完整藏文原文 · 德格版页 当前仅加载第 7 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱི་མ་ནི་སྲིང་མོ་དག་ཅི་ཁྱེད་ཅག་དགེ་སློང་མའི་དགེ་འདུན་ཚོགས་སམ། ཡོངས་སུ་དག་གམ། མཐུན་ནམ། ཁ་ན་མ་ཐོ་བ་མེད་དམ། ཁྱེད་ཅག་ལ་དགེ་འདུན་གྱིས་མ་བསྐོས་པའི་གང་ཟག་འགའ་ཞིག་སྟོན་པར་མི་བྱེད་དམ། ཁྱེད་ཅག་ལ་སྟོན་པའི་གང་ཟག་ནི་འགའ་ཞིག་དགེ་
D3.007.0073b01.01འདུན་ལས་འོང་ངོ་། །ཁྱེད་ཅག་ལ་དགེ་སློང་འགའ་ཡང་སྟོན་པར་མི་སྤྲོའོ། །ཁྱེད་ཅག་གི་གདམས་ངག་དང་རྗེས་སུ་བསྟན་པ་ནི་དགེ་འདུན་ལས་སོ། །སྲིང་མོ་དག་གིས་བག་ཡོད་པར་སྒྲུབས་ཤིག་ཅེས་བྱ་བ་དེ་སྟོན་ནུས་པའོ། །སངས་རྒྱས་བཅོམ་ལྡན་འདས་ལ་དགེ་སློང་
D3.007.0073b02.01རྣམས་ཀྱིས་ཞུས་པ། བཙུན་པ་དགེ་སློང་མ་བཅུ་གཉིས་སྡེ་དག་གིས་ཚེ་དང་ལྡན་པ་ལམ་པ་ལ་གནོད་པར་བགྱིའོ་སྙམ་པ་ལས་ཕན་པ་ཉིད་བགྱིས་པ་ལ་གཟིགས། དགེ་སློང་ད་ལྟར་འབའ་ཞིག་ཏུ་མ་ཟད་ཀྱི། འདི་ལྟར་འདས་པའི་དུས་ན་ཡང་དེ་དག་གིས་དེ་ལ་གནོད་པར་བྱའོ་སྙམ་
D3.007.0073b03.01པ་ལས་ཕན་པ་ཉིད་བྱས་པར་གྱུར་ཏེ། དེ་ཉོན་ཅིག །དགེ་སློང་དག་སྔོན་བྱུང་བ་འདས་པའི་དུས་ན་རི་བྲགས་ཤིག་ན་བྲམ་ཟེ་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེ་ལ་བུ་
D3.007.0073b04.01བཙས་སོ། །འདོད་པ་འདི་དག་ནི་ལན་ཚྭ་དང་འདྲ་སྟེ། ཇི་ལྟ་ཇི་ལྟར་བསྟེན་པ་དེ་ལྟ་དེ་ལྟར་སྐོམ་པར་འགྱུར་བས་དེ་ཡང་དང་ཡང་དུ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེ་ལ་ཇི་ཙམ་ནས་བུ་བཅུ་གཉིས་བཙས་ནས་དེས་དེ་དག་ཁྱིམ་འབུབས་སུ་བཅུག་
D3.007.0073b05.01གོ། །དུས་གཞན་ཞིག་ན་དེའི་ཆུང་མ་དུས་ལ་བབ་ནས་བྲམ་ཟེ་དེ་ཡང་རྒས་པའི་གནས་སྐབས་སུ་མྱ་ངན་གྱིས་ནོན་པས་མིག་གཉིས་མདོངས་པར་གྱུར་ཏོ། །དེའི་མནའ་མ་བཅུ་གཉིས་པོ་དེ་དག་ཉེས་པར་སྤྱོད་པ་ཤ་སྟག་ཡིན་ཏེ། གང་གི་ཚེ་དེ་དག་གི་ཁྱིམ་ཐབ་དག་ཕྱི་རོལ་དུ་
D3.007.0073b06.01དོང་བ་དེའི་ཚེ་ན་སྐྱེས་པ་གཞན་དག་དང་ལྷན་ཅིག་དགའ་མགུར་སྤྱོད་པར་བྱེད་དོ། །བྲམ་ཟེ་དེ་སྒྲ་ལ་མཁས་པས་དེས་འདི་ནི་བདག་གི་བུ་རྣམས་ཀྱི་སྒྲ་ཡིན་ནོ། །འདི་ནི་སྐྱེས་པ་གཞན་དག་གི་སྒྲ་ཡིན་ནོ། །ཞེས་བྱ་བར་ཤེས་པས་དེས་སྐྱེས་པ་གཞན་དག་གི་སྒྲ་ཐོས་ནས་མནའ་
D3.007.0073b07.01