完整藏文原文 · 德格版页 当前仅加载第 7 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ཁྱིམ་བདག་དེ་ཟོང་ཐོགས་ཏེ་རི་བྲགས་དེ་ཉིད་དུ་ཕྱིན་ནས་དེ་ཁྱིམ་བདག་དེའི་ཚོང་ཁང་དུ་ཞུགས་པ་དང་། ཁྱིམ་བདག་གིས་གཅེར་བུ་པ་དག་ལ་བྲིམ་པར་བརྩམས་ནས། དེས་ཁྱིམ་བདག་དེའི་གན་དུ་མི་མངགས་ཏེ། གྲོགས་པོ་སྦྱིན་གནས་དག་ལ་སྦྱིན་པར་བྱས། ཚུར་
D3.007.0133b01.01ཤོག་ཅེས་སྦྲན་པ་དང་། ཁྱིམ་བདག་དེ་དད་པ་ཅན་ཡིན་པས། དེས་བསམས་པ། བཅོམ་ལྡན་འདས་ཀྱི་ཉན་ཐོས་དག་ཡིན་གོར་མ་ཆག་གིས་སོང་ལ་བལྟའོ་སྙམ་ནས་དེ་དེར་སོང་བ་དང་། ཇི་ཙམ་ན་གཅེར་བུ་པ་ངོ་ཚ་དང་ཁྲེལ་བོར་བ་དག་ཅིག་ཡིན་པར་མཐོང་ནས། མངོན་
D3.007.0133b02.01སུམ་དུ་མི་སྙན་བརྗོད་པ་ནི་སྡུག་བསྔལ་བ་ཡིན་པས་དེ་ཅང་མི་སྨྲ་བར་འདུག་གོ། །དེ་དག་ཟོས་ཏེ་དོང་བ་དང་། ཁྱིམ་བདག་གིས་དེ་ལ་སྨྲས་པ། གྲོགས་པོ་ཞིང་བཟང་ཞིང་ས་བོན་བཟང་ངམ། ཁྱིམ་བདག་དེས་སྨྲས་པ། གྲོགས་པོ་ས་བོན་ནི་བཟང་ན། ཞིང་ནི་གཅེར་བུ་པ་ངོ་ཚ་
D3.007.0133b03.01དང་ཁྲེལ་བོར་བ། སྡིག་པའི་ལྟ་བ་ཅན་དགོན་དུང་ཚྭ་སྒོ་ཅན་ཐ་ཆད་སྡིག་པ་ཅན་གྱི་ས་གཞི་ཤ་སྟག་ཡིན་ནོ། །ཁྱིམ་བདག་དེས་སྨྲས་པ། གྲོགས་པོ་ཞིང་ཆེས་བཟང་བ་གཞན་ཡོད་དམ། དེས་སྨྲས་པ། ཡོད་དེ་བཅོམ་ལྡན་འདས་ཀྱི་ཉན་ཐོས་དག་གོ། །ཁྱིམ་བདག་གིས་སྨྲས་
D3.007.0133b04.01པ། གྲོགས་པོ་དེ་དག་གི་མིང་ཡང་མ་སྨོས་ཤིག །དེས་སྨྲས་པ། ཅི་དེ་དག་འདིར་ལྷགས་པར་གྱུར་ཏམ། ལྷགས་སོ། །གང་དག་དྲུག་སྡེ་དག་གོ། །དེ་དག་གིས་རེ་ཞིག་ཅི་བྱས། འདི་དང་འདི་ལྟའོ། །དེས་སྨྲས་པ། གྲོགས་པོ་ཁྱོད་ཀྱིས་རྒྱ་མཚོ་ཆེན་པོ་ནས་ནོར་བུ་
D3.007.0133b05.01མཆིང་བུ་དག་བླངས་སོ། །ཁྱིམ་བདག་གིས་སྨྲས་པ། བཅོམ་ལྡན་འདས་ཀྱི་ཉན་ཐོས་བཟང་པོ་གཞན་དག་ཀྱང་ཡོད་དམ། ཡོད་དེ་གལ་ཏེ་ཁྱོད་ཀྱིས་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་དང་། ནམ་གྲུ་དང་། མ་འགགས་པ་ལ་སོགས་པ་བཅོམ་ལྡན་འདས་
D3.007.0133b06.01ཀྱི་ཉན་ཐོས་ཆེན་པོ་གཞན་དག་མཐོང་བར་གྱུར་ན། ཁྱོད་མངོན་པར་དད་པར་འགྱུར་བ་དེ་ལྟ་བུའི་གནས་ཡོད་དོ། །ཁྱིམ་བདག་གིས་སྨྲས་པ། གལ་ཏེ་དེ་དག་འདིར་བྱོན་པར་གྱུར་ན་བདག་གིས་དེ་དག་ལ་བསོད་སྙོམས་ཀྱིས་མཁོ་བ་བསྟབས་པར་བྱའོ། །ཁྱིམ་བདག་དེས་བསམས་
D3.007.0133b07.01