完整藏文原文 · 德格版页 当前仅加载第 7 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས། ཁ་ཅིག་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་ནི་རང་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་བྱང་ཆུབ་ཏུ་སེམས་བསྐྱེད་
D3.007.0261b01.01པར་གྱུར་པ་དེ་ལྟར་ཆོས་བསྟན་པར་བྱས་ཏེ་འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང་། ཆོས་ལ་འབབ་པ་དང་། དགེ་འདུན་ལ་བབ་པར་གྱུར་ཏོ། །དེ་ནས་ཚེ་དང་ལྡན་པ་མ་འགགས་པས་འཁོར་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་
D3.007.0261b02.01པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་སྟན་ལས་ལངས་ཏེ་སོང་ནས་རི་བྲགས་གཞན་ཞིག་ག་ལ་བ་དེ་ལོགས་སུ་སོང་ངོ་། །རི་བྲགས་དེ་དང་ཧ་ཅང་མི་རིང་བ་ན་སྐྱེད་མོས་ཚལ་ཞིག་ཡོད་པ་དེར་མཚན་མོ་གནས་པར་ཁས་
D3.007.0261b03.01བླངས་ནས་དེ་སྐྱིལ་མོ་ཀྲུང་བཅས་ཏེ་འདུག་གོ། །ཆོམ་རྐུན་པ་རི་བྲགས་འཇོམས་པར་འདོད་པ་ལྔ་བརྒྱ་ཙམ་ཞིག་ཀྱང་། སྐྱེད་མོས་ཚལ་དེར་ཞུགས་ནས་དེ་ན་ཆོམ་རྐུན་པ་གཅིག་གིས་ཚེ་དང་ལྡན་པ་མ་འགགས་པ་སྡོང་དུམ་ཡིན་ནོ་སྙམ་ནས། དེའི་སྟེང་དུ་མདའ་དག་བཞག་སྟེ་
D3.007.0261b04.01ཆོམ་རྐུན་པ་དེས་མདའ་དག་ཕྱིར་བླང་བར་བརྩམས་པ་དང་། ཚེ་དང་ལྡན་པ་མ་འགགས་པས་སྨྲས་པ། བཞིན་{བཟངས་,བཟང་}རྣ་སྦྲང་ཆོས་གོས་ལ་ཐོགས་ཀྱིས། ཆོས་གོས་རལ་བར་མི་འགྱུར་བར་དལ་བུས་ལོང་ཤིག །དེས་སྨྲས་པ། ཁྱོད་སུ་ཞིག །དགེ་སྦྱོང་ངོ་། །གང་དག་
D3.007.0261b05.01གི །ཤཱཀྱའི་བུའི་དགེ་སྦྱོང་དག་གིའོ། །དེས་སྨྲས་པ། ཤེས་ལྡན་དག་བདག་ཅག་གིས་བཀྲ་མི་ཤིས་པ་མཐོང་གིས་གསད་པར་བྱའོ། །དེ་ན་དམག་དཔོན་གང་ཡིན་པ་དེ་ཚེ་དང་ལྡན་པ་མ་འགགས་པ་སྔོན་ཁྱིམ་ན་གནས་པའི་བྲན་དུ་གྱུར་ཅིང་། ཚེ་དང་ལྡན་པ་མ་འགགས་པས་
D3.007.0261b06.01འཕོང་གི་དཔོང་ས་གང་དུ་བསླབས་པ་དེར་དེས་ཀྱང་བསླབས་ཤིང་དེ་གཅད་པ་ལ་མཁས་པར་གྱུར་ཏོ། །གང་གི་ཚེ་ཚེ་དང་ལྡན་པ་མ་འགགས་པ་རབ་ཏུ་བྱུང་བ་དེའི་ཚེ་ན་དེ་ཡང་ཆོམ་རྐུན་པའི་ནང་དུ་ཞུགས་ཏེ། ཆོམ་རྐུན་པ་ལྔ་བརྒྱའི་དམག་དཔོན་དུ་གྱུར་པས་དེས་སྐད་ལས་
D3.007.0261b07.01