完整藏文原文 · 德格版页 当前仅加载第 7 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱུར་ཕྲག་གསུམ་དང་། བྱེ་བ་ཕྲག་དྲུག་གི་འཁོར་དང་ལྡན་པ་བྱམས་པའི་སྟོབས་ཀྱིས་མངོན་པར་བཏུལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཇི་ལྟར་མངོན་པར་རྫོགས་པར་སངས་རྒྱས་པའི་བར་དག་མངོན་པར་འགྱུར་བའི་མདོ་ལས་རྒྱ་ཆེར་ཇི་སྐད་གསུངས་པ་དང་འདྲ་བར་དེ་
D3.007.0228a01.01ལྟར་བཅོས་པ་ཐམས་ཅད་གར་ཐབས་སུ་རྒྱ་ཆེར་སྦྱར་ཏེ་གར་བྱེད་པ་དང་། སྐྱེ་བོ་ཕལ་པོ་ཆེའི་ཚོགས་དད་པ་དང་ལྡན་པ་དག་དད་པ་མངོན་པར་འཕེལ་བར་གྱུར་ནས་ཨེ་མའོ་གར་བྱས་སོ། །ཨེ་མའོ་གར་བྱས་སོ་ཞེས་ཟེར་ཞིང་གར་མཁན་དེས་ཀྱང་རྙེད་པ་མང་པོ་གྲུབ་པར་གྱུར་ཏོ། །དེ་ནས་གར་མཁན་དེས་
D3.007.0228a02.01ཡང་བསམས་པ། བདག་གིས་སྐྱེ་བོ་ཕལ་པོ་ཆེའི་ཚོགས་དད་པ་དང་ལྡན་པ་དག་ནི་དད་པ་མངོན་པར་འཕེལ་བར་བྱས་ཟིན་གྱིས། ད་ནི་མ་དད་པ་དག་ཀྱང་དད་པར་འགྱུར་བར་བྱའོ་སྙམ་ནས་དེའི་འོག་ཏུ་གར་མཁན་གཅིག་གིས་འཆར་ཀའི་ཆ་ལུགས་སུ་བྱས་ཤིང་གར་མཁན་ཅིག་ཤོས་ཀྱིས་འདུན་
D3.007.0228a03.01པའི་ཆ་ལུགས་སུ་བྱས་ཏེ་དེས་ཁམ་ཕོར་ཐལ་བས་བཀང་ནས། སྟེང་དུ་བུ་རམ་གྱི་དུམ་བུ་གཉིས་སམ་གསུམ་བཞག་སྟེ་འཆར་ཀའི་ཆ་ལུགས་ཅན་ཟན་ཟ་བའི་མདུན་དུ་ཙོག་པུར་འདུག་སྟེ་སྨྲས་པ། བཙུན་པ་འཆར་ཀ་དགོངས་སུ་གསོལ། བདག་དགེ་སློང་འདུན་པ་ཞེས་བགྱི་བ་འཚལ་མ་
D3.007.0228a04.01འཚལ་ཞིང་སྤངས་ཏེ་ཡོངས་སུ་རྫོགས་ཤིང་མཐར་ཐུག་པར་བགྱི་བ་ལས་བཅའ་བ་དང་། བཟའ་བ་རྙེད་ཅིང་འཚལ་བར་འཚལ་ན་ལྷག་པོར་བགྱིས་ཏེ་བདག་ལ་སྩལ་དུ་གསོལ། འཆར་ཀའི་ཆ་ལུགས་ཅན་དེས་དེ་ནས་བུ་རམ་གྱི་དུམ་བུ་གཉིས་སམ་གསུམ་པོ་དག་བླངས་ཏེ་ཟོས་ནས་ཁམ་ཕོར་
D3.007.0228a05.01གྱི་ཐལ་བ་འདུན་པའི་ཆ་ལུགས་ཅན་གྱིས་མགོའི་སྟེང་དུ་གཏོར་ཏེ་ཁྱོད་ཀྱིར་གྱུར་གྱིས་བཞུད་ཅིག་ཅེས་སྨྲས་པ་དང་། སྐྱེ་བོ་ཕལ་པོ་ཆེའི་ཚོགས་ཐམས་ཅད་ཀྱིས་ཧ་ཧ་ཞེས་གད་མོའི་སྒྲ་ཆེན་པོ་ཕྱུང་སྟེ། མ་དད་པ་དག་ཀྱང་དད་པ་མངོན་པར་འཕེལ་བར་གྱུར་ནས་ཨེ་མའོ་སྨྱོན་ཐབས་བྱས་སོ། །
D3.007.0228a06.01ཨེ་མའོ་སྨྱོན་ཐབས་བྱས་སོ་ཞེས་ཟེར་ཞིང་གར་མཁན་དེས་ཀྱང་རྙེད་པ་མང་པོ་གྲུབ་པར་གྱུར་ཏོ། །དེ་ན་སྐྱེ་བོ་ཕལ་པོ་ཆེའི་ཚོགས་དད་པ་དང་ལྡན་པ་དག་ནི། ཤེས་ལྡན་དག་ལྟོས་ཤིག །གར་མཁན་འདིས་གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་
D3.007.0228a07.01