完整藏文原文 · 德格版页 当前仅加载第 7 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གོས་འབུམ་རི་བ་དང་། ཁང་པ་བརྩེགས་པ་ལྔ་བརྒྱ་པ་ཡང་རྗེས་སུ་གནང་བས་ཁྱེད་ཅག་ནི་རེ་ཞིག་ཚེ་འདི་ཉིད་ལ་ཡང་བདེ་བ་ལ་རེག་པར་གནས་ལ། འདི་ནས་ཤི་འཕོས་པ་རྣམས་ཀྱང་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ཁོ་བོ་ཅག་གི་སྟོན་པ་ནི་ངན་པ་
D3.007.0171a01.01ལ་མོས་པ་ཡིན་ཏེ། དེ་ཏིལ་གྱི་ཚིགས་མའི་གཤོལ་གྱིས་ཞིང་རྨོ་བས་དེས་ཁོ་བོ་ཅག་ལ་གཅེར་བུ་དང་། སྒྲེ་བྱི་དང་། སྦྲང་ཟན་དང་། ཡུལ་རྒྱུ་བ་དང་། ས་ལ་ཉལ་བ་ལས་གཞན་རྗེས་སུ་མ་གནང་བས་ཁོ་བོ་ཅག་ནི་རེ་ཞིག་ཚེ་འདི་ཉིད་ལ་ཡང་སྡུག་བསྔལ་ལ་རེག་པར་གནས་ཤིང་
D3.007.0171a02.01འདི་ནས་ཤི་འཕོས་པ་རྣམས་ཀྱང་སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་རོ། །དགེ་སློང་རྣམས་ཀྱིས་བསམས་པ། ཤེས་པ་ཅན་འདི་དད་པར་གྱུར་ཏོ་སྙམ་ནས་དེ་དག་གིས་དེ་ལ་སྨྲས་པ། ཤེས་པ་ཅན་ཇི་ལྟར་འཚོ། དཀའ་བས་སོ། །དགེ་སློང་རྣམས་ཀྱིས་ལྷུང་བཟེད་
D3.007.0171a03.01ཀྱི་ལྷག་མ་འདོད་དམ། ཤེས་པ་ཅན་དེས་བསམས་པ། གལ་ཏེ་དགེ་སློང་རྣམས་ཀྱི་ལྷུང་བཟེད་ཀྱི་ལྷག་མ་མ་ཟོས་ན་ལྟོགས་ཏེ་འཆི་བར་འགྱུར་རོ་སྙམ་ནས་དེས་སྨྲས་པ། འཚལ་ལོ། །དགེ་སློང་རྣམས་ཀྱིས་སྨྲས་པ། ཤེས་པ་ཅན་དགེ་སློང་རྣམས་ཟན་ཟ་བའི་མིག་ལམ་དུ་འདུག་
D3.007.0171a04.01ཤིག་དང་། དགེ་སློང་རྣམས་ཁྱོད་ལ་ལྷུང་བཟེད་ཀྱི་ལྷག་མ་སྦྱིན་པར་འགྱུར་རོ། །ཤེས་པ་ཅན་དེ་དགེ་སློང་རྣམས་ཟན་ཟ་བའི་མིག་ལམ་དུ་འདུག་པ་དང་། དགེ་སློང་རྣམས་ཀྱིས་དེ་ལ་ལྷུང་བཟེད་ཀྱི་ལྷག་མ་བྱིན་ནས་དེའི་སློང་ཕོར་ཁུར་བས་བྱུར་བུར་བྱས་སོ། །དེ་སློང་ཕོར་ཁུར་བས་
D3.007.0171a05.01བྱུར་བུར་བྱས་པ་ཐོགས་ཏེ་ཕྱིར་བྱུང་བ་དེད་དཔོན་གྱིས་མཐོང་ནས་དེས་སྨྲས་པ། ཤེས་པ་ཅན་ཁྱོད་ལ་ཁུར་བ་སུས་བྱིན། དེས་སྨྲས་པ། ཁྱོད་ཀྱི་ཡོན་གནས་ནི་དགེ་སློང་དེ་དག་ཡིན་ལ་དེ་དག་གི་ཡོན་གནས་ནི་ཁོ་བོ་ཡིན་པས་ཁོ་བོ་ལ་དེ་དག་གིས་ཕུལ་ལོ། །དེད་དཔོན་གྱིས་སྨྲས་པ།
D3.007.0171a06.01ཤེས་པ་ཅན་དགེ་སློང་རྣམས་ཀྱིས་ཁྱོད་ལ་སྙིང་རྗེ་བས་བྱིན་ན་ཁྱོད་དེ་སྐད་ཅེས་དེ་དག་གི་ཡོན་གནས་ཁོ་བོ་ཡིན་ནོ་ཞེས་ཟེར་རམ། གལ་ཏེ་བཅོམ་ལྡན་འདས་ཀྱིས་གསན་པར་གྱུར་ན། བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་མཛད་པར་འགྱུར་བ་
D3.007.0171a07.01