完整藏文原文 · 德格版页 当前仅加载第 7 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་གདུགས་ཚོད་གསོལ་ནས་ཁྱིམ་བདག་དེ་ལ་ཆོས་བསྟན་པར་བརྩམས་སོ། །དགེ་སློང་དེས་རྒན་ཞུགས་དེ་ལ་སྨྲས་པ། རྒན་ཞུགས་ཚུར་ཤོག །ཁྱིམ་དུ་འགྲོ་བའི་ཁྱིམ་དག་ལྟར་འདོང་ངོ་། །དེ་གཉིས་ཁྱིམ་དུ་འགྲོ་བའི་ཁྱིམ་དག་ཏུ་དོང་བ་དང་། དེ་དག་
D3.007.0147a01.01གིས་སྨྲས་པ། འཕགས་པ་གཉིས་གདུགས་ཚོད་གསོལ་ཅིག །ཁྱིམ་བདག་ཁོ་བོ་ཅག་གཉིས་ཟན་ཟོས་ཟིན་ཏོ། །དེས་སྨྲས་པ། སྣོམས་ཏེ་བཞུད་ལ་ལྷག་པོར་མཛོད་དེ་གསོལ་ཅིག །དེས་རྒན་ཞུགས་ཀྱི་གདོང་དུ་བལྟས་ཏེ་སྨྲས་པ། རྒན་ཞུགས་འདོད་དམ། འཚལ་ལོ། །
D3.007.0147a02.01དེ་གཉིས་ཀྱིས་བྱིན་ལེན་བྱས་ཏེ་དོང་ནས་རྒྱལ་བྱེད་ཀྱི་ཚལ་དུ་ཕྱིན་པ་དང་། དགེ་སློང་དེས་སྨྲས་པ། རྒན་ཞུགས་ཁྱོད་ཆུ་འཚག་གམ། འོན་ཏེ་གཙུག་ལག་ཁང་དུ་སོང་སྟེ་ལྷག་པོར་བྱེད་དུ་འཇུད། རྒན་ཞུགས་ཀྱིས་སྨྲས་པ། ལྷག་པོར་བགྱིད་དུ་སྩལ་ཏོ། །དགེ་སློང་དེས་ཆུ་བཙག་པར་
D3.007.0147a03.01བརྩམས་པ་དང་། རྒན་ཞུགས་ཀྱིས་བསོད་སྙོམས་ཁྱེར་ཏེ་གཙུག་ལག་ཁང་དུ་ཞུགས་ནས། དེས་བདག་ཉིད་ཀྱིས་བསོད་སྙོམས་ལ་ལྷག་པོར་བྱེད་དུ་བཅུག་ཅིང་དེའི་བསོད་སྙོམས་ལ་ལྷག་པོར་བྱེད་དུ་མ་བཅུག་གོ། །དགེ་སློང་དེས་ཆུ་བཙགས་ཏེ། གཙུག་ལག་ཁང་དུ་ཞུགས་ནས་སྨྲས་པ། རྒན་
D3.007.0147a04.01ཞུགས་ལྷག་པོར་བྱེད་དུ་བཅུག་གམ། དེས་སྨྲས་པ། བགྱིད་དུ་སྩལ་ཏོ། །དགེ་སློང་དེས་འདུག་སྟེ་ཟོས་པ་དང་། རྒན་ཞུགས་ཀྱིས་སྨྲས་པ། སློབ་དཔོན་ཇེ་སྐབས་ཕྱེ་ཤིག །ཕྱེའོ། །རྒན་ཞུགས་ཀྱིས་སྨྲས་པ། ཁྱོད་ལ་ལྟུང་བ་བྱུང་གིས། ཆོས་བཞིན་དུ་སླར་མཛོད་ཅིག །དེས་
D3.007.0147a05.01སྨྲས་པ། ལྟུང་བ་མ་མཐོང་ངོ་། །རྒན་ཞུགས་ཀྱིས་སྨྲས་པ། ཁྱོད་ཀྱིས་ལྷག་པོར་མ་བྱས་པའི་བཅའ་བ་དང་བཟའ་བ་ཟོས་སོ། །དེས་སྨྲས་པ། ཁོ་བོས་ཁྱོད་ལ་ལྷག་པོར་བྱེད་དུ་བཅུག་གམ་ཞེས་མ་དྲིས་སམ། རྒན་ཞུགས་ཀྱིས་སྨྲས་པ། བདག་གིས་བདག་ཉིད་ཀྱི་བགྱིད་དུ་
D3.007.0147a06.01སྩལ་ཏོ། །དེས་སྨྲས་པ། རྒན་ཞུགས་ཁོ་བོ་ལྟུང་བ་མི་འཆགས་ཀྱི་འདི་ལྟར་ཁྱོད་ཉིད་ལྟུང་བ་དང་བཅས་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ་ཞེས་དེས་དགེ་སློང་རྣམས་ལ་བརྗོད་པ་དང་། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཤེས་བཞིན་དུ་དགེ་སློང་ཟས་
D3.007.0147a07.01