完整藏文原文 · 德格版页 当前仅加载第 7 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
པས་སྨྲས་པ། མ་བདག་ཀྱང་རྒྱ་མཚོ་ཆེན་པོར་འཇུག་གིས་གནོང་ཤིག །མས་སྨྲས་པ། བུ་འདི་ཉིད་དུ་འདུག་ཤིག །བྱི་དབྱིག་པས་ཡང་དང་ཡང་དུ་འགྲོའོ་ཞེས་སྨྲས་པ་དང་། མས་དེ་དུས་ཀྱིས་འཆུ་བར་ཤེས་ནས་གནང་ངོ་། །བྱི་དབྱིག་པས་སྲང་ཆེན་པོར་ཚོང་པའི་ཚོགས་
D3.007.0077b01.01རྣམས་ལ་ཁྱེད་ཅག་ལས་གང་དེད་དཔོན་བྱི་དབྱིག་པ་དང་། ལྷན་ཅིག་ཤོ་གམ་མེད་པ་དང་། ལ་གཅན་མེད་པ་དང་། གྲུ་བཙས་མེད་པར་རྒྱ་མཚོ་ཆེན་པོར་འཇུག་པར་སྤྲོ་བ་དེས་རྒྱ་མཚོ་ཆེན་པོར་འགྲོ་བའི་ཟོང་སྟ་གོན་གྱིས་ཤིག་ཅེས་དྲིལ་བསྒྲག་པ་བྱས་སོ། །དེ་ནས་ཚོང་པ་ལྔ་
D3.007.0077b02.01བརྒྱ་ཙམ་གྱིས་རྒྱ་མཚོ་ཆེན་པོར་འགྲོ་བའི་ཟོང་སྟ་གོན་བྱས་སོ། །དེ་ནས་དེད་དཔོན་བྱི་དབྱིག་པས་དགེ་མཚན་དང་། བཀྲ་ཤིས་དང་། དགེ་བར་འགྱུར་བ་བྱས་ཏེ་ཤིང་རྟ་དག་དང་། ཁུར་དག་དང་། སྤྱད་དག་དང་། གླེ་བ་དག་དང་། རྔ་མོ་དག་དང་། བ་ལང་དག་དང་། བོང་བུ་དག་
D3.007.0077b03.01ལས་ཟོང་མང་པོ་བཀལ་ཏེ་ཚོང་པ་དེ་དག་དང་ལྷན་ཅིག་རྒྱ་མཚོ་ཆེན་པོར་འཕགས་སོ། །དེ་ན་དེ་ལ་མི་ལྔ་ཡོད་དེ། སྡུད་པར་བྱེད་པ་དང་། ཚར་གཅོད་པར་བྱེད་པ་དང་། བྱི་དོར་པ་དང་། ཆུ་ཕྱགས་པ་དང་། རླུང་ཡོར་ཐོགས་པའོ། །སྡུད་པར་བྱེད་པ་གང་ཞེ་ན། དེ་ན་བཟའ་བ་དང་།
D3.007.0077b04.01བཏུང་བ་སྦྱོར་བ་གང་ཡིན་པའོ། །ཚར་གཅོད་པར་བྱེད་པ་གང་ཞེ་ན། དེ་ན་རྩོད་པ་བྱུང་ངོ་ཅོག་ཉེ་བར་ཞི་བར་བྱེད་པ་གང་ཡིན་པའོ། །བྱི་དོར་བྱ་བ་གང་ཞེ་ན། དེ་ན་གྲུ་འཆོས་པར་བྱེད་པ་གང་ཡིན་པའོ། །ཆུ་ཕྱགས་པ་གང་ཞེ་ན། དེ་ན་ཆུ་འཕྱག་པར་བྱེད་པ་གང་ཡིན་པའོ། །རླུང་ཡོར་
D3.007.0077b05.01ཐོགས་པ་གང་ཞེ་ན། དེ་ན་རྒྱུ་སྐར་དག་ལ་རྣམ་པར་ལྟ་བར་བྱེད་པ་གང་ཡིན་པའོ། །དེ་མཐར་གྱིས་རྒྱ་མཚོའི་འགྲམ་དུ་ཕྱིན་པ་དང་། ཚོང་པ་དེ་དག་གིས་རྒྱ་མཚོ་ཆེན་པོ་མཐོང་ནས་སྐྲག་སྟེ་གྲུ་བོ་ཆེར་འཇུག་པར་མི་སྤྲོ་ནས། དེད་དཔོན་བྱི་དབྱིག་པས་རླུང་ཡོར་ཐོགས་པ་ལ་སྨྲས་པ།
D3.007.0077b06.01ཀྭའི་ནང་རྗེ་རྒྱ་མཚོ་ཆེན་པོའི་བསྔགས་པ་ཇི་ལྟ་བ་བཞིན་དུ་སྒྲོགས་ཤིག །དེ་ནས་རླུང་ཡོར་ཐོགས་པས་བསྒྲག་པར་བརྩམས་པ། འཛམ་བུའི་གླིང་པའི་ཚོང་པ་ཤེས་ལྡན་དག་ཉོན་ཅིག །རྒྱ་མཚོ་ཆེན་པོ་འདི་ན་རིན་པོ་ཆེ་ཆེན་པོ་ཆེ་བ་འདི་ལྟ་བུ་འདི་ལྟ་སྟེ། ནོར་བུ་དག་དང་། མུ་
D3.007.0077b07.01