完整藏文原文 · 德格版页 当前仅加载第 7 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ཇི་ལྟ་བུ་ལགས་ཞེས་ཡོངས་སུ་དྲི་བར་བགྱིའོ། །སྲིང་མོ་དག་ཁྱེད་ཀྱིས་ནང་གི་སྐྱེ་མཆེད་མིག་ལ་འདི་ནི་བདག་གིའོ། །འདི་ནི་བདག་གོ། །འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ་། །
D3.007.0053a01.01སྲིང་མོ་དག་ཁྱེད་ཀྱིས་ནང་གི་སྐྱེ་མཆེད་རྣ་བ་དང་། སྣ་དང་། ལྕེ་དང་། ལུས་དང་། ཡིད་དག་ལ་འདི་ནི་བདག་གིའོ། །འདི་ནི་བདག་གོ། །འདི་ནི་བདག་གི་བདག་གོ་ཞེས་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ་། །དེ་ཅིའི་སླད་དུ་ཞེ་
D3.007.0053a02.01ན། བཙུན་པ་དགའ་བྱེད་བདག་ཅག་གིས་དང་པོ་ཉིད་ནས་ཇི་ལྟར་ནང་གི་སྐྱེ་མཆེད་དྲུག་པོ་འདི་དག་བདག་མ་མཆིས་པ་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་ཞིང་བདག་ཅག་གིས་སེམས་ཀྱང་ཇི་ལྟར་ནང་གི་སྐྱེ་མཆེད་དྲུག་པོ་འདི་དག་བདག་མ་
D3.007.0053a03.01མཆིས་པ་དེ་ལྟར་དེ་ལ་མོས་པའི་སླད་དུའོ། །སྲིང་མོ་དག་ལེགས་སོ་ལེགས་སོ། །སྨྲས་པ་དེའི་དོན་ནི་ཇི་ལྟར་ནང་གི་སྐྱེ་མཆེད་དྲུག་པོ་འདི་དག་བདག་མེད་པ་དེ་ཁོ་ན་བཞིན་དུ་བལྟ་བར་བྱའོ། །སྲིང་མོ་དག་ཁྱེད་ཀྱིས་ཕྱི་རོལ་གྱི་སྐྱེ་མཆེད་གཟུགས་དག་ལ་འདི་ནི་བདག་གིའོ། །
D3.007.0053a04.01འདི་ནི་བདག་གོ། །འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ་། །སྲིང་མོ་དག་ཁྱེད་ཀྱིས་ཕྱི་རོལ་གྱི་སྐྱེ་མཆེད་སྒྲ་དག་དང་། དྲི་དག་དང་། རོ་དག་དང་། རེག་བྱ་དག་དང་། ཆོས་དག་ལ་འདི་ནི་
D3.007.0053a05.01བདག་གིའོ། །འདི་ནི་བདག་གོ། །འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ་། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་བདག་ཅག་གིས་དང་པོ་ཉིད་ནས་ཇི་ལྟར་སླད་རོལ་གྱི་སྐྱེ་མཆེད་དྲུག་པོ་འདི་
D3.007.0053a06.01དག་བདག་མ་མཆིས་པ་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་ཞིང་། བདག་ཅག་གིས་སེམས་ཀྱང་ཇི་ལྟར་སླད་རོལ་གྱི་སྐྱེ་མཆེད་དྲུག་པོ་འདི་དག་བདག་མ་མཆིས་པ་དེ་ལྟར་དེ་ལ་མོས་པའི་སླད་དུའོ། །སྲིང་མོ་དག་ལེགས་སོ་ལེགས་སོ། །
D3.007.0053a07.01