完整藏文原文 · 德格版页 当前仅加载第 7 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཅིའི་ཕྱིར་བུ་མོ་ཡོངས་སུ་གཏང་། མི་སྦྱིན་ནོ་ཞེས་ཀྱང་ཟེར་རོ། །ཁྱིམ་བདག་དེས་ཡུགས་ས་མོ་དག་བསླངས་པ་དང་། ཡུགས་ས་མོ་དེ་དག་ཀྱང་ཁོ་མོ་ཅག་གིས་ཅིའི་ཕྱིར་བདག་ཡོངས་སུ་བཏང་ན་ཁྱོད་ཀྱི་ཁྱིམ་དུ་འཇུག་ཅེས་ཟེར་རོ། །ཁྱིམ་བདག་དེ་རྣམ་པ་ཐམས་ཅད་དུ་ཡི་ཆད་ནས་རང་ཉིད་
D3.007.0138b01.01ཀྱིས་ཁྱིམ་གྱི་སོ་ཚིས་དག་བྱ་བར་བརྩམས་པ་དང་། དུས་གཞན་ཞིག་ན་ཁྱིམ་བདག་དེའི་ཆུང་པོ་གྲོགས་ཤིག་འོངས་ནས་དེས་ཁྱིམ་བདག་དེ་མཐོང་ནས་དྲིས་པ། ཁྱོད་ཅི་བྱེད། ཁྱིམ་བདག་གིས་སྨྲས་པ། ཁྱིམ་གྱི་སོ་ཚིས་དག་བྱེད་དོ། །དེས་སྨྲས་པ། ཁྱོད་ཅིའི་ཕྱིར་རང་ཉིད་ཀྱིས་ཁྱིམ་
D3.007.0138b02.01གྱི་སོ་ཚིས་དག་བྱེད། ཁྱིམ་བདག་གིས་སྨྲས་པ། ཁོ་བོས་ཆུང་མ་གཅིག་བླངས་པ་དང་དེ་རང་གི་ལས་དག་གིས་དུས་ལ་བབ་བོ། །གཉིས་པ་བླངས་པ་དང་དེ་ཡང་དུས་ལ་བབ་བོ། །དེ་བཞིན་དུ་བདུན་པའི་བར་དུ་བླངས་པ་དང་དེ་ཡང་དུས་ལ་བབ་བོ། །དེས་སྨྲས་པ། གཞན་དག་ཅིའི་
D3.007.0138b03.01ཕྱིར་མི་སློང་། ཁྱིམ་བདག་གིས་སྨྲས་པ། བསླངས་ན་མི་སྟེར་ཅིང་ངེད་ཀྱིས་ཅིའི་ཕྱིར་བུ་མོ་ཡོངས་སུ་གཏང་། མི་སྦྱིན་ནོ་ཞེས་ཟེར་རོ། །དེས་སྨྲས་པ། ཡུགས་ས་མོ་དག་ཅིའི་ཕྱིར་མི་སློང་། ཁྱིམ་བདག་གིས་སྨྲས་པ། བསླངས་ཏེ་དེ་དག་ཀྱང་ཁོ་མོ་ཅག་གིས་ཅིའི་ཕྱིར་བདག་
D3.007.0138b04.01ཡོངས་སུ་བཏང་ན་ཁྱོད་ཀྱི་ཁྱིམ་དུ་འཇུག་ཅེས་ཟེར་རོ། །དེས་སྨྲས་པ། གཡས་ཞར་མ་ཅིའི་ཕྱིར་མི་སློང་། མི་སྟེར་རོ། །སོང་ལ་སློངས་ཤིག་དང་། དེ་དག་བུ་མོས་ཡོངས་སུ་དུབ་པ་ཡིན་པས་སྟེར་བར་འགྱུར་རོ། །ཁྱིམ་བདག་དེ་གཡས་ཞར་མའི་ཕའི་ཁྱིམ་དུ་སོང་སྟེ་བདེ་ལེགས་བདེ་
D3.007.0138b05.01ལེགས་ཞེས་སྨྲས་པ་དང་། དེ་དག་གིས་སྨྲས་པ། ཅི་སློང་། དེས་སྨྲས་པ། བུ་མོའི་སློང་མོ་སློང་ངོ་། །བུ་མོ་གང་། གཡས་ཞར་མའོ། །དེ་དག་དེས་ཡོངས་སུ་སྐྱོ་བ་ཡིན་པས་སྨྲས་པ། སྦྱིན་ནོ། །དེས་སྨྲས་པ། ནམ་བག་མར་གཏང་། ཉི་མ་མང་གེ་མོ་ཞིག་ལའོ། །དེས་དེ་ལྟར་གྱིས་
D3.007.0138b06.01ཤིག་ཅེས་སྨྲས་ཏེ་སོང་ངོ་། །དེའི་ཆུང་པོ་གྲོགས་དེ་ཡང་འགྱོད་པ་སྐྱེས་ཏེ། བདག་གི་གྲོགས་པོ་ལ་གཡས་ཞར་མ་སློངས་ཤིག་ཅེས་བསྐུལ་བ་དེ་དག་ནི་བདག་གིས་མ་ལེགས་པ་ཞིག་བྱས་ཏེ། དེ་མཚན་ངན་པ་ཡིན་པས་དེས་གྲོགས་པོ་བསད་པར་གྱུར་ན་མི་རུང་ངོ་སྙམ་ནས། དེ་ཁྱིམ་བདག་
D3.007.0138b07.01