完整藏文原文 · 德格版页 当前仅加载第 7 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱའོ། །ནམ་མཁའ་ལ་བལྟས་ཏེ་ནམ་མཁའ་མཐོང་ངོ་ཞེས་བརྗོད་པར་བྱའོ། །གལ་ཏེ་འདི་སྐད་ཅེས་བདག་སེན་མོ་མི་འདྲིའོ། །བདག་ནམ་མཁའ་མི་འདྲིའོ། །འདི་ལྟར་བདག་གསད་པར་བྱ་བ་འདྲིའོ་ཞེས་ཟེར་ན། དགེ་སློང་དེས་ཕྱོགས་བཞིར་རྣམ་
D3.007.0007a01.01པར་བལྟས་ཏེ་འདུ་བྱེད་ཐམས་ཅད་བདག་མེད་པ་ཡིད་ལ་བྱས་ནས་དོན་དམ་པར་ན་སེམས་ཅན་མ་མཐོང་ངོ་ཞེས་བརྗོད་པར་བྱ་བ་ལ་ལྟུང་བ་མེད་དོ། །ཁ་ན་བ་དང་། ཁས་སྨན་འཛིན་པ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་
D3.007.0007a02.01གིས་ཉེན་པ་ལ་ལྟུང་བ་མེད་དོ། །སངས་རྒྱས་བཅོམ་ལྡན་འདས་ལ་དགེ་སློང་རྣམས་ཀྱིས་ཞུས་པ། བཙུན་པ་ཚེ་དང་ལྡན་པ་འདུན་པ་ཚངས་པ་མཚུངས་པར་སྤྱོད་པ་རྣམས་ཀྱི་ངག་མི་ཉན་ནས་བསྒོ་བ་རྣ་ལ་གཟོན་པ་དང་། ཅང་མི་སྨྲ་བས་རྣ་ལ་གཟོན་པའི་གྲངས་སུ་སྩལ་བ་ལ་
D3.007.0007a03.01གཟིགས། དགེ་སློང་དག་ད་ལྟར་དུ་མ་ཟད་ཀྱི་འདི་ལྟར་འདས་པའི་དུས་ན་ཡང་འདི་དགེ་བའི་བཤེས་གཉེན་རྣམས་ཀྱི་ངག་མི་ཉན་ནས་ཚུལ་མ་ཡིན་པས་སྡུག་བསྔལ་བར་གྱུར་ཏེ། དེ་ཉོན་ཅིག །དགེ་སློང་དག་སྔོན་བྱུང་བ་འདས་པའི་དུས་ན་རྫིང་ཞིག་ན་རུས་སྦལ་གཅིག་དང་ངང་པ་གཉིས་
D3.007.0007a04.01ཤིག་འཁོད་དེ། དེ་ནས་དུས་གཞན་ཞིག་ན་ལོ་བཅུ་གཉིས་སུ་ཐན་པ་བྱུང་ནས་དེས་རྫིང་དེ་བསྐམ་པར་བརྩམས་སོ། །ཆོས་ཉིད་ཀྱིས་ན་འཇིག་རྟེན་གནས་པ་ཆགས་ནས་རིང་པོ་མ་ལོན་པའི་ཚེ་ན་དུད་འགྲོ་དག་ཀྱང་སྨྲ་ཤེས་པས་ངང་པ་གཉིས་ཀྱིས་རུས་སྦལ་ལ་སྨྲས་པ། གྲོགས་པོ་
D3.007.0007a05.01ཁོ་བོ་ཅག་གཉིས་ནི་རྫིང་གཞན་དུ་འགྲོའོ། །རུས་སྦལ་གྱིས་སྨྲས་པ། གྲོགས་པོ་གཉིས་ཁོ་བོ་ཡང་ཁྲིད་དེ་སོང་ཤིག །ངང་པ་གཉིས་ཀྱིས་སྨྲས་པ། ཁྱོད་ཇི་ལྟར་ཁྲིད་དེ་འགྲོ་བར་བྱ། རུས་སྦལ་གྱིས་སྨྲས་པ། ཁོ་བོ་ཤིང་གི་དབུས་སུ་ཁས་གཟུང་བར་བྱས། ཁྱེད་གཉིས་ཀྱིས་རྩེ་
D3.007.0007a06.01མོ་གཉིས་ནས་ཟུང་ལ་དེང་ཤིག །ངང་པ་གཉིས་ཀྱིས་སྨྲས་པ། ཁྱོད་སྨྲ་འདོད་པ་ཡིན་པས་ཚིག་སྲུང་མི་ནུས་ཀྱིས་ཁོ་བོ་ཅག་གཉིས་ཁྱེར་ཏེ་མི་འགྲོའོ། །རུས་སྦལ་གྱིས་སྨྲས་པ། ཚིག་བསྲུང་བར་བྱའོ། །ངང་པ་གཉིས་ཀྱིས་རུས་སྦལ་དེ་ཁྱེར་ཏེ་སྟེང་གི་ནམ་མཁའ་ལ་འཕགས་ནས་
D3.007.0007a07.01