完整藏文原文 · 德格版页 当前仅加载第 7 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་དགེ་སློང་གི་གནས་མལ་གྱི་ཉེན་ཀོར་གང་ལགས། ཉེ་བ་འཁོར་ངས་བྲམ་ཟེ་གྲོ་བཞིན་སྐྱེས་ལ་ཨ་མྲའི་སྡོང་པོ་ཤིན་ཏུ་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཡལ་གའི་ཚོགས་
D3.007.0011b01.01ཕུན་སུམ་ཚོགས་པ་འདོམ་བདུན་གྱིས་བར་དུ་ཆོད་པའི་ཨ་མྲའི་སྡོང་པོ་བདུན་པོ་གང་དག་ཡིན་པ་དེ་དག་ལ་འདོམ་བཞི་བཅུ་རྩ་དགུ་ཡོད་པར་བསྟན་པ་དེ་ནི་དགེ་སློང་གི་གནས་མལ་གྱི་ཉེན་ཀོར་ཡིན་ནོ། །དེ་འདྲ་བའི་རྐྱེན་མ་གཏོགས་ཏེ་ཞེས་བྱ་བ་ནི་དེ་འདྲ་བའི་རྐྱེན་བཞག་
D3.007.0011b02.01སྟེའོ། །ལྟུང་བྱེད་དོ་ཞེས་པ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་
D3.007.0011b03.01མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། འདི་ལྟ་སྟེ། དགེ་སློང་གིས་དགེ་འདུན་གྱི་གནས་མལ་བླ་གབ་མེད་པར་བཞག་སྟེ་དེ་ནས་སོང་ན་ཇི་སྲིད་དུ་ཉེན་ཀོར་མ་སྤངས་
D3.007.0011b04.01ཀྱི་བར་དུ་ཉེས་བྱས་སུ་འགྱུར་ལ། ཉེན་ཀོར་སྤངས་ན་ལྟུང་བྱེད་དུ་འགྱུར་རོ། །གལ་ཏེ་ལམ་ཀར་བདག་གི་དགེ་འདུན་གྱི་གནས་མལ་ཤོས་འདི་ལྟ་བུ་ཞིག་ཏུ་གཞག་གོ་སྙམ་དུ་དྲན་ཞིང་། གལ་ཏེ་དེ་འདི་སྙམ་དུ་བདག་གི་ཚངས་པ་མཚུངས་པར་སྤྱོད་པ་མཁས་པ་དག་
D3.007.0011b05.01སྡུད་པར་འགྱུར་རོ་སྙམ་ན་དགེ་སློང་དེས་ཕྱིན་ཅད་དེ་ལྟར་མི་བྱའོ་སྙམ་དུ་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ་ལྟུང་བ་དེ་ཡང་ཆོས་བཞིན་དུ་ཕྱིར་བྱའོ། །གལ་ཏེ་ལམ་ཀར་དགེ་སློང་དེར་འགྲོ་བ་མཐོང་ཞིང་། གལ་ཏེ་དེ་འདི་སྙམ་དུ་འདིས་སྡུད་པར་འགྱུར་
D3.007.0011b06.01རོ་སྙམ་ན་དེ་ལ་འདི་སྐད་ཅེས་ཚེ་དང་ལྡན་པ་ཁོ་བོས་དགེ་འདུན་གྱི་གནས་མལ་ཕྱོགས་ག་གེ་མོ་ཞིག་ཏུ་བཞག་པ་དེ་སྡུས་ཤིག་ཅེས་བརྗོད་པར་བྱ་ཞིང་དགེ་སློང་དེས་ཕྱིན་ཅད་དེ་ལྟར་མི་བྱའོ་སྙམ་དུ་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ་ལྟུང་བ་དེ་ཡང་ཆོས་
D3.007.0011b07.01