི་བུ་མོ་དབང་དུ་བྱ་བར་འདོད་ན་ཤི་བ་ལིཾ་གའི་ཤིང་གིས་མེ་སྦར་ལ་ནག་པུས་པ་བརྒྱ་སྟོང་སྦྱིན་སྲེག་བྱས་ན་དབང་དུ་འགྱུར་རོ། །དགུག་པར་བྱ་ན་མར་གྱི་ངོ་ཞག་བརྒྱད་དང་ཞག་བཅུ་བཞི་གང་ཡང་
D746.095.0108b05.01རུང་བའི་ཕྱེ་མ་རེད་ཨརྐའི་ཤིང་གིས་མེ་སྦར་ལ་ཡུངས་ཀར་གྱི་ལན་བརྒྱད་སྟོང་སྦྱིན་སྲེག་བྱས་ན་མིང་ནས་གང་སྨྲོས་པ་ཁུགས་པར་འགྱུར་ཏེ། ཞག་གཅིག་སྨྱུང་བ་བྱས་པ་ལས་བྱའོ། །ཞག་བདུན་གྱི་བར་དུ་དུས་གསུམ་དུ་བྱས་ན་ནི་བརྒྱ་བྱིན་ཡང་ཁུགས་པར་འགྱུར་རོ། །ལན་
D746.095.0108b06.01ཚྭ་དང་བདག་གི་ཁྲག་སྦྱར་བས་སྦྱིན་སྲེག་བྱས་ན་ནི་གང་གི་མིང་ནས་སྨོས་པ་དེ་དབང་དུ་འགྱུར་རོ། །དེ་ནས་ལོག་འདྲེན་གཞིག་པར་འདོད་ན་མར་གྱི་ངོ་ཞག་བཅུ་བཞི་ལ་ལག་ན་རྡོ་རྗེའི་མདུན་དུ་མཆོད་པ་བྱས་ཏེ། དེ་ཉིད་ཀྱིས་བསྲུང་བར་བྱས་ནས་ཞག་གསུམ་སྨྱུང་བ་བྱས་ལ། ཐབ་
D746.095.0108b07.01