完整藏文原文 · 德格版页 当前仅加载第 7 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
བརྡུངས། ཀུན་དུ་དམྱལ་ཏེ་ཡང་བ་ལང་གི་ཀོ་བས་གཡོགས་པར་གྱུར་པ་དེ་ནི་བཙུན་པ་དགའ་བྱེད་བ་ལང་ཀོ་བ་དང་ལྡན་པ་མ་ལགས་ཀྱིས་བྲལ་བ་ལགས་པའི་སླད་དུའོ། །སྲིང་མོ་དག་དེ་ལྟར་ཇི་ཙམ་དུ་དོན་རྣམ་པར་རིག་པར་བྱ་བའི་ཕྱིར་དཔེ་དེ་བྱས་ཏེ། འདི་ལ་དོན་
D3.007.0056b01.01ནི་འདི་ཡིན་པར་བལྟ་བར་བྱ་སྟེ། སྲིང་མོ་དག་བ་ལང་ཞེས་བྱ་བ་དེ་ནི་ལུས་གཟུགས་ཅན་རགས་པ་འབྱུང་བ་ཆེན་པོ་བཞི་ལས་གྱུར་པ། ཕ་མའི་མི་གཙང་བ་མེར་མེར་པོ་ལས་བྱུང་བ། འབྲས་ཆན་དང་ཟན་དྲོན་གྱིས་ཉེ་བར་བསགས་པ། རྟག་ཏུ་བྱུག་པ་དང་། ཁྲུས་
D3.007.0056b02.01དང་། མཉེ་བ་དང་། འབྱེ་བ་དང་། རྣམ་པར་འཐོར་བ་དང་། རྣམ་པར་འཇིག་པའི་ཆོས་ཅན་གང་ཡིན་པའི་ཚིག་{བླ་དགས་,བླ་དྭགས་}ཡིན་ནོ། །ནང་གི་ཤའི་ཚོགས་ཞེས་བྱ་བ་དེ་ནི་ནང་གི་སྐྱེ་མཆེད་དྲུག་པོ་དག་གི་ཚིག་{བླ་དགས་,བླ་དྭགས་}ཡིན་ནོ། །ཕྱི་རོལ་གྱི་པགས་པའི་ཚོགས་
D3.007.0056b03.01ཞེས་བྱ་བ་དེ་ནི་ཕྱི་རོལ་གྱི་སྐྱེ་མཆེད་དྲུག་པོ་དག་གི་ཚིག་{བླ་དགས་,བླ་དྭགས་}ཡིན་ནོ། །བར་གྱི་ཆུ་རྒྱུས་དང་། བར་གྱི་གློ་བ་དང་། བར་གྱི་མཆིན་པ་དང་། བར་གྱི་རྩ་རྒྱུན་ཞེས་བྱ་བ་དེ་ནི་དགའ་བའི་འདོད་ཆགས་ཀྱི་ཚིག་{བླ་དགས་,བླ་དྭགས་}ཡིན་ནོ། །བ་ལང་གསོད་པའམ། བ་
D3.007.0056b04.01ལང་གསོད་པའི་སློབ་མ་མཁས་པ་ཞེས་བྱ་བ་དེ་ནི་འཕགས་པའི་ཉན་ཐོས་ཐོས་པ་དང་ལྡན་པའི་ཚིག་{བླ་དགས་,བླ་དྭགས་}ཡིན་ནོ། །གྲི་ཞེས་བྱ་བ་དེ་ནི་ཤེས་རབ་ཀྱི་མཚོན་གྱི་ཚིག་{བླ་དགས་,བླ་དྭགས་}ཡིན་ནོ། །སྲིང་མོ་དག་འཕགས་པའི་ཉན་ཐོས་ཐོས་པ་དང་ལྡན་པས་ཤེས་རབ་ཀྱི་མཚོན་གྱིས་
D3.007.0056b05.01ཀུན་དུ་སྦྱོར་བ་དང་། འཆིང་བ་དང་། བག་ལ་ཉལ་བ་དང་། ཉེ་བའི་ཉོན་མོངས་པ་དང་། ཀུན་ནས་དཀྲིས་པ་ཐམས་ཅད་ཀུན་དུ་གཅོད་པར་བྱེད། ཀུན་དུ་འདྲལ་བར་བྱེད། ཀུན་དུ་རྡུང་བར་བྱེད། ཀུན་དུ་དམྱལ་བར་བྱེད་དོ། །སྲིང་མོ་དག་དེ་ལྟ་བས་ན་འདི་ལྟར་
D3.007.0056b06.01བསླབ་པར་བྱ་སྟེ། འདོད་ཆགས་སྤངས་པའི་ཕྱིར་ཆགས་པར་འགྱུར་བའི་ཆོས་རྣམས་ལ་བདག་གི་སེམས་གང་ཡིན་པ་ཆགས་པར་མི་འགྱུར་བ་དང་། ཞེ་སྡང་སྤངས་པའི་ཕྱིར་ཞེ་སྡང་བར་འགྱུར་བའི་ཆོས་རྣམས་ལ་བདག་གི་སེམས་གང་ཡིན་པ་ཞེ་སྡང་བར་མི་འགྱུར་བ་དང་།
D3.007.0056b07.01