完整藏文原文 · 德格版页 当前仅加载第 7 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གནས་མལ་འདི་དང་འདི་ལྟ་བུ་བཤམས་པ་དང་། འབྲུ་མར་གྱི་མར་མེ་འདི་དང་འདི་ལྟ་བུ་བཙུགས་ཤིང་དེར་བདག་ཅག་གཉིས་ཀྱིས་འདི་དང་འདི་ལྟ་བུ་བྱས་པ་དྲན་ནམ། སྦེད་མས་སྨྲས་པ་དྲན་ནོ། །བསོད་སྙོམས་པ་ཞིག་སྔ་དྲོ་ཤམ་ཐབས་
D3.007.0102a01.01བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། དེ་མཐར་གྱིས་མཉན་ཡོད་དུ་བསོད་སྙོམས་ལ་རྒྱུ་བ་ན་ཁྱིམ་བདག་གི་ཆུང་མ་སྦེད་མའི་ཁྱིམ་ག་ལ་བ་དེར་སོང་བ་དང་ཁྱིམ་བདག་གི་ཆུང་མ་སྦེད་མས་དེ་མཐོང་ནས་དེས་བསམས་
D3.007.0102a02.01པ་གལ་ཏེ་ལངས་ཏེ། བསོད་སྙོམས་ཕུལ་བར་གྱུར་ན་བཙུན་པ་འཆར་ཀའི་གཏམ་སྤངས་པར་འགྱུར་རོ་སྙམ་ནས་དེས་ལག་པས་སོང་ཤིག་ཅེས་བརྡ་བྱས་སོ། །འཆར་ཀས་སྦེད་མ་ལག་བརྡ་བྱེད་པ་མཐོང་ནས་དེས་སྨྲས་པ། སྦེད་མ་ཁྱོད་ཁོ་བོ་འདུག་བཞིན་དུ་མདུན་
D3.007.0102a03.01དུ་སྐྱེས་པ་གཞན་དང་ལྷན་ཅིག་ལག་བརྡ་བྱེད་དམ་སྦེད་མས་སྨྲས་པ། འཕགས་པ་བདག་སྐྱེས་པ་གཞན་དང་ལག་བརྡ་མི་བགྱིད་དེ། འདི་ལྟར་བསོད་སྙོམས་པ་ཞིག་མཆིས་ནས་བདག་གིས་བསམས་པ་གལ་ཏེ་ལངས་ཏེ། བསོད་སྙོམས་ཕུལ་བར་གྱུར་ན་འཕགས་པའི་
D3.007.0102a04.01བཀའ་མཆིད་སྤངས་པར་འགྱུར་རོ་སྙམ་ནས་བདག་གིས་དེ་ལ་མཆིས་ཤིག་ཅེས་ལག་བརྡ་བགྱིས་སོ། །འཆར་ཀས་སྨྲས་པ་སྦེད་མ་ཁྱོད་ཀྱི་སྙིང་ལམ་ན་ཁོ་བོས་ཁྱོད་ལ་འཕགས་པའི་བདེན་པ་བཞིའི་གཏམ་བྱས་སྙམ་མམ་ཅི་འདི་ལྟར་ཁོ་བོས་ལག་པས་བཅལ་བ་བརྒྱ་དག་
D3.007.0102a05.01གིས་ལོངས་སྤྱོད་དག་བསྒྲུབས་ན་ཁྱོད་ཀྱིས་སྦྱིན་པ་དག་བྱིན་ཞིང་བསོད་ནམས་དག་བྱེད་ཀྱང་མི་ནུས་སམ། སྦེད་མས་བསོད་སྙོམས་པ་དེ་བོས་ཏེ་བཅའ་བ་དང་། བཟའ་བ་གཙང་ཞིང་བསོད་པ་དག་གིས་ལྷུང་བཟེད་བཀང་སྟེ་བྱིན་ནས་དེས་དེ་ཁྱེར་ཏེ་སོང་ངོ་། །ཚེ་དང་
D3.007.0102a06.01ལྡན་པ་འཆར་ཀ་ཟས་ཀྱི་བྱ་བ་བྱས་ཏེ་གཙུག་ལག་ཁང་དུ་སོང་བ་དང་། བསོད་སྙོམས་པ་དེས་བསམས་པ། བཙུན་པ་འཆར་ཀ་ལ་གཏམ་བྱ་ཞིང་ཐོས་ནས་མཆོག་ཏུ་དགའ་བ་བསྐྱེད་པར་བྱའོ་སྙམ་ནས་དེས་དེ་ལ་སྨྲས་པ། བཙུན་པ་འཆར་ཀ་མཆོག་ཏུ་
D3.007.0102a07.01